السلااااااااااااااااام عليكم ورحمة الله وبركاته ..

ضمضوووووووووووومة يا هلااااااااا وغلاااااااااا اش هالبارت واش هالحركات يا بنت واوسمة كمان ما اقدر انا ترى اذوووووووب اذووووووووب وادوووووخ بعدين يرضيك يعني تشوفيني ذايبة قدام قصتك خخخخخخخ اكيد يرضيك صح هههههه .. اليوم البارت رووووووووعة قلتي لنا اشياء خلت مخنا كالعادة يلف ويلف ويلف مدري متى بتريحين عقولنا يا ضمضم ..





بتال :: امممم ياسر فتح جروك بخبر زواجه من ملوك يعني انت لما اجبرت انك تطلقها كنت للحين شاب خلنا نقول خارج من المراهقة 23 سنة بس مااااا يتحمل قطيعة من ابوه ولا هو حمل هالمسؤولية كلها .. بس الحين الي شدني في كلامك انك قررت ترجعها لما قوى عودك واشتد يعني انت كنت راح ترجع تخوض حرب قدام مقرن مرة ثانية بس هالمرة بشخصية ثانية اكبر واوعى من قبل وتقدر تدافع عن رأيها .. وبعد شدني لما تذكرت اخر ليلة قبل انفصالك عن فلك اش اللي حصل فيها ليش ركزت عليها ووقفت عندها يا ترى << فيس حاس نفسه ضايع .. معقول فلك هي اللي كانت متحكمة في قرار الانفصال ومو انت .. ترى ابوك مو سهل ويمديه يوصل لها او توصل لها الظبي .. احس اختك هذي وراها مصايب واسرار كبير وكثير بكبر معنى اسمها ..
بس الحين جملة ياسر الاخيرة تصدق عاد انا قبل هالبارت كنت اقول ان ياسر راح يكون له دخل في رجوك لفلك والحين انا صار الشك عندي اكبر مدام انت قلت انك مستعد ترجعها بس هي تزوجت .. يعني الحين انت لو عزمت على هالموضوع ما راح تتردد لانك اصلا كنت مجهز له من قبل .. بس هل فلك بتوافق ترجع لك والا لا هنا السؤال ؟؟؟




عناد :: طلع متزوج وعنده ولد بعد بس وين زوجته يعني منفصلة منه وهو عطاها الولد عشان ما يبي يحرمه من امه .. طيب لما قلتي يا ضمضومة انه ما يحب الاطفال ولا خرابيطهم هل كان ابنه من ضمن هالاطفال معقولة مشاعر الابوة ما حركت فيه شيء وان هالطفلة بنت اخوه هي اللي استولت عليها كلها << فيس مو قادر يصدق .. يمكن هو من كثر ما يحب ابنه ما يبي يحرمه من اكثر شيء يحبه وهو امه بس اش سبب انفصاله عن زوجته هل شغله هو السبب والا في شيء ثاني اممممممممم << فيس محتار ..






الجده :: يا حبي لها والله الا يا جدوه انتي ليش تحبين عناد اكثر من الباقين وبعد سلامته ما تسوي رؤوسهم كلهم هو صحيح عناد ينحب بس اكيد في سبب يعني لو قلنا انه ولد وحيد فهو مو الوحيد لو قلنا البكر بعد كمان مو البكر لان الكبير جسار يكون هو سمي جده عشان كذا انتي طايحه فيه حب هههههههههههههه والا في سبب ثاني ؟؟؟؟..






شهد وريان :: يا ترى وش السر في هالحب وهالحساسية اللي بينكم وبين اخوكم يعني شهودة عارفة كل شيء عن حياة ريان يمكن ان ضي كانت صديقتها امممم مدري .. بس لما انوجد عناد وطريقة سلام شهد البارد وبعد كذا جلوسها ملاصقة لريان اعطاني طابع انها تقول له هذا اخوي حبيبي اللي ما اقدر افارقه مو انت !!؟؟
وحتى رد عناد عليه لما قال له مو مروق لك انت واختك يعني كأن شهد مو اختي هي اختك انت .. لهالدرجة المشكلة اللي بينهم كبيرة والا ابتعادهم عن بعض والحزب اللي مسوينه شهد وريان كان سبب في هالعلاقة اللي شفناها .. بس واضح جداا ان عناد يعرف كل شيء عن ريان وزواجه ويمكن بعدين تكون مساعدة عناد لريان في هالموضوع ويكون هذا اللي يجمعهم بعدين ..
وشهد انتي اش المرض اللي عندك فقر دم حاد يمكن << فيس دكتور مخرف ..بس عنده شك لان يعرف هالاعراض وشايفها بعينه واحيانا الانسان ما يقدر يمشي كمان .. ننتظر بقية الحكايا لنتعرف عليك اكثر ..






فلك ومناف :: حلوة العلاقة بين العمة وولد الاخ يمكن بسبب عمر فلك القريب منهم .. بس اش حبوب وما حبوب يا مناف يعني الحين بدل لا تتطور نفسك وترحم اختك من المصاريف رايح للحبوب والادمان حرام عليك اش هالشلة الخايسة اللي انرميت عليها وساعدتك على هالشيء هاااااااااا ...
وهذا سبب ثاني راح يستغله الجد ضد زواج ياسر من ملوك هل راح يرضى يزوجه وحدة اخوها مدمن او ممكن في يوم يدخل السجن ؟؟؟







جسار والصحافة :: هل راح يكون عملك هذا ضدك في يوم من الايام ومثل ما انت تهاجم هالناس هم يهاجمونك بنفس السلاح والسبب زوجتك امممممم ليش لا كل شيء ممكن .. بس وقوفك في وجه هالناس بتخلي العين عليك وبيراقبون كل شيء يخصك ومو بعيد يكتشفون الي زوجتك تخفيه عنك او هم اصلا يكونون لهم يد في موضوع سيوف والعاملة ...





مناهل ومناير :: برغم انهم متزوجين شخص واحد وخصامهم ومناقرتهم الدايمة مع بعض الا ان التعود ولد حب بينهم اصلا من الطبيعي شخص مقابلك اربع وعشرين ساعة راح تتقربين منه وراح يكون اقرب الناس لك لانه هو اللي عايش معك ساعة سااعة ويوم بيوم ويكون عارف عنك كل شيء مهما حصل بينهم الا ان المحبة موجودة .. ويمكن هذا اللي مصبر بتال عليهم لان يعرف في النهاية ان في شيء جامعهم مهما اختلفوا قدامه ..






عناد وملوك :: اممممممم الموقف اللي حصل ووجود عناد بجانب ملوك وغياب ياسر هل هذا يعطينا تنبيه ان في المستقبل راح نشوف هالوضع يتكرر والا مجرد موقف مر وما راح يأثر على القصة .. وجود الاثنين مع بعض يخلي كل واحد فيهم مستفز لاكبر درجة ويأثر على اعصاب الثاني يعني نحن ما شفنا من بداية الرواية عناد معصب ويصارخ بهالشكل غير في وجود ملوك هل هذا الشيء عشان يخفي مشاعره اللي يحس فيها اتجاه هالانسانة الغريبة امممممممم ضمني غششينا شوي وقوليلي ليش طلق مرته << فيس بيتقطع من الفضول ..



