بسم الله الرحمن الرحيم
..
..
...
..نظرة حقد..5,..
..
..
..
مدخل..

يا كاعب الطبع الفريد 000ياللي في صدقك تكذبي
يا أقدم الكيد الجديد 000 كيد انسجن منه نبي
يا جاريه تملك عبيد 000 يا مقيده تسبي سبي
القوه في ضعفك تبيد 000 وسلاحك الدمع اسكبي
ما يعجزك قاسي عنيد 000 الكهل يصبك بك صبي
ينصاد ويظن انه يصيد 000 ويصدقك هذا الغبي
ويظن انه الفذ الوحيد 000 ما يدري انك تلعبي
مسكين هالجاهل بليد 000 ظنك بوصله ترغبي
ان جاك اقفيني بعيد 000 وان صد عنك تقربي
وان شفتي اخلاصه يزيد 000 في حيرتك تتقلبي
وان بان لك فجأه سعيد 000 من هالسعاده تغضبي
وان قلتي عني لا تحيد 000 وطاوعك تستغربي
وان قلتي فراقك أريد 000 وغاب عنك تندبي
ياطالب الراي السديد 000 يا حاير بطبع الظبي
أقرب من حبال الوريد 000 وابعد من المجد الأبي
وأوضح من أنوار تقيد 000 واخفى من النمله دبي
الشك فيها الأكيد 000 وغموضها به تختبي
شف فعلها يحكي ويعيد 000 الغدر شيمة مذهبي
زادي النكد به استزيد 000 والمكر صافي مشربي
البعض ينصاني مجيد 000 والبعض يحبيلي حبي
ضعفي قوي وذلي عتيد 000 يا ليت اعرف مأربي
شف فعلها برجل شديد 000 تلقى طلبك ومطلبي
تعطيه بعض اللي يريد 000 وتاخذ جميع اللي تبي
أستثني من هذا القصيد 000 كل النساء بكوكبي

..
للمبدع...الأمير..عبد الرحمن بن مساعد..
..
بدايه..
مساء الحب على قلوبكم الطيبه...
بارت اليوم..قصير نسبياً..لكن آحداثه مهمه..يتخللها دموع...,,,
بس ينتظركم بمنتصف البارت مفاجئه..!
قبل لا نبدا مع بعض البارت...فيه متابعات راح يدخلون الأختبارات ها الاسبوعين...ويطالبوني اوقف الروايه
لحد ماتخلص اختبارتهم...فآنا بشوف راي الأغلبيه من خلال ردودكم ...
لكن بارت السبت بذن الله في نفس موعده..وبعدها نقرر اذا راح نكمل او نوقف مع الاخوات الي راح يدخلون
الاختبارات....
...وبا الحالتين انا ماعندي اشكال..,با الاخير القرار بآيديكم...