مشكووووووووورة ضمضومة على هالجزء الحلو كل جزء نقول ان الاحداث راح تخف من غموضها ونشوف ان الغموض زاد اكثر بس هالحين من هالولد مدري البنت اللي بداية البارت الاول لفتتني كلمة هل هو منبوذ يا ترى من اللي منبوذ من ابطال روايتنا للحين ما شفنا هالشخص او يمكن تكون ضي هي الحبل اللي يوصلنا له ..

ننتظرك بأكثر من الشوووووووق يا غالية ..



النوري :: على فكرة بس يا حبيبتي ترى الخيزرانة ذي مو خيزرانة ماماتي حبيبة قلبي هذي اقوى منها عشان توريك ان الغش حرام من غشنا فليس منا وعاد لو ضمضم ساعدتك من هنا والا هنا بينولها من الضرب نصيب خخخخخخخخخخخخخخخ


زوزو ..

[بسم الله الرحمن الرحيم..
.
.
.
..نظرة حقد ..4..
.
.
.
مدخل..
.
.
.
في الليالي الوضح ..
والعتيم الصبح ..
لاح لي وجه الرياض ..
في مرايا السحب ..
كفّها فلة جديله من حروف ..
وقصة الحنا طويلة .. فـ الكفوف
من نده عطر الرفوف ..
لين صحاه ..
في ثيابك يا الف ليله..
وفي الهبوب ..
انتشينا يا هبوب النعاس .. والحلم ..
ألف غصن من اليباس ..
فز لاجلك .. وانثنى ..
اكسري الاوهام كاس ..والمواجع فم
وان عشقتيني انا ..
ما ابي من الناس .. ناس ..
ما علينا .. لو طربنا وانتشينا
آه .. ما ارق ( الـــــريــــــــــــاض ) تالي الليل ..
انا لو ابي ..
خذتها بيدها ..ا ومشينا ..

***
يا نصيبي من الصور .. والرسايل
ومن كل شمس قايمه .. ومن كل ظلٍ مايل ..
يا مكاني من البيوت ..
ومن الصحاري اللي .. غربت فكري قبايل ..
وين احب الليله .. وين اهيم ..
اقبلي مثل ديم ..
مثل نار في هشيم ..من غصون ضي من ليل الغضى...
وبين ما خلى من النخيل الفضا ..
وما نسى الغيم ..
أقبلي .. يا بختري عيوني من الربيع ..
وطل وجهي من الشتا ..
ومثل صوتي من الهبوب ..
اقبلي مثل الرياض ..
من تعاريج الدروب ..
في ضلوع الوادي ..
وين حبيتك قمر .. فوق طين أجدادي ..

***
وين احب الليله .. وين أهيم ..
ارفعي طرقة الشيله .. عن سديم ..عن شموس
وكوكبٍ وهاج ..
اجرحيني بنصل طرف سادرا وحجاج...
شقيقيني يا الهبوب العارضيه...
لين اغني للهوى... والهوى ماهو خطيه...
اقطعيني بنصل طرفٍ سادرٍ وحجاج ..
واهدمني سياج ..
لين أغني الهوى ما هو خطيه..
يالعفاف اللي تسربل بالبياض ..
كل ما قربت يدينا ..
ناض طير.. وجض ريم ..
ما علينا ..
آه .. ما ارق الرياض تالي الليل ..
انا لو ابي ..
خذتها بيدها .. ومشينا

|

|

|

بدايه..
|

|

|
صباحكم...ورد,,
حآبهـ والله اليومـ أوضحـ عدة نقاط مهمهـ ..بروايه..
1-قضية الطفل المفقود..خذت حيز كبير..والمشكله انكم تدورون بحلقه مغلقه..ممكن ..تتركون
قضية الطفل على جنب..على الأقل ها الكم بارت الجايه...,,>>نصيحه من ضمضم..
..
2-شهد..مرضها يابنات آبحرتو في عالم ذكر امراض كثيره .. الله يكفينا شرها..
مع ان اعراض مرض شهد واضحه...
بس مرضها ماهو سر أحاول أحط له غموض وتشويق..لا.. لا..
أوراقي لشهد كاشفتها لكم ..مرضها هو _الصرع_..
طبعاً مو اقصد الصرع هو المس..لا..
الصرع إلي يكون كهرباء زايده با الجسم..على حسب علمي ماشفت إي كاتبه
ناقشة ها المرض بجميع جوانبه..؟..إلا إذا فيه وماكان عندي خلفيه..
بس مو مشكله ..المرض هذا ماراح احد يقدر يوصفه ويوصل
اعماقه..
إلا منـ أحـرقتهـ شـرارهـ من شـرارتهـ..
..
.
..
آسمحو لي ان اقدم لكم نبذه مبسطه ..عن هاذا المرض ...
وهذا بيكون مفيد للأخوات الي ماعندهم خلفيه عنه..
...{الصرع }....
-هو حالة عصبية تُحدث من وقت لآخر ..
اختلال وقتي في النشاط الكهربائي الطبيعي للمخ ..
وينشأ النشاط الكهربائي الطبيعي للمخ من مرور ملايين الشحنات الكهربائية البسيطة من بين الخلايا العصبية
في المخ وأثناء انتشارها إلى جميع أجزاء الجسم ،...
وهذا النمط الطبيعي من النشاط الكهربائي من الممكن أن يختل بسبب انطلاق شحنات كهربائية شاذة
متقطعة لها تأثير كهربائي أقوى من تأثير الشحنات العادية . ..
ويكون لهذه الشحنات تأثير على وعى الإنسان وحركة جسمه وأحاسيسه لمدة قصيرة من الزمن ..
وهذه التغيرات الفيزيائية تسمى تشنجات صرعية ولذلك يسمى الصرع أحيانا "بالاضطراب التشنجي" ...
وقد تحدث نوبات من النشاط الكهربائي غير الطبيعي في منطقة محددة من المخ وتسمى النوبة حينئذ بالنوبة
الصرعية الجزئية أو النوبة الصرعية النوعية ...
وأحيانا يحدث اختلال كهربائي بجميع خلايا المخ وهنا يحدث ما يسمى بالنوبة الصرعية العامة أو الكبرى ...
ولا يرجع النشاط الطبيعي للمخ إلا بعد استقرار النشاط الكهربائي الطبيعي ...
ومن الممكن أن تكون العوامل التي تؤدى إلى مرض الصرع موجودة منذ الولادة .،
أو قد تحدث في سن متأخر بسبب حدوث إصابات أو عدوى أو حدوث تركيبات غير طبيعية في المخ
أو التعرض لبعض المواد السامة أو لأسباب أخرى غير معروفة حالياً .
وهناك العديد من الأمراض أو الإصابات الشديدة ..التي تؤثر على المخ.. لدرجة إحداث نوبة تشنجيه واحدة ..
وعندما تستمر نوبات التشنج بدون وجود سبب عضوي ظاهر...
أو عندما يكون تأثير المرض الذي أدى إلى
التشنج لا يمكن إصلاحه فهنا نطلق على المرض اسم {الصرع}.. ...
ويؤثر الصرع على الناس في جميع الأعمار والأجناس والبلدان
ويحدث مرض الصرع كذلك في الحيوانات مثل الكلاب والقطط والأرانب والفئران ...
..
ومضه..\كلامنا عن الصرع راح يطول..راح اطرح في شخصية شهد آمور كثيره ومهمه..وراح اصحح
مفاهيم خاطئه عن ها المرض...فأي مريض بصرع..او
قريب لشخص مريض فيه..راح يستفيد بذن الله...,,,
..
3-مقارنتكم لحب ياسر وحب بتال..
المقارنه يا اخوات بين الاثنين ظالمه بحق بتال..ليش..؟كم عمر بتال لما طلق فلك ..؟وكم عمر ياسر لما اقترن
بملوك...؟واحد ببداية العشرينات ..و..واحد قارب على انتصاف الثلاثينات...
..
4-شخصية جسار من منظور حبه لسيوف..
يا مميزات..مايقتل الشخصيات العظام والقاده الكبار إلا النساء...فا القلب لايملكه الاالله...لاحظت كم عضوه
تنقد شخصية جسار..وانه..ماينتبه لزوجته..حطو نفسكم مكانه..هو متئكد ان زوجته مثال لطهر والعفاف
مثل اي زوج خالي من العقد النفسيه والشك..زوج طبيعي..مستبعد اي نقطة شك بأخلاق زوجته وبشغلها..
هذا اذا حطينا بعين الأعتبار..
ان جسار يحارب على كذا جبها..وهاذي الحرب الأعلاميه والنفسيه تستنزف طاقته وتفكيره..
..
..
..
العضوات الي بدو بمراهنات برومانسيه جارفه بين (عناد ..وملوك)...هدو اللعب يا حلوين...
..
..
..
آوسمتي الجميله^_^...
وسام التميز لبارت السابق ..
للغاليه\ هدى 2009...
بتحليلها تنبئة بشي صحيح موجود با الأجزاء الجايه ....=فيس مستانس على ذكائك..والفيس الثاني يغمز لك لاتغششين احد...^_^

.
.
.
لآتلهيكم الروايه عن الصلاة في وقتها
.
.
.
-آه....
رفعت عيونها بسرعه ملوك لعناد الي كان مغمض عيونه من الم...
ملوك برتباك\آسفه...
عناد بضيق طلعت منه ابتسامه على توترها..ماحب يزيد عليها اكثر...
الممرضه هنادي\دكتوره ممكن تخليني آكملها..؟
ناظرتها ملوك وتركتها تكمل الخياطه ..
عناد منتبه من البدايه ارتباكها وعاذرها الموقف إلي تعرضت له
مو بسيط..
يهز اي بنت..ومع كذا..قدرت على الأقل تحاول تخفي رعبها الواضح له..
وماكئنها البنت الي كانت ترجف قبل لحظات في الشارع...؟
طلعت ملوك بسرعه من الغرفه..وتوجهت لمكتبها...
دخلت المكتب وجلست برتباك ورجفه على الكرسي وماقدرت تقاوم الرغبه في البكاء..
في ها الوقت دخلت نوال المكتب \ملوك أنتي هنا..؟غريبه عندك اوف اليوم...؟والا مستدعينك...
ملوك مسحت دموعها بسرعه...
نوال بستغراب\شصاير ليش تصيحين..
ملوك تشرب قارورة مويه جنبها\مافيني شي..
نوال\ها..كيف مافيك شي وأنتي تصيحين..
ملوك بعصبيه\اوف شوي متضايقه..اتركيني ممكن..!!
نوال\لا مو ممكن بتقولين لي..؟؟
تنرفزة ملوك وطلعت برى المكتب...
مشت بخطوات تايها بتشوف هم مستدعينها ليه وإلا هو بس تحكم.. وبس ...
مافي حالات تستدعي تواجدها والاعشانا مبتدئين يبونا نغطي على الدكاتره الي من زمان هنا..
صدق حنى بغابه البقاء للقوي..
جلست بتعب على اول كرسي بستراحه مفتوحه ..بألم وبتعب...
طفشت وكرهت الطب..
ذوقها الويل والمر..
وماهي لاحقه على مصاريف البيت ..ولا..الاقصاد...الى متى!!!
انتبهت لتواجد عجوز كبيره ..والثانيه الواضح انها بنتها...وشكلها حامل وتعبانه ..
ركزت عيونها بوجع على حنان الأيدي المجعدتين ..وهي تمسح برقه حانيه على جبين البنت..
من ثم تنفث على صدرها بتمتمه جميله... اتضح لها انها تقرا سورة الفاتحه..,,
مؤلم فقدان الأم في سن مبكر..مراحل كثيره ..نحتاجها بئلم نتجرعه بوحدتنا...
تخنقها اللحظات المسروقه لذكريات بعيده لم تكن في ذاكرتها..بل كان شخص آخر يرويها...
ذكريات كثيره تمر بذاكره..وتقبع بزوايا الوحده..
ليلة العيد...!
تكره ها الليله...ومايشاركها بكرها الا شخص واحد..مثلها..
مو مناف...مناف حصل كل الحب من فلك والحنان..
بس انا..صحيح..فلك وابوي ماقصرو...
بس انا حتى اشم ريحتها بعض الايام من شوقي لها...
ابتسمت على الذكرى...,,,
ورى الباب الخشبي...
شهقاتي الضعيفه ..وثوب العيد بيدي واليد الثانيه ثوب مناف...
-يالله قومي بخلي فلك تغسله لك..والله مناف مانتبه يوم طاح الايسكريم عليه...وبعدين انتي تبين توسخين
ثوبه بعد حرام عليك...
ملوك بنرفزه طفوليه\الف مره قلت له لاياكل قريب من ثوب العيد بس هو مايسمع الا يجي واخرها
شف فستاني وش صار فيه..
دائم ياسر بجميع مراحل حياتي..,,,
في كل ممرات ذاكرتي..له ذكرى..,,,
يزاحم مناف ...في ذكريات الطفوله الجميله والبعيده..
كان هو الكبير الواعي الفاهم بنسبه لي...عالم ثاني..لكن عالم 'طفولي محبب...لقلبي...
عدلت نقابها انتبهت لنداء الأستدعاء لها..ابتسمت بتعب...وقامت...
......
......
.. مرّي / قبل تتلف آمالي هبوب الشمال !
....................بعض الغلا ... يذبح الرجّال .. لو مايبين !
.....
.....
تطبق ملابسه بترتيبها الدائم وترفعها بهدوء ملامحها لرف المخصص له...
من ثم تعطر الملابس الثانيه وتعلقها بدرج الثاني...
ابتسمت له على تمتمته...وصوته الهادي المميز...
ماتذكر متى ماكنت بحياتي...؟
التفت مالقى سواك... انت عمري الي ابتدى... واول حياتي...
مولدي..لحظة لقاك...
وهاك..كلي..ضمني لك..احتويني..
حن لي..انا من لي..شوف عينك..غير ترفك دلني..
تتلخص الدنيا بحبك..ايه..وربك..
يالي..ما..غيرك ضروري..عالمي..والناس..انت...وحدك انت..فيك
متمادي....غروري
ضي تمسح بخجل طرف انفها الصغير\خلاص ريان ...استحي..
ريان يلف طرف خصلتها المتمرده على اصبعه بحب من ثم يتركها\فديت الي الخجل طبعه.. ياضيو
ذوبة لك عمري سكر بشاي...هههههه ...طيب..ماراح نزيد
الجرعه اليوم..شايف الدنيا تلونت بخدودك...هههه
ضي ابتسمت\انت قلت بتجيب شهد...من زمان عنها...ليش ماتجيبها...ياحبي لها ولخفة دمها....
تراجع لجهت التسريحه واستند عليها\شهودي ماقدر امشورها فوق مشاويرها للجامعه...تتعب والله...بس
اوعدك الجمعه...بحاول اجيبها...
ضي \شوف اذا اكيد خبرني قبل..بجهز لها اكلها الي تحبه...وبعدين ابي اروح انا وانت اجيب لي اغراض
ناقصتني...
ريان بضحكه يطالع الساعه\طيب كل الي تبينه بجيبه..بس والله حيل تئخرة...