..
آلأوسمه...
في البارت السابق...
آوسمة تميز..شي قليل عليكم..يامبداعات..يآمميزات...ردودكم..ماهي من النوع الي تنقرى مره وحده..وبعدين
نتركها..صدقوني...آستمتع انا شخصياً بقرائتها كذا مره..
طيف الاحباب..وردة الزيزفون...تحليلاتكم بعد كل بارت..بصراحه انصح اي قارئه لروايتي تمر عليها بعد البارت...
لنها بجد.. اعتبرها مكمله لبارت..
...
...
...
في آرقى المطاعم..
ترتشف بهدوء من الكأس الكرستالي...وهي تستمع...له...
جسار بحب \سيوف اول ماخذ آجازتي السنويه..راح نروح اجازه لقبرص..شرايك...؟
سيوف وهي تاكل بأناقه\سو الي يريحك...اذا مايعارض توقيت شغلي...
جسار\تصدقين سيوف ان التجار الان استغلو ضعف المستهلك في طلبه لبضائع معينه..
وصارو يضاربون في الأسعار لكن لو فيه وقفه
صارمه وجاده في وجه اي تاجر شجع ..او اي شركه طامعه واستغلاليه..ماكان نشوف الأسعار وهي في تزايد
مجنون ...والله انا راحم
رب البيت الي عنده كذا طفل بمراحل عمريه مختلفه... وراتبه مايتعدى ثلاث الاف...
كيف يلحق مصروف الأطفال او زوجته او المواد الغذائيه..
والمصيبه الكبرى بيته اذا كان ايجار.....الى وين راح نوصل ..
لمجتمع فيه تفاوت طبقي كبير تلغي فيه الطبقه الوسطى..اذا الغت من
اي مجتمع الطبقه الوسطى فهذا نذير خطير وكبير على قرب آنهيار ها المجتمع..
سيوف باابتسامه\جسار..المجتمعات كلها كذا..لازم فيه الغني ولازم فيه الفقير..والا ..كيف نحنى بدنيا...
جسار\انا ماقولك نلغي الطبقيه في المجتمع..لا ..انا اقول مرفوض الغاء الطبقه الوسطى با المجتمع
اذا الغت ها الطبقه..كارثه..تعرفين كيف كارثه..هي الاشاره المهمه لمجتمع جيد...
سيوف تطالعه بتفحص\جسار لو كنت بطبقه الفقيره والمهمشه..ياترى بيكون هذا منصبك وهذا اسلوبك..
استغرب \انا هو انا..بئي مستوى معيشي...المهم في الانسان عقله..هو الي يرفعه..وهو الي ينزله...
سيوف وهي تعقد حواجبها وبطفش\جسار..انت مو بجريده..انت الحين مع زوجتك اترك ها الخطابات
وها المواضيع الي لاتودي ولاتجيب...
عقد حواجبه جسار بخيبة امل..\آسف...دخلت بمواضيع..الظاهر انها ماتهمك ابد..
..تجاهلت سيوف تعليقه وخذت الكاس الكرستالي الي قدامها وارتشفت منه بعذوبه..\لا..مو القصد..بس احسك
في الصحافه صاير تحت المجهر..اي غلط لو كان صغير راح يحطون له ضجه..مرتبط فيك او في غيرك..
تجاهل جسار نبرة صوتها \لو اغلط..اكون استاهل اي عقاب ينزلونه فيني..
سيوف برتباك\يعني حتى لو ماغلطت احد مثلاً يتبلى عليك..,وهذا الشي جايز وماهو مستبعد في مجالك..
جسار \ساعتها ارد الصاعه له صاعين..واثق الخطى يمشي ملكاً
ابتسمت ملوك من ثم التفت للواجه الزجاجيه بنظره غريبه ابعدتها عن المكان..
...
...
وأنا بين التلاقي والفراق ..؟
أدفن العمر وأحفر لي نفق...!
...
...
بقصر العاجي..,,
جناح مناهل وبتال..,,,
يمرر يده على وجه..,,يمسح بها عدة قطرات تسللت له..من ثم يرجع لحديثها الدائم...
مناهل\الله يخليك بتال انا ابي اتعالج..
بتال عاقد حواجبه\ماتفهمين...
مناهل\الا افهم بس شفت كم دكتور وكم مستشفى ..ماحد فيهم عالجني..كلهم يقولون مافي امل..
المبايض عندي منعدمه
بتال\اذكري الله..وش الي مافي امل...اذا تبين بنروح للعمره ونعتكف هناك وتشربين من موية زمزم..اما طب
شعبي..وخرابيط العجز..انسي..فاهمه..أنسي..,,,
مناهل وصوتها انبح من اختناق الدموع\بتال لاتحرمني تكفى الله يخليك لبناتك..انت ربي رزقك من مناير
بس انا مثل ماتشوف لاضنى ولاحتى اخو...يمكن ها الشعبي يقدرون يعالجوني ويصلحون الي عجز الطب منه..
ليه تحرمني من المحاوله..
وقف بتال وبان طوله الفارع جنبها\مناهل..انتي في مخك شي مايستوعب الي اقوله..!شعبي مافيه
وديري بالك تكسرين كلامي..
مناهل تمسح دموعها وبئلم\انت لو فيك ها العيب بتترك الشعبي...
خزها بعينه وبحفيف\ولاكلمه..واذا فيك خير...اكسري كلامي..
......
...
وأنا بين التلاقي والفراق ..؟
أدفن العمر وأحفر لي نفق..!
...
...
يوم جديد..بفلة الجده...
جلس جسار على الكرسي المريح بول القعده ..طالع قدامه كومة جرايد..اعداد اليوم..شكلها ماحد قراها..اساس
البيت هاذا مافيه احد يحب القرايه..بيت مكتوب عليه لا للقراءه..ثقافه سطحيه...
المكتبه الكبيره مافي احد يفتحها غيره..
على انها بغرفه تسمح للجميع ان يدخلها ويطلع على الي فيها..
اشياء قيمه..وكتب ثمينه..ابتسم بحزن وهو يقلب
الجريده على تحقيق في قضيه فنيه..مقتل سوزان تميم..!
يهمنا بئيش ها الشي....فنانه..! وماتت...!طيب...!
ليش مكبرين القضيه..يتركونها للقضاء مثل اي قضية
قتل عاديه..ليه الصخب الاعلامي ..الي يرافقها...
ليه الاهميه والفقاعه الي ترفعها...
فيه اشياء اهم...اللهم لاحول..عقول..لاتفهم...واقلام موجه لفلك ثاني يسبحون فيه ..
انتبه لمقاله ثانيه افرحته..,,تهئنه..,,,بعودة الامير سلطان.
..ابتسم وسكر الجريده ونزلها على الطاوله الزجاجيه السودا..
عدل نظارته الطبيه على ابتسامات وسن ..وهي جايه قدام عيونه من المدرسه ودرر..تسحب شنطتها
وسن با ابتسامه طفوليه عريضه\بابا حبيبي..
خذا وسن ...
وحطها على طرف رجله... وابتسم لها وهو يعدل شعرها الي كان شبه طاير ..بعد يوم مدرسي طويل..
درر طالعت فيهم وتركتهم..
استغرب جسار بس ماعلق..يعرف مزاجها بعض الاحيان..صعب وماينفهم..بس مو غريبه الام سيوف والعمه
شهد هاذا اذا ماضربها عرق من عروق عمها عناد..ههه مصيبه...
وسن\بابا انا جبت خمسه ممتاز با الاشعار حقي..اما درر رفضت تخبرني ايش جابت..اكيد انها ماجابت زي
يالله بابا عطني الهديات تبعي..
ابتسم جسار وطالع درر وهي تسحب شنطتها بثقل ووقفت عند نصف الدرج تطالع جسار..
جسار\بابا درر تعالي خليني اشوف اشعارك..
درر ماردة عليه
وسن\بابا يالله قولي شها الهديه..انا ابغى هديه كبيييره..
جسار طالعها وابتسم ورجع يطالع درر شفيها..؟؟
جسار\بابا ماتسمعي ابغى اشوف اشعارك
درر بعصبيه رمت الشنطه وانتثرت الدفاتر والكتب الي فيها على طول الدرج,,ونزلت لجهت التليفون..
جسار بعصبيه\درر ليه عملتي كذا!!
اخذت درر التليفون وناظرت جسار ودقت ارقام حافظتها\خلاص قل لماريا ترتبها ..
جسار بعصبيه\لاولله وترداي بعد..ترى اعاقبك..
درر\طيب شوي خلاص لا تخانق..
جسار بعصبيه نزل وسن من حضنه وتوجه لدرر..
في ها الوقت دخل عناد من باب الفله... وصوت جواله يدق...رفع الجوال..وانتبه انه رقم البيت..
بصوت مرتفع حتى ينتبه الي بصاله\انا هنـــآآآ من الي يدق...
ابتسم جسار وهو يشوف اخوه عناد داخل با الزي الرسمي تبعه..
وعلامات التعب على محياه..
درر ركضت بسرعه لجهت عناد..الي استقبلتها أحضانه بحب وشوق..
تحت انظار جسار المبتسم من لمى كانت بمهد هي... و..وسن..
عناد يميل بشكل خاص لدرر..في كل شي..هو بصفها...مهما كان ..هو بصفها..
جسار بعصبيه\ترى عناد ماراح يمنعك من العقاب روحي رتبي الكتب وعطيني اشعارك ..
درر تجاهلت جسار...
ورمت براسها الصغير على كتف عناد..
وضمت وجها الجميل قريب من رقبته الحنون لها.. ولها وحدها...
غمز في ها الوقت عناد لجسار وهو مبتسم..
عناد بضحكه\لا..لا... ياجسار كله والا الليدي درر ..
رفعها عناد وقف...\انا بطلع انا والليدي تبعي ناخذ لنا غفوه ..لاحد يزعجنا..تعرف كلنا جاين من الدوام...مرهقين..
جسار بصرامه\عناد الليدي حقتك مثل ماتقول ...الظاهر علاماتها ماتبشر بخير...نزلها وخلني اتفاهم معها ..
عناد \لاحول من الدمقراطيه المذبوحه في ها البيت...هي مسويه لجوء سياسي..خلاص لفها على قولة اخوانا
السورين..
جسار بعصبيه محمله بعتب\كذا بتخربها...مايصير...
مارد عناد على جسار لكن اكتفى باابتسامه ازالة تجهم وجه جسار...وصعد لفوق..
بعدها بلحظات انتبه جسار..ليد وسن الصغيره الممدوده له بحب...
جسار بضحكه\شو وسونتي وش ها الظرف..؟
وسن بطفوله\بابا انا لما طلعت من المدرسه..لحقني واحد قبل ماركب مع السواق..وقال عطيه بابا..
تجهم وجه جسار بخطوط ارتسمت بين حاجبيه..واخذ الظرف ...فتحه ببطئ...من ثم استغرب مافيه شي..
لكن..ما ..ان..اتضحت الصوره له...حتى آكتسى وجه...لون اخر..من العصبيه..والغضب..
نزل الموجود بظرف بكفه ...لتسقط رصاصه وتتوسط كفه بتهديد مبطن....
.....
...
وأنا بين التلاقي والفراق ..؟
أدفن العمر وأحفر لي نفق..!
...
...
بيت ابو مناف...
دخلت ملوك على صوت صراخ ناري وحاد..
احدهم اتضح بعبراته المتهدجه وصوته الرخيم المحبب لئذن ملوك..والأخر...موجوداً ..دائما بآعماقها..
كيف ولا..وهو نصفها الاخر الذي كانا برحم واحد 9اشهر...
مناف بهستيري\بتعطيني فلوس والا كيف...؟؟؟
ابو مناف بعصبيه\مب معطيك ريال كله تاكل بها السم الهاري الي طحت فيه..
الله لايبارك اللي طيحك فيه ويحرق قلبه مثل ماحرق قلبي...
مناف بعصبيه\انا مو مدمن...مليون مره اقولكم مب مدمن...
الا تبي تقول انا مدمن..عطني 800 محتاجه لها...معاش تقاعدك وين يروح..ابيها يبه..
ملوك بحده\مناف ....؟؟؟
التفت مناف وبعصبيه \نعم...شتبين...بتعطيني فلوس والا انقلعي لغرفتك فوق...
ملوك بعصبيه رمت عباتها وشنطتها على الكنبه\ماحد فينا بيعطيك ريال..
ولاحتى قرش..موت انجن شي راجع لك لكن تجلس كل يوم والثاني ترفع ضغط ابوي فهاذ..الي مو مسموح لك...
مناف توجه لملوك وقف قدامها بضبط وبهمجيه\يعني وش المسموح بعرفك..؟ تخلين اخوك والمصيبه انه تؤمك كذا
يبي فلوس ويطر من الناس وماتعطينه ياحضرت الدكتوره..!!
ملوك بعصبيه\لو تموت تعرف تموت ماعطيك ريال عشان تدمر فيه نفسك..فاهم!!!
مانتبهت ملوك الا هي مشدوده من شعرها ..
ومناف جالس يسحبها باركان البيت وبصراخ\بتعطيني يامليك وانتي ماتشوفين الدرب بتعطيني...
وبيده الثانيه فتح شنطتها وسحب معها محفظتها الصغيره..
ملوك بقهر\مناف اترك الفلوس هاذي حقت فاتورت الكهرب..مب من حقك..مناف...!!
كان هاذا المنظر الكئيب..
امام عيون قد اغرقت با الدموع...هدها ضعف وهن العظم..واشتعل الراس شيبا...وقبل هذا وذاك...
وهن باالشخصيه..ماظهرت من شفتاه المرتجفه آلأ \حسبي الله ونعم الوكيل حسبي الله ونعم الوكيل فيك من ولد....
في ها الوقت..
فلك بهبل\قلبي انت وينك....
ياسر\خالتي رايح للفلة جدي.. ملوك وصلت لكم....
فلك بجه الثانيه تسمع آصوات ..
ونزلت من السرير فتحت باب الغرفه واتضح مع الصوت ان معارك
مناف الدائمه قد ابتدئت....
فلك بخوف\ياسر خلك معي شوي..شكل مناف..حايس الدنيآ تحت...
ياسر بجه الثانيه\حايس الدنيا..ش مهبب بعد...؟
توجهت فلك لدرج ونزلت بخطوات سريعه وشافت مناف يرمي الشنطه وبيده المحفظه...
وملوك طايحه با الجه الثانيه تبكي...
فلك بعصبيه\طقيتها يالي ماتستحي على وجهك...
مناف طنشها وطلع برى البيت وضرب الباب بقوه...
باالمقابل...
ملوك زحفت بقهر لجهت ابوها وحطت راسها عند ركبته وصارت تشاهق بصمت.....,,,
,,,,,...
...
وأنا بين التلاقي والفراق ..؟
أدفن العمر وأحفر لي نفق..!
...
...
بقصر العاجي...
فتحت الباب الرئيسي ودخلت بهدوء...خطواتها الثابته تتوسط المكان...
جالت بنظراتها المكان..وكئنها تتفحصه..ولم تمر عليه يوم...
لكن هذا هي...شديدة الملاحظه...ولاتحب التغير
مطلقاً...
مازالت معشوقاته لوحات ليوناردو دافينشي..تزين الأستقبال...
ومازال رائحة العود الفخم يعبق بجوائه...
كم تعشقه روائحه الملكيه..
ومناقشته العذبه في في اي مجال تفتحه او يتمحور الحديث فيه عن اي
شئ يجذبه...
له ميزه ..تميزه...وهي الضد...يجمع كل شي متضاد...الحنان والقسوه...الحضاره والبداوه..
طالب علم كبر...وعالم مبجل...اكبر تاجر حديد...بل...كما..يشاع...(بارون الحديد...)...وزاهد يبكي في محرابه
في اوقات خلوته...
ذالك الصوت التي اشتاقت لمعانقته..
تسمع رنين آوتار عكازه على ارضية الرخام..
كرنة ناي ..جالت بين حنايا قلبها..,,
او ..كامعزوفة عشقت مقطوعاتها النادره...
مقرن ..طالع من مكتبه...وبتال.....
الابتسامه ترنسم على وجه..
خالطته المفاجئه...والفرحه الغير متوقعه...؟
مرر عيونه المشتاقه لتفاصيلها..عيونها التي تأخذ من آسمها موال طويل..يغرق
كل شخص يتحداه فيه..
كريشة مبدع مرت على تلك العيون..الناعسه..
طرفها الكحيل..بأمر من الله..لم يتدخل فيه يد بشر...
ملامحها الباذخه..بجمال مترف..يعانق المحال ..
الى بياض نآصع..يتخلله حمرة دم تجري بشفافيه واضحه من بين العروق..من ثم آسترسال
الشعر الليلي الطويل الذي يصل بطوله الي وركيها...بنعومة حرير آنتقى صانعه
آجوده...
انتقلت عيونه بحنان لمبسمها الذي تخللته الآسنان الرمانيه.. التي تكشف عن شفتين
نافسة الورود في جمالها...
قطع تئمله لها..صوتها الباسم له..\آبو الظبي...يعني كل مره آبطي عنك لازم ها النظره
الي تدور فيها رسوم جدتي...تراني ظبيك..ماني بساره الله يرحمها..
قالتها وهي مستغرقه بضحكه باسمه... من ثم احتضنها لصدره..رائحة امه..يجدها فيها..
شامخه.. كا ..شموخها...وعذبه كعذوبتها..
وسارقة جميله لجبروته وسطوته وقسوته...!
.......
...
وأنا بين التلاقي والفراق ..؟
أدفن العمر وأحفر لي نفق..!
...
...
بيت ابو مناف
فتحت الباب,,,
ياسر يدف الباب بسرعه \خالتي ملوك بخير...؟
فلك لحقته وهو يمشي بسرعه لجوات البيت\اوف منك ياياسر انا قلت هي بخير..
ياسر التفت لجهت فلك لما مالمح احد في لصاله\وينها فيه!!
فلك تخصر\يسير..ماتسمع كلام خالتك...البنت طيبه ولما درت انك جاي دخلت الغرفه ..
وسكرت على نفسها يعني بصريح العباره ماتبيك تشوفها..
ياسر يرص على اسنانه\مب بكيفها ومناف هاذا دواه عندي ها الكلب راعي المخدرات والحبوب ..
والله لولآ ..خالي انه الحين بسجن..
طلع بخطوات سريعه لطابق الثاني..
واتجه بسرعه لجهت غرفتها...
,......
...
وأنا بين التلاقي والفراق ..؟
أدفن العمر وأحفر لي نفق..!
...
...
فلة الجده هيا,,,,
فتحت عيونها على صداع يجتاح خلايا دماغها...
طالما كرهت هاذا الصداع..
المؤلم الملازم لها منذو طفولتها...
يسري في عروقها بهمجيه...كا..مصعوق با الكهرباء..لتو..يفيق...
مستوى الروئيه..يتضح بهدوء خالجه صعوبه....
ام جسار ببتسامه حانيه\ماما صحيتي...ان شاء الله طيبه..؟
ابتسمت بيأس كلمات آمها الدائمه وحنانها المتدفق...
وعيونها الممتلئه دموع ترفض ان تنزل امامها\يمه انا بخير..
شهد رفعت نفسها ببطئ واسنتدت على المخده تحس الصداع..
راح يفجر عن خليه من خلايا دماغها ان طال استمراره..
شهد بستهزاء\من ها المره الي حس فيني...
ام جسار بحزن\عناد...جيته وهو حاضنك..
ارتفعت حواجب شهد بااستهزاء...\عنيد,,,مــــآ كنت اعرف ان بقلبه مشاعر رحمه!!
كشرت ام جسار وجها وقامت \شوفي الاكل بجيك بعد شوي...
حاولي ماتنسي تاكلي حبوبك..انا شيكت على حبوبك شفت من
امس.. ما ..كلتيها...لاتنسين..
طلعت ام جسار بعد ماتطمنت على شهد...
ابتسمت شهد بضعف.. وهي تلتفت لجهت الحبوب... وكوب المآء..
......
...
وأنا بين التلاقي والفراق ...؟
أدفن العمر وأحفر لي نفق..!
...
...
بيت ابو مناف..
ياسر بهدوء اقترب للعصبيه\ملوك فتحي الباب ..انا وخالتي نبي نطمن عليك آفتحيه..
,,لاجواب..,
استمر واقف ياسر للحضات ..يستمع بهدوء ..هذي اللحظات.. لصوت شهقاتها المريره المكتومه,,,
التفت بحده لخالته\خالتي وربي ودي اكسر.. ها الباب..مافيني اصبر..وراى ماتفتح لي الباب...
فلك رفعت كتوفها بيئس\اول مره تعرف ملوك..هي كذا..اذا بكت ماتحب احد يشوفها!!
اسند راسه بيئس على الباب حرك بهدوء يده على الباب\ملوك افتحي بس ابي اتطمن,,
انك بخير وراح اطلع على طول,,,
استمر دقايق..يبي يسمع منها لو همس ..حتى الشهقات اختفت...
فلك مسكت ذراع ياسر ويصوت خافت\ماراح تفتح...تعال معي تحت..
آرخى كتوفه ياسر بضعف...ومشى مع فلك للجهت الصاله..
لحضات وانتبه ياسر على جواله..
ناظر الرقم حصله بتال..\سم طال عمرك...
عفس وجه \متى..؟
من ثم لان\جايكم الحين....
مشى خطوتين وهو متوجه للباب والتفت بهدوء\خالتي اذا رجع مناف وصار شي خبريني..
.ترى المره الجايه بيكون موته على يدي..
,,,
.....
...
وأنا بين التلاقي والفراق ..؟
أدفن العمر وأحفر لي نفق..!
...
...
في الدور الثاني من فلة الجده هيا..
نزل عناد درر وهو يشوف شهد طالعه من جناحها...
عناد يضرب راس درر بخفه\يالله روحي نامي على السرير لما اجيك...
ابي ادخل كل اليت طافي مافي ولا نور وسكري كل الستاير مب ادخل
واحصلك نايمه ومخليه كل شي وراك...
درر من الوناسه تمشي وهي شبه تركض لجناح عمها...الجناح المحبب لها من البيت كله...
طالع بنظره شبه مسروقه لوجه شهد كان بيحرك شفايفه بهمس كلمات لما سبقته..
شهد بستهزاء\صاير حنون ماشاء الله!!
نزل بتعب الواقي الي على صدره ومسكه بتعب وبسخريه\ماحب آشوف ناس منصرعين
قدامي وحالهم يرثى لها وماخبر الخدم...روحي اشكري
ماريه هي الي خبرت امي...
شهد بتريقه\تكفى ثاني مره لااشوفك مسوي لي فيها المنقذ..ماحنا بناقصين منَه...يكفي ازعاجك لنا ...
دخل الجناح وهو يصد بنظره عنها ..
في ها الوقت مسكت شهد راسها بئلم ونزلت لدور الي تحت....
...
......
...
وأنا بين التلاقي والفراق ..؟
أدفن العمر وأحفر لي نفق..!
...
...
ببيت ابو مناف...
نزلت بتعب من الدرج ,,,ابتسمت فلك وهي تشوف ابتسامه على وجه ملوك ولو انها ذابلة..
فلك بسلوبها الساخر\هلا وغلا...والله طفشت البارحه ماسهر معي احد ولاتغدى معي احد اليوم...
يامرحبا با الطش والرش...يامرحبا مليون وفي ذمتي مايسدن..!
جلست ملوك بضحكه على الارض وخذت فنجان القهوه من يد فلك..
فلك بعصبيه مصتنعه\هو..ياقشرك يامره!!!فيه فنجال في الصينيه..والا هو حق فلسطين المسلوب دايم من اسرائيل..
ضحكت ملوك بقوه لما توجعت من ظهرها من الضرب\مافيني حيل اصب لي فنجال ثاني ...فنجالك اسهل واقرب..