........
.......
.. مرّي / قبل تتلف آمالي هبوب الشمال !
....................بعض الغلا ... يذبح الرجّال .. لو مايبين !
........
........
بطوارئ...,,
هنادي\انتبه ليدك ...
عناد بطناش لها خذى جواله بيده اليسار وطلع ببطئ يحس بحكه بمكان الجرح ..
وها الدلخه حشى وش ها الكرم في الشاش الي لافته...
خخخ مو من مال ابوها...
رفع عيونه وشافها تمشي با الممر..
وهي تشوف جهاز بيدها..رفعت عيونها وشافته واقف..
ملوك بنصيحه طبيه بحته\آنتبه ليدك مو حلو الخياط ينضغط عليه او يتعرض لشي قاسي...ياليت تحط كلامناً محط
اهتمام....,,
اعطاها ظهره وهو متوجه لبوابه الرئيسيه\وأنتي انتبهي على نفسك..مو كل يوم بتحصلين احد معك...,,
........
.......
.. مرّي / قبل تتلف آمالي هبوب الشمال !
....................بعض الغلا ... يذبح الرجّال .. لو مايبين !
.....
.....

الساعه 10 ص...
بصالون سيوف..
جاكلين بضحكه تعطي سيوف صور بنات..
سيوف باابتسامه\هاذي الي باالحمام المغربي عندنا.....
جاكلين\ايه..
سيوف بخبث\طيب اكيد مو واضح ديكورات المشغل علشان بكرا مايعرفون انه المشغل تبعي؟
جاكلين\كل شي مرتب ومزبوط مايهمك..نحنى اول طلب على الصور 4الالاف شو بنبيع لا الوه...
سيوف\اوكي ليش لا بدايه كويسه..
اخذت جاكلين الجوال وراحت تكلم الشخص الي يبي الصور...
سيوف ناظرت شكلها باالمرايه الي قدامها... وبطول الجدار بتعتيقات التفاحي.. الطاغيه عليه..
ابتسمت لجمال الرباني ..الموجود بوجها الملائكي البريء...
رفعت الخصل العسليه المتمرده على جبينها الصغير .... المصقول... ورفعتها لفوق..
ابتسمت وهي تشوف زبونات جديدات داخلات..
انتبهت ان بينهم عروس..اخذتها جزيل لركن ثاني تعمل لها كورس عروس...
انتبهت لجوالها وهو يندق لمره الثالثه ..ورقم جسار....
يتوج الشاشه ..
ردة سيوف بغنج وهي تعرف غنجها يذوب قلب جسار\هلا جساري..
با الجه الثانيه وباالجريده..
جسار بوله\كل سنه وانتي حبيبتي...شوفي هديتك عند الباب....
انبسط وهو يسمع ضحكات سيوف المغنجه ..
وهو عارف ومتئكد أنها ناسيه ان اليوم ذكرى يوم زواجهم....بس يحبها على كثر عيوبها ...
سكر السماعه منها وقلبه تزادد دقاته العاشقه على الكلام منها إذا راق جوها....

... ......
.. مرّي / قبل تتلف آمالي هبوب الشمال !
....................بعض الغلا ... يذبح الرجّال .. لو مايبين !
.....

بشركة العاجي...
تقاسيم وجه التي انرسمت بدقة تفاصيل الزمان الذي مر..نظراته الحاده..
المسلطه .. تنئبى بقسوه شيطانيه تتراقص على ايقائعها...
حرك بهدوء فنجان القهوه..وقد برد...واجتاحه الصقيع..من طول انتظاره ليعانق شفتيه الباردتين..
جال بنظراته وتوقفت عند بتال..
بصوته الرخيم والغائر بقسوه\بتال..؟وين ياسر..؟
بتال طالعه بهدوء\يبه ياسر با المستشفى..؟
مقرن طالعه بتفحص\دق عليه خل يجي...
بتال بستغراب\يبه كيف يجي..هو بدوامه...
بصوت حاد وان قست عليه السنين إلا انه يتميز بجبروته\مع ها الحراميه بنت الحرام...!!
بتال تنرفز \يبه استغفر ربك..وش بنت الحرام..هاذاالكلام مايطلع منك..وانت رجال مصلي وصايم...
مقرن بعقدة حواجب\بتدافع وليه ماتدافع أكيد..اصلن انت يابتيل لو اني ماتداركتك..
كان رحت مراح الكحل من العين...
بتال قام بعنفوان ورجولته الي دايم من ابوه تنجرح \كنت صغير وجاهل..
والا لو اني مثل عبد العزيز كان ماكسرت عودي...
رمى بتال ها الكلمات على ابوه..كلمات موجعه من سنين وهي تسكن قلبه وتتكاثر..تهمس له ...
وتذكره..ان نسى أو تناسى..ترجع كا المنبه...تذكره بحبه الذي تركه بهدوء..
مقرن وهو يستقيم واقف با العصاة الانيقه .. التي يرتكي بجسمه النحيل عليها\ولو انك كبير بعد بكسر عودك ...هاذ الناقص....
تطلع بعد من شوري سوات سويد الوجه أخوك...
أشار بتال بيده لبوه مقاطعه\يبه سالفه وانتهت لاتعيد فيها وتزيد....كل حي خذى نصيبه...
تجعد وجه أكثر \والحين دق على ولد عبد العزيز...

.. ......
......
.. مرّي / قبل تتلف آمالي هبوب الشمال !
....................بعض الغلا ... يذبح الرجّال .. لو مايبين !
.....
.....