فلك بضحكه\طيب لاتقطعين علينا...لاتضحكين...
ملوك وهي ترتشف القهوه وتاكل تمره موجوده قدامها\وين ابوي...ماشوفه...
فلك تحط فنجال جديد قدامها\راح لجارنا....آخوه متوفي الله يرحمه...ماسمعتي صوتهم البارح..الله يجبر مصابهم...
كشرت ملوك بحزن واستمرت تشرب فنجالها الي برد من كثر ماحار في يدها...,,
من بعد لحظات الصمت الي استمرت دقايق..,,
ملوك \عمه
فلك ناظرتها بصمت..
ملوك\عمه انتي كنتي تحبين زوجك الاول..عم آسر...
فلك عقدة حواجبها بعصبيه وانتثر بقايا القهوه الي بيدها من الرجفه الي اجتاحت خلايها بلحظه\وليه السؤال...
ملوك \عمتي..ماعمرنا تكلمنا بها الشي...خلينا نسولف..ندرتش..
انا الفضول ذابحني..وخاصة انه سمى عليك بنته الكبيره اكيد
انه يحبك بعد..
فلك برجفة شفايف ماقدرت تحكم فيها\الموضوع هاذا يا مليك يكدرني لاتفتحينه..
ملوك\طيب متى نفتحه..اقولك الفضول بيجلطني...خخخخ
فلك نزلت الفنجان وظهر له صوت واضح با الصينيه..مظهره عصبيتها الواضحه وماخفت..
التزمت ملوك الصمت بعد عصبية عمتها,,
نفسها تعرف القصه كامله باحداثها ومشاعرها..ماتذكر طلاقهم ولاتذكر الااشياء بسيطه
وبسيطه جدااا...
ومع اللحاح ملوك المستمر على عمتها ماتفتح موضوع بتال ابد ابد لملوك او لغيرها,,
حتى زوجها الثاني..ماجلست معه الاكم اسبوع..
,,
,,...
...
وأنا بين التلاقي والفراق ..؟
أدفن العمر وأحفر لي نفق..!
...
...
دخل عناد الجناح تبعه وهو مايقدر يفتح عيونه من التعب والارهاق...
شاف درر حاضنه مفرشه وباديه تحارب النعاس
الذي يغتال بمرح عيونها الجميله...
مشى بخطوات سريعه لجهته رمى نفسه بتعب على السرير واحتضن طفلته الصغيره...
وباسها بقوه على خدها الناعم\درر تبين تنامي ياالخاينه بحضن المخده وتتركين عمومك...
ابتسمت درر بين نومها لدلع عمها الدايم لها..
رمت راسها بطفوله بحضنه الدافي لها واسترق النوم آجفانها الجميله..
ابتسم عناد وهو يشم ريحة الطفوله فيها ...
حضنها بحب ولعب بخصلات شعرها المتناثره على خدها..
على وعسى يغتاله النوم
الذي داعب جفون صغيرته..
لئن التعب والارهاق في بعض الاوقات...يجعلون النوم محال...
غمض عيونه عناد بتعب..وسمع صوت جواله على الهزاز تجاهله ..وغرق بنومه مع طفلته الصغيره...
...
......
...
وأنا بين التلاقي والفراق ..؟
أدفن العمر وأحفر لي نفق..!
...
...
بحديقة قصر...العاجي...
صوت خرير الماء يلطف الأجواء المسائيه...ولاغيرهم يحتل المكان...
الظبي \هو مشغول يابوي والا كان جاء معي..تعرف وظيفته ماتسمح له ابد..
ابو الظبي بمتعاض\والله ياظبي ان رجلس هاذا رافعته لسماء وهو مايسوى بين الرياجيل ..
الظبي بضحكه لكن اظهرت عتبها\ليه يابوي افا والله الحين طارق الفهد مايسوى بين الرياجيل..طيب
كان مازوجته الظبي دامه مايستاهلها...
ابو الظبي\والله شفت الظبي مهتويته قلت ماني بكاسر بخاطرها..ودامه ولد خالتها ..خل سمنا في دقيقنا...خلينا
من ها الحكي..هو كيف شغله ان شاء الله ماشيه اموره ..با العقارات..
الظبي ببتسامه\لا ابشرك اموره طيبه..وقريب بيدخل الحديد وينافسك وتري يابوي بصير بصفه هههه
ابو الظبي\اجل والله صار ظبي ومنصاب..ماهو بخوي الاول...ههههه
الظبي بجديه\عساهم كلهم قبلك بحفرتك يابوي..ان كان وقفت مع احد ضدك...
ابتسم بصمت ...
الظبي\ولاتشيل هم يا سراجهم..والله ان ياسر ماياخذها وانا بنت لك..
ابو الظبي بستفهام\وش ناويه عليه..انا كنت حاس جيتك هاذي فيها شي...جد علماً جديد..؟
الظبي\ايه,,السالفه هاذي طالت واجد...بروح اقطعها من جذورها..وان كان احد فيه خير..يزرعها من جديد..
حك ابو الظبي دقنه\والله يا الظبي..ساعات يروح فيني التفكير..ويبعد..والله يابوس اني ليالي طويله يجافني
النوم فيها...من ثم افرش سجادتي واتهجد...واذا غفيت بعدها لازم لازم اشوف عبدالعزيز..واقعد بعدها متنكد
المشكله لو انه يطلب مني شي..يحكي في الحلم الي يبه..يمكن دين ماقضاه وانا مدري..يمكن يبي يقول لي شي
ثاني ومافهمة عليه...تاخذني ها اليمكن لديار بعيده ..والله ان قلبي ماعاد يتحمل مثل اول..ماهو بحمل صدمات
ونكبات..انا اقول بعض الاحيان واعوذ بالله من الشيطان ان كانه يوسوس للانسان..ان اغض الطرف على ياسر
واخليه ياخذها ..يرمي بشته عليها ويرفعها بسمه....وان رجعنا فيها هي ماهي بدون اصل..هي اصيله..لكن
مشكوكين..يعني شي احسن من لاشي..وهو راسه يابس ماله الا الي فيه..
ثار وجه الظبي حتى صار احمر من العصبيه\وشو..!وش تقول........!مايكفينا فضايح وخيبات وتنكيس روس..؟
تجي انت تحكي ها الحكي...بعد تبي الذل يتجدد لنا بمواثيق جديده...انت يايبه تحكي ها الشي...انت...؟
وش بقيت لغيرك..وين تبيني آودي وجهي بعد اذا خذى ياسر بنت أبليس .. وين اوديه من حمولتي.. ومن ربوعنا
وش اقول لهم وش ابرر..وش اقول..!
انفاس الظبي الي ماقدرت تتحكم فيها...من العصبيه ثائره هائجه...\وبعد تبي اسمهم يقترن فينا من جديد...
يالله رحمتك..ارحمني وخذني لك..
ابو الظبي بفزع\استغفري استغفري وش بلاتس...انا افضفض لك..ولا والله ان يشيب شعورهم وماعاد ياخذون
منا احد.....
قاطع هدوئهم ومناقشتهم التي تشبه الهمس صوته الرجولي..
-مساكم الله با الخير....,,
ارتفعت عيون الأثنان لشخص...,,
بتال يجلس على الكرسي المقابلهم\جلستكم وهمسكم مع بعض الظاهر انه مايبشر بخير...
الظبي بخبث\لا ابشرك خير...لاتتعب نفسك بتفكير..
خزها بتال بنظره ناريه..من ثم حول مجرى الحديث لبوه
بتال بنبره قريبه لتهديد\يُبه ياسر ناوي يعرس ها الشهر..او الشهر الي عقبه..فماله داعي تعترضون..
قبضت الجد على العصى اشتدت ..حتى تلونت آصابعه با الحمره..من ثم ناظر الظبي بحده
الظبي بملامح بارده\آيه اذا بشروني بقومة عبد العزيز من قبره...!
.......
...
وأنا بين التلاقي والفراق ..؟
أدفن العمر وأحفر لي نفق..!
...
...
بعد اكثر من ساعه..
بيت العاجي...
ياسر يدلف الباب الرئيسي..ماشاف احد بجلسه الكبيره...توجه لمكان الرئيسي..وتوسطه..
جالت عيونه في الفراغ ..وهو يحاول يبعد اي تفكير في السبب الرئيسي لجيتها...
ماطال تفكيره..حتى سمع صوتها الجامح بئنوثه..
-حيى الله ولد عبد العزيز...
استوى واقف وبملامح مارسمت عليها غير الجديه\حيى الله الظبي..!
جالت الابتسامه بشفتيها ..من ثم فتحت آحضانها لحتضانه..
مامنع ياسر من ضمتها الجميله لصدره..لعلمه الدائم لعشقها لرائحته..المحببه لها..
لكن مازال صدره
بركان يثور ..بالغ في كبته..
فاياسر لم يتجرء كائن من كان على مخاطبته بقلة تهذيب كما فعلت...؟
والاجواء المتكهربه في تلك المكالمه نبئت بعاصفه قادمه..
لكن الذي يراه نسمه بارده تداعبه..
ابعدها من صدره بخفه\ولو اني عاتب على لسانك الي متبري منك...
الظبي وهي تضرب على كل الاوتار\وش فيه لساني..ان كانه قال خطى اقطعه ياولد عبد العزيز
عقد حواجبه ياسر وهو يجلس\محشومه يا الغاليه..محشومه..
,,,...
...
وأنا بين التلاقي والفراق ..؟
أدفن العمر وأحفر لي نفق..!
...
...
با الدور الثاني..وبجناح مناير...
مناير\ماعليك منه بنروح ونرجع وهو ماجاب خبرنا...انتي بس قوي قلبك..وش بيدريه يعني..!
مناهل\وش بيدريه..هذا بتال مايلعب معه يامناير تذكرين يوم كسرتي كلمته ورحتي لعرس الي منعك منه..
مناير بعصبيه\يوه وش ذكرك بسالفه الله لايربحك...خلينا من سالفتك الي بطت كبدي..شفتي ها الظبي
هي كل مالها تحلا والا انا كذا يتخيلي..انتي شفتي شعرها والله الي ماقطع مصارينه الاستشوار مثل شوشتي
يازين خلقة ربي بس..
مناهل تفتح علبة الميرندا\ايه بس الله من الشر..يمه منها من عيونها الواحد مايقدر يطالعها زين
شوفيني كم لي متزوجه اخوها وماتمقلت فيها مثل خلق الله زين..
احس عيونها غريبه ..غصب تخليك مرتبكه..
سبحان الله على قربنا منها غير ماتخلينا ناخذ ونعطي معها..؟
مناير بستخاف\والله ماكنها بنت عمي..ههههه,,مابينا ميانه..انا بس ودي اسئلها عن زيت شعرها..!يختي شفتي
كثره...والا ها البياض الي مقطع عروقها...
يمه منها والله ماتعلم احد حريم والله لو فيه شر ان ينشرونه
لكن الي ينفعهم مايظهر سرهم ابد...حريم قلوبهم سود على بعض...!
مناهل تميل فمها \ياربي منك يامناير..خلقت ربي واضحه..الظبي جمال من الله ..وهي ماشقت فيه..بس
والله انتي الي فيك شر..وغايره..
امتلى وجه مناير بحتقان الدم\وشو وشو..وش قلتي يازينة الطبوع..انا الي فيني شر..والله ان الشر
مرضعته امك معك..وش غايره منه ياحسره..جمال ماهو بطبيعي ولونها يادافع البلا...بياض زايد
مافيه زين..وشعرها مدري هو حقيقي والا هي مسوية فيه بلا..وش هي غالبتني فيه..والله لا حمل زين
مثل العالم كل ماحملت سقطت و لا شكل زين ..انتي بس تقولين هاالكلام من الغل الي فيك علي..
مناهل\انثبري بس انتي وبناتك..قال غالبتني قال..

......
...
وأنا بين التلاقي والفراق ..؟
أدفن العمر وأحفر لي نفق..!
...
...
صباح جديد...
با الجريده...
جسار يقلب الرصاصه من بين ايديه..\تهديد واضح وصريح...
عناد يرجع بظهره لكرسي \شلون ...خايف...!
عقد جسار حواجبه لعناد وبصوت مايل لاستخفاف\خايف..!الكلمه هذي منفيه من قاموسي..
رجع عناد يشرب من بيالة الشاي الي بيده \توقع التجار الي من جريدتك..والا..عدواة ثانيه انت ناسيهم..
ترى بعض العدوات مثل الحيه تخليك لما تنسى وتقضي عليك...
جسار بهدوء\يمكن بس يبون يحسسوني اني مهدد واني بيدهم والدليل طريقتهم في وصولهم لوسن..يعني
ترى نقدر نئذيها...
عناد \طيب جاك تهديد قبل كذا...
جسار\تهديدات عاديه ماتتعدى الورق او المكالمات...
عناد \البنات انا الي بوديهم واجيبهم من المدرسه..لايروحون لا مع مرافقين ولاسواق..هذي نقطه...النقطه
الثانيه...
سحب عناد مسدس صغير موجود بساقه...\وهذي النقطه الثانيه..احم نفسك بنفسك..لا توثق في احد...
استقرت عيون جسار على المسدس الصغير الي حطه عناد على الطاوله الزجاجيه المائله لبني...
جسار بهدوء\وشغلك...انت بعض الاحيان تجلس يومين مانشوفك...يعني ماحليت المشكله..
عناد بحده\عندك ريان...هذا وقته...لا يغرك حركاته وشكله..ترى انا كذا مره مختبره ومدخله محكات...
ابتسم جسار بهدوئه الدائم..شي جميل..بوسط التهديد والخطر...
تجد من يزاحم الخطر لينتشلك من براثنه..؟
جسار ببرود\الله الحامي...
......
...
وأنا بين التلاقي والفراق ..؟
أدفن العمر وأحفر لي نفق..!
...
...
عيون فلك المتحجره من المفاجئه...؟
ووجها الذي اكتساه جميع الوان الطيف...!!
هذي هي ماتغيرت ملامحها..الا..انها..سرقت كل الأنوثه ..جمال....!
بكل شيء تعدى..حدوده ومقايسه..
رجفت شفايف فلك...ماكانت خفيه عن عيون الظبي المتفحصه...
الظبي \مافيه تفضلي..!والا..ماعرفتيني..وجهلك عرفي...!
فلك بنبره اكتستها البحه\لا..اعرفك...وشلون ماعرفك...؟يآ الظبي...
الظبي وهي تدخل جوات البيت...\ماتغيرتو..كل شي بمكانه...؟
فلك بنبره محايده\من قال ماتغيرنا..مافي شي يظل بمكانه...يآ ..ظبي...حتى انتي كبرتي..
الظبي باابتسامه\بس انتي ماكبرتي..هذا انتي..ملامحك..وارتباكك..
ابتسمت فلك \ماشاء الله..مع انك كنتي طفله في وقتها..لا..صدق بنت ابوك..ماتنسين شي..!اقدر اخدمك بشي..؟
ماظن ياسر عارف بجيتك والا كان عطاني خبر..؟
الظبي بخبث انثى\حلو..ماحب اللف والدوران والأخذ والرد..ابي اشوف ملوك...
فلك\وش تبين فيها..!ماظن بينكم حكي يحكى..والا اقولك..استني لما يجي ياسر..وساعتها احكي معها...
الظبي تنزل شنتطها الانيقه على الطاوله\انتم ماتعرفون ان فيه سلم اسمه الضيافه..!قعدتي طويله..نادي لي
بنت اخوك...وشكلك يافلك..ماتعرفيني زين...ماهو انا الي يرعبها وجود احد...,,
مانتهت من كلامها حتى توسطت ملوك المكان
ملوك بستغراب\السلام عليكم...
الظبي وهي مبتسمه وبصوت قارب للأستهزاء\وعليكم السلام..اكيد انك ملوك..؟
فلك بعصبيه\ظبي...ان كانك ناويه بجيتك هاذي على شر..الزمي حدودك واظهري بكرامتك...ماهي بحلوه
بحق ياسر نطرد عمته..
ملوك حاولت التحكم بملامح وجها ..من سمعت ان الانسانه الي قدامها ماهي الا الشخص المرعب
لها طوال السنوات ..
والشخص الممثل بمومياء مرعبه لها..؟
ماتوقعتها بهذا الجمال الملفت ولا الرقه
والانوثه الواضحه من تقاسيم وجها..
رسمت لها بخيالها شخص بشع..ومن شدة قبحاته لاتستطيع حتى النظر اليه..
من يصر طوال سنوات وسنوات في انتزاع ياسر منها...
الأمان...ومعبر السلام لها دائماً...ذكريات الطفوله..وطهرها ..
الظبي وهي توقف وبصوت بارد\جايه اعقد صفقه..ان صح التعبير...
فلك بستهزاء\ليه شايفتنا تجار تحاورينهم..وتحاولين عقد صفقات معهم...
الظبي متجاهله فلك وموجه كلامها لملوك\شوفي ياملوك..بدخل في صلب الموضوع
لئني اكره المرواغه في الوقت الضايع...انا عارفه وضعكم المالي زين..وخلينا نصحح المصطلح
انا اعرض عليكم مساعده..بيت بحي فخم..سياره..مبلغ ثابت ينزل لك شهرياً..
وتسديد كامل لكل المستحقات
الماليه الي يطالبونك فيها من ديانه او غيرهم..,,
وبا المقابل..,,تنفصلين عن ياسر..بهدوء ومن غير شوشره..؟
فلك بنبره حاده\انتم عايله مهبل ولا خلقتكم كذا..انتم ليه متبلينا من بدة خلق الله..انتم مافيه ضمير جواتكم
يعذبكم مافي وازع او رداع ديني..انتم تحسبون خلق الله عبيد عندكم..اصحو..اصحو..مانتم الي تدور عليكم
المجره ومانتم سر الحياه وايقونة الوجود...اصحو...
الظبي مازالت متجاهله الوجود الكلي لفلك...وموجها كلامها لملوك\ياسر ملكته عليك..او خليني اقول حبه لك..
مجرد تمسك با الماضي الي حنى طلعنا منه با الغصب..وكرد فعلي عاند وتمسك في شخص من الماضي..
بس عشان يفرض وجوده ورايه علينا...صدقيني ياملوك ياسر ماهو رهان كسبان بنسبه لك..,,
ابتسمت بخبث\والا..وش تفسرين علاقتا الكثيره بوسطه وبحياته بشكل عام..,.؟
غاصت سكين احسست فيها ملوك بين حنايا قلبها...من غيرها يعرف..بعلاقات ياسر...الظبي...!ومن غيرها...!
لها الدرجه علاقته مكشوفه..وواضحه لناس...لها الدرجه تهاونه بمشاعرها وجرح الدايم لها...,,.؟
فلك بعصبيه\لاتصدقينها ماعليك منها..وانتي بعد اذا ماطلعتي الحين صدقني ماراح يحصل طيب...؟
الظبي باابتسامه وهي تشيل شنطتها\لا..اهدي..طالعه..بس مو خوف من جنابك..بس تقريباً خلص كلامي
وبقى كم كلمه لازم اقولها..,,
ناظرت ملوك ووجهت الكلام لثنيتن\انا قلت لكم البند الاول من الصفقه..البند الثاني ياحلوين..ان خذته ست
الحسن والزين..,بينفتح عليكم باب ماراح يتسكر...واوله..اخوكم ها المنحرف...ماراح نقول يتعاطى...لئن ها
التهمه بسيطه...بنقول يروج...!وشرايكم..؟خلو ها الشي في بالكم..وتذكرو ان الي يحبون مقرن كثير
ويخدمونه بأشياء ماتخطر لكم على بال...عن اذنكم..
.....
...
وأنا بين التلاقي والفراق ..؟
أدفن العمر وأحفر لي نفق..!
...
...
..
..
نقف هنا..
..
..
..
همسة محبه..
نشرت صحيفة التايمز البريطانية الشهيرة مقالا في عددها الصادر
بتاريخ 6 فبراير 2009 تحت عنوان(Hills are alive with the sound of ants
- talking to each other) (التلال حية بأصوات النمل وهو يتحدث مع بعضه البعض)..