بيت الجده هيا...
جالسه بهدوء تفطر..مافي البيت احد..وهاذا شي مو غريب...دوم ..البيت شبه فاضي...
مسحت فمها ..ووقفت ...
انصدمت بتواجده ..
عناد بتريقه\شايفه جن...!!
شهد ترمي المنديل على الطاولة\إلا أكثر....
عناد كان مزاجه زفت وتواجد شهد يرفعه لدرجة المليون..طنشها وجلس على الكنبه متجاهلها...
مافيه حيل لنقاش دائم وابدي بينهم...
هي وريان..صف واحد لايصيبه التصدع ولا ينخلع من جذوره..
من طفولتهم..ألعابهم ..مراهقتهم ..صباهم..دائماً مترافقين الى حد الاستغراب
طبعهم يميل للغموض..والهدوء...
بينما طبعي ناري ..مهاجم.. متحفز...
وعشان كذا فيه اتفاق مو قليل بيني وبين جسار...
اه جسار..وها الحيه الي عنده...ليتني آموت ولايدري...
رفع عيونه لها وشافها على نفس الوضعيه واقفه وبشخوص \لاحول قلنا ماحنا بجن..
قولي لصبح ياصبح لأقوم أعلقك بثريا إلي فوق راسك..!
أشاح بنظره عنها...وهو يحاول يعد للعشره ...يملك أعصابه...
دائماً تفقده أعصابه..
وخاصة بحضور ريان..
وكئنها تلوذ بأمانه..!
مع انه بوجوده...لا..وجود لئي ند..كبر ..أو ..صغر..
شهد بهمهمه ..تحرك شفايفها بيأس..تبي عناد يرفع عيونه لها من جديد..
ويسمعها..؟
موجات كهربائيه بأقوى فلترات العالم تضرب
راسها بصميمه....
ثقل لسانها وآختلط بطعم الدم...
حاولت تصرخ..خانها الصوت...
تسري في عروقها كهرباء فلا تبقي فيها ولاتذر ...
من ثم رجفة تمكنت من اضلاعها حتى اعلنت احتلالها التام لها ورفع اعلام الأنتصار...
اقسى من اي ماس كهربائي قد يرعبك بملامسته..فماذا لو كان يسكن احشائك...
من ثم يمزقها ..بتلذذ غريب منه...ببطئ...وكئنه يستل روحك بحد سكين مرة على شريان حياة يخصك...
والأدهى و الامر...ثقل اللسان الذي انقطع جميع اشارات الأرسال له ...
- في ها الوقت انتبه عناد لصوت الكرسي الي كان من لحظات ماسكه طرفه شهد.. يسقط على الأرضيه الرخاميه..
ويعلن صوت ضجيج في مكان ساكن...
...رمش بعيونه بسرعه وعدة مرات متتابعه يحاول يترجم الي قدامه..!
عناد بحده وهو متوجه لشهد يحتضنها\شهودي....
متشنجه إطرافها ..متصلبه..ممتده كشجرة صلبه..لايمكن إن تلين...
حاول يحتضنها..عل وعسى ينطوي جسمها اللين الذي تصلب بعناد...
...يرفض الأنطواء..وكئنه يسرق من اسم عناد كل شي...
عيون لاتتحرك..
وصوت واحد غير مفهوم...؟
وكئنها تتوسل له يخرجها من تيرات الكهربائيه التي تسكنها....
وكئنها جثه ....
.لاكنها تتحرك بقوه وهي ممتده...بتصلب...!
عناد ببحه\شهود بسم الله عليك شهود فوقي..شهد..
حط يده تحت راسها بمحاوله يائسه منه ان مايضرب الرخام من جديد..
سحب شماغه ودخله بفمها حتى ماتسبب ضرر بلسانها..
حاول انها تسترخي ولو انه محال في ها الوقت..
فجسمها اصبح قاسي لايمكن ان ينطوي..
وصرخ باآعلى صوته\ينــــــــــــــــاااااس البيت هـــــاذا مافيه احــــــد!!!
طلعت على صراخه الخادمه الفلبينيه وصرخ عليها بقسوه تنادي أمه..وتجيب له ثوم..
ماهي الا..لحظات وأم جسار تنزل من الدرج وهي تبكي ...
عناد ببحه\يمه شهد جاها الصرع شسوي يمه البنت بتروح من ايديني...
أم جسار تنزل لجهت شهد تحاول انها تهدي آطرافها المتصلبه ...وتشنجاتها القويه...
تبكي بحرارها وهي تشير براسها ان مافيه حل..!
ماهي الا لحظات ...
امتدت عند العيون الخائفه سنين...
وبدت التشجنات تخف...
ولان جسمها حتى سمح لعناد يضمها لصدره من جديد..ويعانق ضعفها\يمه ليه ساكتين عن حالها كذا..يمه مايصير..!!!
ام شهد تمسح دموعها بيئس\عناد مافي شي..لازم تنتظم على الحبوب هذا هو الحل..لها الشحنات..
عناد بعدها عن صدره بحنان ...وبعد شماغه عن فمها... ومسح بصابعه فمها من اثار الدم والعبره تخنقه على حالها..
ببحه لاتكاد تسمع\الله يروف بحالها...
ناظرته أم جسار بحنان\عناد هاذا انت حنون ليش تعاملني وتعامل اخوانك بها القسوه....ليه حنانك بس على جدتك...
طالعها عناد بحده ..وكئنها غرست لتو..خنجر مسموم بين ضلوعه..\ليه!!!من الي يحق له يطرح ,ليه,...؟؟
انا والا انتي....!!!
ليه !!من لما كنت طفل..وحيد..ليه!!
من لما كنت طفل..ماكان لي ام غير جدتي..ليه!!
من لما كنت آترجاك با العطل انك تجلسين انتي واخواني عندنا با الرياض وانتي ماتهتمين فيني ولابترجي..ليه!!
من لما كنت طفل وانا اشوفك تعرفين صحباتك على اخواني ولما يكون دوري تتجاوزينه...ليه !!
يايمه ماعرفتك زين إلا لما كان عمري با العشرينات...ماشوفك...ليه!!ليه!!وبعد ها العمر..تقولين لي ليه ياعناد!!!
ماانتظر منها عناد جواب..لأنه من زمان قفل باب الاجوبه والاسئله إلي تدور براسه وبصدره...
كان ينتظر منها تبريرات لما كان طفل..بس الحين لا..ماينتظر جوابات الأسئله...لئنه مل من برودها تجاه...
حمل شهد بين يدينه متوجه فيها لدور الثاني لما طل ريان من الباب الداخلي وانصدم من شهد يشيلها عناد...
طاحت عيون عناد بسرعه على عيون ريان الخايفه والمرعوبه على شهد تحركات ريان السريعه لجهت عناد ماكانت بئسرع من عناد.
الي نزل شهد بقسوه على الأريكه الي قدامه وبحده\شيل اختك..!!والأ اقلعها لئ مستشفى تتعالج فيه بدل ماتموت ماحد يدري عنها!!!
ريان طالع عناد وبفوران دم ماقدر يتحمله وبحده\انت مافي قلبك ذرة حنان ولاحب لنا..انت قلبك اسود مافيه نقطه بيضا ..تشفع لك عندنا
بتريقه من عناد\آوه تصدق معلومه جديده...عشان خاطرك بجيب لي بويه بيضا اصبغه..
بعدها تركه عناد وطلع لدور الثاني من المصعد..
الآبتسامه تعلو محياه وهو يشوف ريان يغلي قدامه ويتسكر الأصنصير بينهم...
...... ......
......
.. مرّي / قبل تتلف آمالي هبوب الشمال !
....................بعض الغلا ... يذبح الرجّال .. لو مايبين !
.....
.......
1 م
بيت ابو مناف..
ياسر يرمي البلاستيشن من يده وبخبث\وش مصلحه لنا ملوك خالتي فلكه!!
ضربته بكوعها ومن بين اسنانها\قسم بالله ان قلت فلكه مره ثانيه ان اكسر لك سنونك..
وبعدين عدال يا منال العالم وش مصلحها يعني
ماجاك ازحره واحمد ربك..كمل لعب كمل بس..شوي واغلبك يادكتورنا الكبير..
ياسر يتصنع الابتعاد من الخوف\ول ..مصارع..ماينمزح معك ابد..
فلك تطالعه بنص عين وترمي له شبس \عشانك بس يتيم بعطيك من بطاطس هذا أزحره لما تخلص حرمكم المصون...
وقف ياسر ورمى عليها الشبس\مابيه..الا غصب ..وقفي اللعبه لما اجيك..
فلك بنظرات خبث\ان طعتني انثبر في مكانك لا يجي مناف يشوتك من الباب حق المحلق بعد..وقسم بالله مادافع عنك
ناظرها ياسر بتهكم ومشى..
استوقه صوت خاله الحنون\ياسر وين بتروح..تغد..؟
بصوت عالي حتى يسمعه خاله\ياخال..بروح اشوف الغدى قريب والا باخذ لي غطه...يعني مالكم فكه مني..
ابومناف بصوته الهادئ الضعيف\عين فراش وعين لحاف ياولد الغالين..
ابتسم ياسر وطبع بوسه على راس خاله ومشى
لجهت المطبخ..
بخطوات خفيفه.. طل من الباب المردود.. آبتسم بحب... وهو يشوف انسجامها الواضح بطبخه..
دقق شوي..شافها بئناملها الناعمه.. توزع الجبن المبشور على صينة خضار قدامها..من ثم تدخله الفرن..
ابتسم اكثر..مسويه اكلتي المفضله..!
مشــى بخطــوات خــفيــفــه..
وشافها بهدوء تسكر الفرن من ثم ترتفع بخفه..لصنف الثاني الي اتضح له انها سبقتي ..
ملوك ببحه وهي تلتفت بسرعه للخلف\اوووووه نسيت الحلى...
تراجعت بخوف\يوه ياسر قل شي قبل لاتدخل روعتني الله يهديك..؟
قبل لاتكمل كلماتها رفع يدها الي كانت ماسكه فيها ملعقه.. وفيها بقايا من السبقتي ..ورفعها لفمه..
ملوك برتباك تركت الملعقه الي استقبلتها يده..
ياسر اتبنه لرتباكها لكن ماعلق ..وخذى الملعقه وتوجه لصحن السلطه ..
والأبتسامه مازالت بصمت مرسومه على شفتيه..
غرس الملعقه بصحن المزين وشاف حواجبها المعقوده بعصبيه..
ياسر بضحكه\حوريتي والله جوعان..وانتي الله يهديك من طلعتي من المستشفى وانتي هنا وماخلصتي..عصافير بطني
تذابحو...
ملوك\بس ربع ساعه لاتسد نفسك بتنقيط الاكل..
ياسر بضحكه\لو تنسد نفسي وانتي قدامي عساها ماتنفتح ابد..
ابتسمت ملوك وانشغلت با الأسبغتي..
تئمل تفاصيلها الصغيره..رفعت شعرها المهمله..
قطرات العرق العبقه... برائحة عبيرها... تداعب بخجل ...جبينها المصقول..طريقتها الدائمه
بمد شفتيها الصغيره للأمام..مؤكد تعب يخالج قلبها..
وحتى الاسواره الورديه المزينه بعذوبه معصمها الثلجي...كل شي فيها انثوي..بحت...
انتبه لجواله..ونغمتها المعروفه..الي اربكت ملوك..واعلنت عن ارتباكها صوت الملعقه با الأرضيه..
... ......
........
.. مرّي / قبل تتلف آمالي هبوب الشمال !
....................بعض الغلا ... يذبح الرجّال .. لو مايبين !
.....
.......
.
بيت الجده هيا.
بجلسه مستقله تتوسط الطابق الثاني..
ابو جسار جالس بأريحه يقلب الجريده بين يديه...ابتسم لعناد الي كان في ها الوقت
يطبع قبله حانيه على راسه...\مساك الله باالخير..يابوي..وشلونك..؟
ابو جسار بابتسامه هادئه\بخير..انتي الي كيفك وكيفها يدك..؟
استوى عناد با الجلسه ورفع يده \انا وهي بخير..
ابو جسار بقلق\قرب خلني افتح الشاش واشوفها...
عناد بتكشيره\وش تشوف...كم غرزه..ماهي بمحمله...
ابو جسار ابتسم على شخصيته الغير مباليه لكن بقلق\ها المره غرزه..الله يستر من المره الجايه
عناد باابتسامه\المره الثانيه كفن..هههه تحسب اني اخاف من الموت...؟
ابو جسار بفزع\فال الله ولافالك وش ها الطاري..لاتطري الموت ابد...ماتحمل افقدك...
دارت عيون عناد بركان الجلسه وببحه\ماحرك لك جفن يوم تركتوني هنا والحين تقول لي ماتحمل افقدك
قال كيف عرفت انها كذبه قال من كبرها...!
تغيرة نبرة سطام للعتب\الله واكبر عليك الحين ها الشي بقلبك علي...
عناد بنبره ساخره\لا قلبي ولاعقلي..سنين ومشت مثل لمح البصر..؟
نزل الجريده وبيئس\تدري انك بكفه وها العالم بكفه..بس يمكن انا وامك ماوصلنا لك الشعور هذا ...
لئنك تربية بعيد عنا...
عناد بنبره محايده\من ناحية الشعور والتعبير..امي هيا كفت ووفت..وكبرنا على ها الكلام..اختط الشيب بروسنا..
سطام\كل يوم تجيني احس انك تشيل روحك بكفك..
وقف عناد وببحه\انا ماحب جلسات كشف الاوراق في الوقت الغلط...كذا الكل مرتاح..
استدار عناد ليتفاجئ بوجه باسم يحضن وجه بهدوء ويطبع قبلتين على خديه
تراجع عناد للخلف برتباك\يمه وش فيك..؟
ام جسار ببتسامه\مافيني شي...بس حلمت فيك حلم حلو...
رجع خطوتين للخلف من ثم اسند يده على كنبه \وش حلمه..عريس با البشت....هههه...
تحضن يده بحنان\لا طفل بلعبته...حلمت فيك احضنك وانت طفل
واللعبه بيدك...واحس ريحتك مثل النرجس...
عناد برتباك يطبع قبله على راسها \هههه ماتأكدتي من شكلي..يمكن رعد ولدي...!
مشى بخطوات سريعه تاركهم برتباك
...خارج الصاله ومتوجه لجه ثانيه...
سمع صوتها وهو يمر من عند جناحها..
صوتها الموغل في الماضي..البعيد...المملوئ با الدفئ وتعويض الحنان المفقود...
وقف بشموخه الدائم ..وطلته الغريبه.. البعيده كل البعد عن أي افراد عائلته..
يتميز بوقفه ومشيه غريبه..بعيده كل البعد ان يشبها احد من عائلة الراسي..
ابتسم بهدوء ..نزل جزماته آحترام وتقديراً لها ودخل بهدوء وهو يسحب الهواء
الذي با الغرفه ويحمل معه رائحه غريبه محببه الى صدره..
أرخت يديها المجعدتين وابتسمت له...\عنيد!!
عناد دخل ...باس راسها وارخى بجسمه وارخى راسه بهدوء بحضنها ومدد جسمه...
الجده هيا\شفيك يمه تعبان..يعورك شي..!يدك تعورك!!
عناد بهمس\لايمه..كملي دعواتك...سمعتك تدعين لي..
الجده\الله يسعدك ياوليدي..بس يمك ترى ولدك ماخذ قطعه من قلبي كل مايجي ويروح..
عناد بهمس\يمه الله يخليك لي..
وش اسوي..تبيني احرمه من امه..؟
يمه يرضيك يعني..؟
والله قلبي احسه ماعاد ينبض اذا نزلته
عند بيت امه..؟
بس وش اسوي انا مابيه يبعد عن امه..ويتعلق فيني..
وانا نظام شغلي يفرض علي دايم ساعات طويله..اتركه..عند امه
احسن...
من بعدها تنهد بهدوء والتزم الصمت..
الجده بحب تحرك اصابع يده بكفها\شفيك ياعنيد..ترى انت ماخذ طبع من جدك كثير..ماتحب تشكي..
عناد ببحه\يمه..وجدي عناد..كان كذا..ماحد يبيه..
هيا بحزن\ومن الي مايبيك ..
عناد\ها...لا يمه ..خليني شوي ابغفى..
ابتسمت الجده وتركته يغفى على حجرها بهدوء..
.. ......
......
.. مرّي / قبل تتلف آمالي هبوب الشمال !
....................بعض الغلا ... يذبح الرجّال .. لو مايبين !
.....
......