المقال يتحدث عن اكتشافات علمية جديدة
عن خاصية التخاطب وتبادل الحديث في مملكة النمل..
ويذكر المقال أن الاكتشافات الحديثة قد بينت أن لغة التخاطب
عند النمل متطورة ومتقدمة على نحو كبير أكبر مما كان يعتقد قبل ذلك.

الإعجاز العلمي في القرآن:



لقد اخبر القرآن الكريم عن مخاطبة نملة صوتياً معشر النمل بقوله
{ قَالَتْ نَمْلَةٌ يَا أَيُّهَا النمل ادخلوا مساكنكم } وتحذيرهم أن تدوسهم أقدام
نبي الله سليمان وجنوده واعتذرت عن سليمان بقولها (لَا يَحْطِمَنَّكُمْ سُلَيْمَانُ وَجُنُودُهُ وَهُمْ لَا يَشْعُرُونَ)
فلو شعروا بهم لم يحطموهم وهذا أثبات من القرآن
ان أمة النمل لديهم عقول وإدارك بما حولهم ويتواصلون مع بعضهم صوتياً،
وهذا ما أثبته الاكتشاف الأخير كما فصلنا.
لقد أثبت المفسرون نطق النمل (على غرابته في زمانهم )
ورجحوا ان النملة الناطقة هي أنثى (لعلها هي ملكة النمل)
وأنكروا على من يجنح إلى الاستعارة التمثيلية لنفي قول النمل صوتيا.

وقفة تأمل:

إلى المشككين في صدق نبي الله محمد صلى الله عليه وسلم..
أليس الأخبار عن كلام النمل صوتياً قبل أكثر من 1400سنة لدليل دامغ على صدقه
صلى الله عليه وسلم؟! من اين علم بهذا ومن علمه؟

الجواب

قال الله تعالى:(قُلْ أَنْزَلَهُ الَّذِي يَعْلَمُ السِّرَّ فِي السَّمَاوَاتِ وَالْأَرْضِ إِنَّهُ كَانَ غَفُورًا رَحِيمًا )(الفرقان:6).

وقال تعالى:(فَإِنْ لَمْ يَسْتَجِيبُوا لَكُمْ فَاعْلَمُوا أَنَّمَا أُنْزِلَ بِعِلْمِ اللَّهِ وَأَنْ لَا إِلَهَ إِلَّا هُوَ فَهَلْ أَنْتُمْ مُسْلِمُونَ )(هود:14).


,,,,,
نلتقي السبت ..بذن الله..
دمتم بحب ضمني بين الاهداب..,,
...

مرحبا ضمضم
صراحه البارت مره حلو

الظبي هذي طلعت عقبه في
طريق ياسر بما انها تكلمت عن
علاقاته وحسست ملوك بان
الكل داري بانه موعامل حساب
لمشاعرها
مناف دواه ياسر ليش ماياخذه
ويدخله مصحه لعلاجه من الزفت
بس انتي قلتي انه مومخدرات
يمكن شراب اجل

وعناد مازلت محتاره فيه ليش
المعامله هاذي من شهدوريان



وحبه لدرر وتعلقه فيها اكثرمن
ولده عادي ناس كثير اشوفهم
كذا


وبالنسبه لتوقيف التنزيل كلها
بارتين اللي بتنزل وقت امتحاناتنا
لا لاتوقفين عشان اذا بدينا نتنفس
بعدالامتحان نلقى لنا شي يونسنا
وبس


ومره مره شكرا ضمضم
على الكلام الديني
والله يجزاك خير

صباحك نقاء غاليتي
اممم ليش توقفين الروايه البنات ربي يسر لهم ويعدي امتحاناتهم على خير ومصيرهم يقرونها مشكله في العاطلين حالتي وبعدين معظم الكاتبات موقفين مافي غيرك انتي بليز بليزات متوقفين رجاء خاص

نجي للبارت رائع جدا بدى ينكشف فيه الغموض
مناف والادمان نسال الله السلامه والصلاح لذرياتنا اتوقع الا طيحه في الادمان من طرف الظبي والدليل تحسب ابوه على من كان السبب وتهديد الظبي ومعرفتها بحالته
نجي لملوك ضمني الا نجمه انا قلت ملوك خايفه من مصيرها يكون مثل مصير عمتها والزواج ماراح يتم وبيفرقونهم وانها مجروحه من ياسر وخيناته لها المتكرره
طعنه في الصميم كلمات الظبي وهي تكشف خياناته المتكرره لملوك وجرح لكبريائها
نجي لظبي والله وطلعتي شر منزل سبحان الله الناس كانهم عبيد عندك تساومين والله ذكرتني بافلام ابيض واسود هههههههههههاي
الله يرد كيدها بنحرها وكفينا شرها تصدققين خاطري ازوج رجلها عليها كودها تلتهي في نفسها
نجي لبتال وحريمه مضحكات الطب الشعبي احيانن ينفع اذا كان وحده شاطره ليش القنوط من رحمة الله ربي مسبب الاسباب سبحانه
الله يستر على جسار والتهديد الا يجيه والرصاصه حركه قويه اتوقع المره الجايه بيكشفون حركات سيوف وتلاعبها بنات خلق الله ويهددونه بها
سيوف تف عليك حامضه ومالت عليك واقمحي يالقشره هالحين كل هالرومنسيه وبااااااارده ومن غره مالت عليك حاقده عليها من قلب يقولون كثر التغلي يجيب التخلي
حسبي الله عليك انتي والمضعوفه الا معك وش ذنب البنات تصورنهم الله يكفينا شر المشاغل ومصايبها الواحد قام يخاف

الجد اتوقع ولده عبد العزيز يزوره وهو ساكت عاتب على ابوه في الا ناوي يسويه في ياسر وملوك مير السوسه الظبي مهيب مخليته في حاله لو بغى الجد يتراجع ويتركهم

امم عندي توقع غبي وشااااااااااااطح فيس معترفف هههه اتوقع الطفل الا في البدايه انه هو





عناد مدري ليش هيك حسيت وان امه مو ام جسار وحده ثانيه
وبس تعبت من كثر الهذره
ومشكره على المعلومات
سبحانك الهم وبحمدك واشهد ان لااله لا انت واستغفرك واتوب اليك
ورجااااااااااااااااااااااء خاص متوقفييييييييييييش الروايه

السلام عليكم

هلا ضمني >>فيس يضمتس بقوه ويعطيتس بووووسه على هالجزءالروووعه
تسلم الاياادي ياارب ..
شوفي ضمني انتي حطيتي باول القصه سالفه الولد الرضيع ..وبما انهاا تعتبر لغز لناا فأحناا بنضل نركز على هاللغز الين نعرفه >>حريم مشففح هههههه
ولعلمناا ان هالسالفه بتقلب الاحداث فوق تحت ..في حاله اذا كان الرضيع احد ابطال قصتناا ..فأحناا كل جزء بنطمر لواحد منهم ونقول هو ..خخخخخ

اليوم ماراح احل اللغز مخليته لوقته >>اخص يالقويييه خخخ

نجي لأهم شخصيه عندي واللي اعتبرهاا قصه بحد ذاتهاا
عناااااااااااد ..
احياناا يكون للشخص نصيب من اسمه ..وبما ان عناااد عنيد فاكيد ان هالنفور من اخوانه واهله له راجع لتكوين شخصيته الحياديه ..وطبيعة شغله اعطاه تلبس بالقسوه حتى لو كان يتقمصهاا مو طبيعه فيه ..بس اللي قهرني هالشهد ياليت من يبطهاا على راسهاا ام كشه >>فيس يقول وش دراتس ان شعرهاا كشه ؟؟؟؟
الحين يوم ان الله هداه وارحمتس وخاف عليتس تقومين تهزين فيه قال ايش قال :تكفى ثاني مره لااشوفك مسوي لي فيها المنقذ..ماحنا بناقصين منَه...يكفي ازعاجك لنا ...
جعلتس الماحي وش ازعااجه اللي مسويه عساه بس قاعد يلعب كوره بالصاله ..اااخ ماقهرني الا كلامتس ..والله مابي اقسى عليتس وانتي اللي فيتس مكفيتس بس كل شي وله حدود وهذا عناااد تاج راستس يامال البط ..>>فيس واصل حده هههه

جسااار ..شف اللي وصّلك الرصاصه اكيد واحد من التجاار اللي جالسين يرفعون بالاسعاار ..خاصه اسعار الحديد واللي انت قاعد تحاربهم بمقالاتك ..حسبي الله عليهم مالقوا يرفعونه الا يوم بغى اخوي يبني ..>>فيس يقول وش دخلناا في اخوك الحين خخخخ
المهم احساسي كانه ماخااب ان اللي هددوا جسار هم نفسهم اللي جروا مناف للتعاطي ..والترويج ..
والشك يدور حول زوج العقرباء او احد من اللي يشتغلون عند ابوهاا ..كان ماصارت هي من راسهاا ..>>فيس خاااايف انها تكون وراء كل المصايب اللي بنشوفهاا عما قريب ..<<فيس ثاني يقول فال الله ولافالك ...

مناهل ومنار ..سبحاان الله متشابهاات حتى بالاسم هههههه ..بس هم فاكهه القصه ..مااقول الله يعظم اجرك يابتال على مابلاك ..طقتين بالراس توجع ..