بمكان اخر تماماً...
....
راجح يقلب الملف السري الي بين ايديه وبهدوء\سبعه..؟
ناصر\أسمائهم..وكل شي خاص فيهم عندك با الملف..الفرقه سريه جداً وحتى افرادها مايعرفون بعض..
راجح يستمر بتقليب الملف وبصوت واطي وكئنه يكلم نفسه\خليفه ال محمد..نهار الفهاد..
عبدالله الجاسم.حسن الهادي.صايل الجراس.مشعل
ال سالم.عناد الراسي.
ناصر يوقف ويتكلم بوتيره غريبه\Death group
راجح بتئكيد\السبعه..لازم تكون اعصابهم حديد..تحت اي ضغط..ها الفرقه سريه..
مو اي احد يكون عضو فيها..ها الفرقه
متخصصه في التصفيات..للرؤس الكبار الارهابيه هنا..
بالاضافه لتمركزها..في اماكن مهمه توصلها لشخصيات رفيعه في البلد تقوم
على حمايتهم...هاذا غير استدعائهم في المهمات الي يعجز عنها الفرق الباقيه..
على حسب الاوراق الي قدامي
انتم مختارينهم من ايام الكليه..ِالدقه مطلوبه..ودرس تحركاتهم قبل وبعد راح يساعدنا اكثر..
ناصر\تطمن سيادة اللؤاء هاذي المنظمه نتيجة تدقيق وتمحيص راح تتكلم عن نفسها ...
هاذي المنظمه نتيجة دراسه امتدت لسنوات
ومافي مجال للخطئ اطلاقاً
ابتسم راجح\شي جميل ..تقدر تتفضل وتترك لي الملف..
.. ......
.......
.. مرّي / قبل تتلف آمالي هبوب الشمال !
....................بعض الغلا ... يذبح الرجّال .. لو مايبين !
.....
......