ضمــــــــني ..
مشكووووووووووووووووره على الجزءالهديه يااارب كل اسبوع ينعااد عليناا بالخيير >>حشى عيد خخخخ
المهم ضمضم انا اضم صوتي لصوت الاخوات غنج وعذرا ..اشوف ان مافيه داعي توقفين القصه ..خاصه ان القسم بااارد وكل اللي نتابعهم موقفين كتاابه ..يعني مستخسرين عليناا ننبسط شويه ..>>فيس هنيه الله يذكر كاتبتها بالخير ويهون عليهاا
واللي عندهم اختبارات ترى كلها اسبوعين يعني شي مايسوى نقفل القصه علشاانه ويهبط حماسناا ومتابعتناا ..
راح ننتظر الجزء القااادم بوقته بكل الشووووووووووق ..ياكل الذووووق ..
ايه نسيت ..>>فيس يقول كااافي هذر
مشكووره على المعلوماات اللي تضيفينهاا باخر كل جزء ..>>فيس اول مره يشوف كاتبه تتبنى هالفكره المذهله ..الله يجعله في ميزان حسنااتك ياارب ..

تسلمين ضمني على البارت الرائع

مسألة انك بتوقفين البارتات فترة الاختبارات شوفي ظروفك والحي من اذا ربي كتب له يقرا البارت بيقراه

نجي للبارت وظهور الظبي والله مدري وش اسميها الظبع ما يصف جنبها شي ضعيف الافعى بعد ما يليق بمقام بنت مقرن

هذي مالها الا انثى الشيطان <<الاسم هذا غشيته من زوجة اخوي ام خالد لأنا احترنا بأسم وحده مثل صفات الظبي وجابته انثى الشيطان

الحين يا الظبي بدال ماتتوجهين لربك يكشف غمك رايحه تبين تهدمين بيت ولد اخوك وتطلقينه من زوجته
علشان ماهي قد المقام السامي لأهلك والا حمولتك
طيب ياسر زوجته بنت خاله لحمه ودمه يعني لو فيها عيب بيعيبه
انتي بغيتي ولد خالتك وتزوجتيه حلال لك وغيرك لا
بس انتي انخلقتي لك قلب ومشاعر
لكن لا تخافين على ياسر تراه تربية ابوتس مثله با الضبط يعني

لو ها الزواج يبي يخرب القرار بيد ملوك
وملوك ما رح تتصرف الا التصرف الصحيح شخصيه ملوك ولو انها الي الآن اكثر شخصيه صامته الا ان افعالها كبيره بنت بها العمر شايله مسؤلية بيت كامل
وتخرجت من تخصص عجزو عنه عطران الشوارب الا انها قدرت تمشي ولا تلتفت لظروفها الي اكيد كانت صعبه يتم وفقر وفوق هذا عايلة العاجي الي جات في طريقهم والحرب النفسيه الي واجهوها عماتها فلك وام ياسر

مقرن العاجي رجال صايم ومصلي ويتهجد وهذا تفكيره ماهي غريبه
اكثر كبار السن هذا طبعهم غنيهم وفقيرهم
لكن مشكلة العقول الي انبنت على شي وقناعات راسخه ما تتغير

انا ولد ال فلان كان جدي وجد جدي يعني لا دين ولا تطور غير شي فيهم

ترى القناعات هذي ماهي بس عند الطبقة الغنيه

لا في طبقات فقيره وتلقينهم اكثر تحجر من مقرن العاجي يعني مقرن ضف ولد ولده ولا خلاه نقطه تحسب لصالحه

شوفة عبد العزيز با المنام ماهزت شي وقبلها موته ننتظر ونشوف

جسار وسيوف جسار الي ينفخ بقربه مقطوعه يا قلبي عليك يا جسار جاي تشرح لسيوف معاناة المواطن وغلا الاسعار والرواتب

وانت يا الضعيف ما تدري انها معول هدم با المجتمع اكثر من غلا الاسعار يا زين الجوع مع العيشه بشرف

انت تحارب ناس جشعين لكن حربك لهم ظاهره للكل لكن زوجتك والبلاوي الي
بمشغلها الي بتطيح بحفرتها وشلون تبي تطلع مصيبة الله يجيرنا لا تنشكي ولا تنبكي
اسلوب سيوف مع جسار واضح ان كل واحد منهم من عالم
في اول ظهور لسيوف بالرواية كانت طالعه تجيب معدات لمشغلها ولا همها
اعتراض جسار واستعطافه لها في بناتها وين بتتركهم

والحين يوم جات طلعت قبرص يا جسار سو الي يريحك اهم شي ما يتعارض مع شغلك

ماهو مدارس بناتك او ما يخص بيتك
اضحكتني يوم قامت تلف وتدور مع جسار لكن عاد الي على راسه بطحى يحسس عليها

جسار رسم الطريق الي بيمشيه ..ساعتها ارد الصاعه له صاعين..واثق الخطى يمشي ملكاً

والي قدرو يوصلون رصاصة لبنتك بكره يوصلون لك اخبار راعية بيتك

ونشوف كيف بينرد الصاع صاعين

مناف والهم الي فوق هموم عايلته يعني لا خيرك ولا كفاية شرك ومطرقة مسكوه العاجي على عايلتك يدقونهم فيها

ياسر غريب حبه لملوك انا اسمع ان القلب ما ياخذ شخصين واحد ويكفيه عن الناس كلها

لكن انت ما شاء الله منت مقصر لين طلعت الريحه وشموها اهلك وراحو ينادون ملوك عليها علشان تشمها معهم و تنفر منك
تدري ان فيك انانيه
اتخيل لو ان الظبي نجحت مخططاتها وفرقت بينكم وش بتسوي في الي راح يقرب من ملوك الصراع كيف بيكون

لو افترضنا!!
ماراح يفوز بملوك الا شخص اقوى منك وعنده عايله اكبر من عايلتك
بمنظور عايلة العاجي

شهد والفجوه الي بينها وبين عناد شنهو السبب شخصية عناد الكتومه

موقف عناد من امه
شهد وعناد مثل بعضهم كل واحد يبي يجرح الثاني ما حبيتها من عناد
كلا مه الصرع من الله ومرض وابتلاء انك تردد على شهد مرضها

وشهد ما حبيت منها طولة لسانها على اخوها الكبير

مع ان كل واحد منهم يملك قلب كبير الا انه مسكر بوجه الثاني

عناد الشخصيه الغامضة الصامته ما ادري ليش كل ما قلت عناد جا في بالي ملوك قريبين من بعض في شخصياتهم
هل ممكن ان عناد يكون الطفل الضايع
حنا عرفنا ان فيه طفل ضاع لكن مين هم اهله

يمكن يكون عناد هو الطفل الضايع ويكون ولد ابو مناف يعني اخو ملوك ما ندري عنك يا ضمضم وش مخبيه لنا
حنان عناد على درر دليل انه يملك قلب كبيرمع اعتراضي الشديد بأهتمامه الزايد فيهامن دون اختها لي وجت نظر فيها؟؟؟؟؟؟؟

فلك والدوامه الي هي فيها وقفت حياتها عند ذكريات لا تسمن ولا تغني من جوع مع بتال
حتى يوم تزوجتي ما قدرتي تكملين حياتك محلك سر ما تقدمتي
بتال عنده زوجتين وعنده اطفال وانتي الايام تركض وانتي ليلك مثل نهارك لا زوج ولا اطفال عايشةفي مدار بتال الي ما قصر سمى بنته على اسمك هذا الي قدر عليه
اتمنى انك تكسرين قيود الماضي وتتحررين من لعنة ال العاجي وتتزوجين

ولا تزعلين على شي ولا تتأثرين بتال عنده ثنتين ما ينحسد عليهن اهم شي الي بتتزوجينه ماهو عال قلبك مثل الحبوبات بسم الله عليهن مناير ومناهل
اجل يا ولد العاجي زوجتك تبي طب شعبي افا ما يليق عليكم ها الشي حرم العاجي مناهل على سن ورمح وطب شعبي

والله على كرهي لظبي الا انها احسن شي انها ساحبه على خششكن

نفس ابشرتس يا فلك بقلة راحة بتال ارجع واقول ما اتخيلك الا زوجه لجسار وعناد هو الي بيوصله لك سواء انه ولد اخوك او انه بيدخل لكم عن طريق ملوك او طريق مناف

المهم انك انتي الي بتكونين ام سطام
وبتال اتمنى اشوف بس موقفه من الي قاعد يصير بين ابوه واخته ضد عايلة الغاليه فلك يا ابو فلك

مبدعة ضمني بين الاهداب من بداية البارت

للأفاده الي انهيتي فيها البارت

ننتظر القادم بشوق