بفلة الراسي..
ريان طالع بهدوء من غرفة شهد..شاف امه جالسه بصاله
ريان \يمه هي الحين نايمه..انا طالع اذا صحت خبريني..
ام جسار بهدوء\وين ريان..انا ابيك بموضوع
انتبه ريان لهتزاز جواله بمخباته\يمه بعدين ..انا الحين طالع..يمكن اتئخر..اذا مافيه شي ضروري لاتدقون علي..
انا مع الشباب..
نزل بخطوات سريعه مع الدرج ..
رد بهدوء وصوت انفاسه تسبقه\هلا...بس اقل من ساعه..اجيب لك شي معي...
... ......
......
.. مرّي /قبل تتلف آمالي هبوب الشمال !
....................بعض الغلا ... يذبح الرجّال .. لو مايبين !
.....
......
بيت ابو مناف
ياسر بهمس\بلا طوالة لسان..الظبي تعرفيني زين لاتمادين اكثر..احد طلب منك تشتغلين خطابه..
مليون مره قلت لك انا متملك بس
الظاهر ها المخ الي مركب عندك مايبي يستقبل الا الي يبيه هو...
-ماهو مشكلتي انك انتي وجدي معترضين..مشكلتكم انتم حلوها ..
-ايه بيتكرر..وش بيصير لو يتكرر..
-ترى على فكرا هي الي تئجل والا انا لو بيدي كان من سنين هي زوجتي ومتباركه عليكم بطلتها ..
-لاتقعدين تصارخين ماني بصبي عندك..
قسم بالله لو انك قدامي كان عرفتي ان الله حق...معلمك جدي على طولة للسان ومافيه كنترول
على ها اللسان..
-قسم بالله ياالظبي شوفيني حلفت...ان تكررت ها الكلمات الي قلتيها ماتلومين الانفسك..
-تراديني بعد..وتكسرين حلفي بحلف..اسمعيني زين...لا انتي ولاجدي ولا عشرين واحد من نفس نوعيتكم بيمنعني..
.!فاهمه..
-يالله توكلي..
سكر الجوال بوجه الظبي وللآ اول مره في حياته يفقد اعصابه معها..ويسكر بوجها..!
يسكر بوجه الظبي..الأعصار القادم له لامحاله من مجابه ..عنيفه...لكن يجب ان تكون بأقل الخسائر...
عروقه بانت من قبضت يده...ولون اخر اكتساه من شدة العصبيه..
الظبي وجدي..(كملت..من بيقلب الطاوله عليهم ها الثنائي..
المشكله اني اعرفهم..ماراح يلعبون لعبه نظيفه...)
انتبه لنفسه وقام من درجات الباب الداخلي لسور وهو يسمع صراخ فلك \يسور..غدى حبيبة القلب كليناااااااااااه
...
........
.. .. مرّي / قبل تتلف آمالي هبوب الشمال !
....................بعض الغلا ... يذبح الرجّال .. لو مايبين !
.....
.........

ماهي الا لحظات,,,وفتح عيونه على اهتزاز جواله بجيبه,,,
ناظر الرقم كشر بصمت وعفس وجهـ...\آمرك,ســـــم
عدة دقائق مضت تحت انظار الجده..وهي تستمع لذبذابات الصوت الذي يحمله...وترى بصمت ..
علامات الغضب مرتسمه على
وجه عناد,,المائله لشموخ,,الغامض,,الأســـرهـ...التي تعرف معناه ومنبعه
....لايجهلها,,مهما مرت السنون,,,هاذا الغموض الذي
يتشرب بصمت همساته وسكونه ,,,كل شئ,,,يدل على عنفوان..ورجوله,,
انتبهت من غفوت سرحانها البعيد والبعيد جداً....لعناد ...يتمتم... ويسكر الجوال\مانمت!!
الجده بحنان\وش الحكي,,!!من ها الي متصل..ريسك!!
عناد يُقبل بحنان على وجها الجعد من آثر السنون ويطبع على راسها بحنان قبله \ايه يافديتك..رايح...
الجده بعصبيه\ورى مايخلونك انت تعبان والخياط مابرى من ايدك...يالله تقطعها من وظيفه...يمك وش تبي فيها!!
عناد يرفع شفايفه من راس جدته ويشم بشوق رائحة شعرها المملوئه با (المشاط)تلك الرائحه المحببه الي انفه تعبق بحنان بصدره\ماعليه
يمه كل عاشق يسم حاله بعده عن معشوقته...!
كشرت الجده بوجه وهو يضحك بوجها ويودعها,,,,
............
...........

.. مرّي / قبل تتلف آمالي هبوب الشمال !
....................بعض الغلا ... يذبح الرجّال .. لو مايبين !
..........
.......
مناير بقلق \ها الحين الحرمه هاذي تعرفينها زين...
مناهل\لا والله يمنير ..بس وحده مخبره فيها امي..ابيها تعالجني شعبي..تعرفين ماخليت لي دكتور ماتبكبكت عنده
ويقولون مبايضي ضعيفه..بتال ماحكى شي ..لكن انتي تعرفين...؟
مناير\اجل انا بروح معك..يمكن بعد يعطوني علاج امشي عليه واجيب ولد...
مناهل\هقوتك يعني يتحكمون في الجنس من العلاج او الاكل....؟
مناير\مايندرى والله ....
مناهل تنتبه لمناير وهي تفك شعرها الطويل المائل للجعد...\جيبي الزيت انا الي بزيته لك...شوفيه كنه متقصف
وجاف زياده..
مناير \ايه والله وش اسوي بتال ناشب بحلقي مايحب ريحته..ولا ها الحين صاير من يجي يومي وهو
يجي على طرف
السرير ويحط راسه ومايرفعه الا على صلاة الفجر...مع انه يتقلب..بس بمكانه ..ياربي ان كان ها الرجال
مهموم من يوم خذته..
مناهل\ايه والله...هو كذا ..يجلس فترات من بعدها ترجع له ها الحاله..هقوتك يهوجس..والا دين عليه...
مناير بعصبيه\يادلخه..دين على ولد مقرن ....اكيد عقلك عليه هفه وها التفكير..لا يمكنه تعبان ياعميري
بدهنه بزيت مقري عليه ان شاء الله اذا جاني...
مناهل\الا وش سوت حصه مرة عقاب..رجعت لرجلها بعد ماخذى السوريه عليها ولا الى الحين عند اهلها
مناير\الله لايكشف لنا ستر..ماخلت على الرجال ستر مغطى...فضحته وفضحة كل علومه الاوليه..
ورمة عليه عياله كلهم حتى الي على صدرها يرضع..ماتركة منهم احد...مقويه من يوم يومها...بعدين
راضاها وعطاها رضوه ورجعت معه وحطت جارتها بملحق حق بيتهم...والله ها الرياجيل ماينفع معهم
الا ها النسوان...
مناير\ايه هين..بلاه ثور ماله كلمه ولا له صخصيه*_^عليها...ولا لوانه مثل بتال كان علقها مثل الشاة..في مقصبه..
............
...........

.. مرّي / قبل تتلف آمالي هبوب الشمال !
....................بعض الغلا ... يذبح الرجّال .. لو مايبين !
..........
.......


بمكان ثاني,,,
واقف بسيارته عند باب الصالون ...\يالله انتظرك ..
ابتسم جسار ونزل الجوال تبعه باالقاعده,,,ضغط بخفه على السدي يلنطلق بحب صوت الملتاع..طلال الرشيد
يرحمه الله...

انا مقدر أكون إني حبيب في بعض أحوال

أنا كلي أجي وإلا أروح بعزتي كلي

خذاني لك سؤال في عيونك والجواب محال

خذاني منك دمع في عيوني ما رضى ذلي
..في ها الوقت فتحت الباب بئنوثه وركبت بغنج رباني\مرحبآآآ,,,
ابتسم بحب \هلا بشمعة سنيني...
فكت اللثمه سيوف ليظهر وجها المحبب الي قلب عاشقها الأبدي,
,اقتربت بخفه..كنسمه,,او كاعذبه..طبعت على خد جسار
قبله ببتسامه\اووه آميره انا اليوم عندك جساري,,
رفع حواجبه بطريقته الجذابه... وركز بعيونها وبستغراب\ومن متى ماكنتي بعيوني آميرهـ,,,!!!
ابتسمت سيوف لرضاء غرورها الدائم من عاشق تمكنت من قلبه حتى اعلنت احتلالها الكامل له \مممم !!
تئملها جسار بحب في ها اللحظه,,,
سيوف عفست وجها فجئه ..كلمات موجعه تسللت الى آذانها ..
لترمي بها بقسوه من آحضان عيون جسار,,
لعشق أبدي في صدرها,,
أنا اخترت الفراق وما دريت إن الفراق وصالـ

أقول إني نسيتك.. بس مدري كيف توصل ليـ

تجيني في الأغاني في السوالف في سؤال الحالـ

تجيني كل ما شميت عطرك ويتخيليـ

رحلت انت وتركت لخاطري طيفك وصبر طالـ

غدت ذكراك شمس ما تغيب وصورتك ظليـ

حكيت وما لقيت من الحكي إلا الندم موالـ

سكت ومت بالحسرة ولا أدري وشهو أحسن ليـ

أحبك كل ما فيني يحبك يا خلي البالـ

تخيلتك دواي.. وصرت جرحي الصعب يا خليـ

تعبت أرحل من وجيه البشر بنساك بالترحالـ

ولا أدري وش يجيبك في وجيه الناس.. وأهليـ

ضربت بعنف ..مخالف تمام لطبيعته الدائمه.. جهت السدي,, ومن قوة الضربه طلع السيدي يدور بسرعه,,,
انصـــــدم جسار من حركتها الغريبه,,,,
سيوف بعصبيه\مليون مره قلت لك ماحب آشعار ها الشخص,,ومليون مره قلت لك ماحبه بسيارتك,.,ماتفهم,,,
قطع عليها عصبيتها صوت السيدي وهو ينكسر بيد جسار وبصوته المبحوح\بس كذا!!!ولايعكر مزاج دلعوتي احد
والله انسى انك ماتحبينه...,,قالها وهو يبتسم,,,
طالعته سيوف بعيون حاقده وهي تشوف جسار يرمي آثار السيدي مع الشباك ويحرك السياره ,.,,,
,,
نقف هنا..
..
همسة محبه... هل تريد كنزاً من كنوز الجنة ؟
قال رسول الله (صلى الله عليه وسلم) : ((لا حول ولا قوه إلا بالله)) متفق عليه .

هل تريد أجر قيام ليلة كاملة ؟
قال رسول الله (صلى الله عليه وسلم):
((من صلى العشاء في جماعة كأنما قام نصف الليل و من صلى الصبح في جماعة كأنما صلى الليل كله))
رواة مسلم .

هل تريد أن تقرأ ثلث القرآن في دقيقة ؟
قال رسول الله
( صلى الله عليه وسلم): (قل هو الله أحد تعدل ثلث القرآن)) رواة مسلم ).

هل تريد أن تثقل ميزان حسناتك ؟
قال رسول الله ( صلى الله عليه وسلم): ((كلمتان
خفيفتان على اللسان حبيبتان إلى الرحمن ثقيلتان في الميزان
(( سبحان الله و بحمده سبحان الله العظيم)) رواه البخاري

هل تريد أن يبسط لك في رزقك و يطال لك في عمرك ؟
قال رسول الله (صلى الله عليه وسلم):
((من سره أن يبسط في رزقه أو ينسأ له في أثرة فليصل رحمه)) رواة البخاري .
..
قبل ان اختم البارت..ان آسعفني الوقت بذن الله راح ينزل بارت اخر ..يوم الاثنين...

دمتم بحب ضمني بين الاهداب
..