السلام عليكم ورحمة الله وبركاته

*؛

..وعليكم السلام ورحمه الله وبركاته ..

..أولاً:مرحبابكن بطفولتي ..
..ثانيا:تم رد الذاكره بمساعدت ماماتي..<<يعني بتتواجد لحد ماخلص..

*؛



•• الأسئلـــــهـ


1/ هل كنت مشآآآآكس أوكنت على


نياتك وهادئ~~>أتوقع الكل مشأكس؟؟

*؛

.. كنت على حسب اللي أتذكر أميل للهدوء..

..كانت مزاجيه درجه اولى مره مشاكسه/ هاديه /بريئه /فضيحه..<<هاي مامي

*؛


2/ كنت بزر قصدي طفل مميّز


عند شخص ما؟؟ يعني كنت أغلا البزراآآن


وإلا مصفوق على الرصيف؟

*؛

.. هي عند يدي<<فديته من جهة مامي ..
.. ويقولون يدتيه<<رحمها الله من جهة بابي ..

*؛


3/موقف حصلّك وأنت صغير وللحين


مأثر فيك؟؟

*؛

..أمممممممم ماذكر..
..لكن..ممكن..

..مره كنت بالمدرسه بغرفة الطلاب<<صناديق الطلاب..ونزل مطر بقوه
وياه رعد وبرق<<صوته مخيف وتسكر الباب <<يمكن خيالي هيئ لي انه مسكر..وظلم الجو<<تخيلن الوضع
خوف+صياح+صراخ ومكان وياي حد..عاد جو بريطانيا يوم يمطر مايحتاج جنج ليل..

..وللحينه أخاف من صوت الرعد..

*؛


4/ أكبر عيديّة آخذتها ..كم كآنت ..


ومنْ من ؟؟؟ وش كان شعورك وقتها؟؟


*؛

..سلسال ذهب فيه أسمي من أمايه وللحينه عندي محتفظه فيه..
..وشعوري منو قدي سلسال باسمي..<<أكيد فرحانه..
.. والسعر ماعرف<<أمايه جم سعره..

*؛
5/ من أقرب طفلـ/ـة من الجماعة


كانت أقربلك؟؟ يعني مايضربك آو تضربك


ولا تهاآوشك ولآ يهآوشك؟؟



اسدحي اسمــ/هــ/ــا هونا..


*؛

..اممممممم مالي في حد أصلان ماكو حد يعجبني لكن ممكن اقول..
.. عبود ولد عمي <<وحليله دوم في حاله..
.. خلود بنت خالي<<مؤدبه تسمع الكلام..

*؛


6/ كم فلقة في رآسك؟؟

*؛

..ولا شي مالي بالمضارب..

*؛

7/ وش كانت عياآآرتك؟؟


>>>> هههههه عشان تمسكها عليك ؟؟

*؛

..الدلوعه..اممممم..ممكن..الياهل..
..ماذكر..بالظبط..<<من يعصبون جي يزقروني ويعاندوني

*؛

8/ وش اكثر حلاااوهـ كنت تحبهاا في


طفوولتك الرائعه ؟؟

*؛

..ويه ماحيد غير التوكس و امممممم عصير فراوله أيت
نوع<<دوم هاي رضاوتي..
..وللحينه المفضل عندي..

*؛



9/ ماهو مستوى الرجه اللي كنت فيها "


مرتفع / متوسط / سموول " ؟

*؛

..أحسه سمول ..
..وأمايه تقول لا فيج حقكج<<مزاجيه..

*؛



10/ ايش ترتيبك بين اخوانك ؟ وهل


هذآ الشئ اثر في مسيرتك الطفوليه ؟؟

*؛

.. الكبيره ..
..وماعترفت بأهلي إلا بعد ماكبرت شويه..
..يعني امي و ابوي أعاملهم شرات أخواني و أزقرهم بأساميهم ماشي أحترام خخخخخخخخ..
..يدي هو ابوي وهو الوحيد الي احترمه بس حتى يدي معطيته بولباس<<<هههههههاااااي..

*؛


11/ ايش اكثر مكان كنت تحب تروح له ؟"


ملاهي . حديقه ... الخ

*؛

..اكيــــــــــــــــــد..

..ملاهي <<مغامرات

*؛


12/ ايش اكثر لعبه كنت تحب تلعب فيهاا؟؟


*؛

..الزلاجات وليومي اعشقها ..

*؛



13/ هل كنت تضرب والا تنضرب


والا>> لاتهش ولاتنش ؟؟

*؛

..شوه ممكن أضرب لكن أنضرب لاااااااااااااااا

أنا بحماية يدي..

..بس مؤدبه مالي خص باحد..

*؛



14/ هل كنت تبكي كثير ؟؟


*؛

.. اكيد<<<<دلوعه ماتحمل شي..
..خصوصا من نسافر عن البلاد وأفارق يدوه<<<أكره أهلي فتره..

*؛

15/ ايش اكثر فلم كرتوون كنت تحب


تشووفه ؟؟

*؛

.. ممكن هايدي ..مدرسة الكونغ فور<<أعشقه..ماوكلي
وأممممممم ماذكر....

*؛


16/ من اكثر واحد من اخواانك كان قريب


منك ؟؟ يعني اللي تحب تلعب معاه ؟؟

*؛

..يوم صغيره ولا واحد<<قلت لكم ماعترف باهلي إلا إذا ودرنا البلاد
..بس لعب امايه ..

*؛


17/ موقف صار لك ولحد الحين اذا ذكرته


يضحكك ؟؟

*؛

..هههههههههههههههههههااااي هب أضحك وبس إلا شمتانه فيهم بعد..

..العيال هاك اليوم مسوين أرواحهم أذكياء علي وكنا شتاء واونهم يتمصلحون بحلاو عقب طلبوا مني أستأذن يدي يبطل لهم ماي المسبح قلتلهم من عيوني فالكم طيب ولو تستاهلون جان من أول خبرتوني بس بشرط اول دخلوا للحمامات بدلوا ملابس عسب نسوي مسابقه فطيران كل واحد للحمام عقب قفلت الأبواب عليهم هههههههههههههههاااااااااااااي
..ولبستهم وطنشتهم مفصخين بهالبرد بعز الشتاء والمسبح باخر المزرعه
وظهرت ماكني سويت شي ولافقدوهم إلا عند العشاء وبحث مستمر وانا
وياهم عقب الهندي بطل لهم الأبواب....هههههههههههههههههاااااااي..
المشكله اغبياء كانوا اكبر مني وقدرت العب عليهم..

*؛



18/ كنت تحب الحليب والا تشربه


بالغصب؟

*؛

..الحليب البارد أحبه ..
وممكن اشربه لكن هب بالغصب برضى خاطري..

*؛

19/كنت شاطر بالمدرسة ولا ؟؟

*؛

..الحمد لله ..شاطره..

*؛



20/ كيف كانت طفولتك بأيامـ رمضان ؟


كنت >>


تصوم قدام اهلك ومن وراهم تفطر؟؟

*؛

..ههههههههههههههههههههاااااااااااااي ..
..مرات أفطر ومرات أستوى مطوعه اصوم وقران ..<<لدرجه ماأرقص إلا على القرآن..أستغفر الله.. هههههههاااي
..بس كل شي قدامهم ..

*؛

21/استايلك وانت صغير..كيف كآن؟


*؛

..هاي عاد امايه بتقول..

..شرات الصوره..خخخخخ لا امزح الشعر دوووم سايح ماداني مسكته فتظطر أمايه تقصه..

..وفساتين قصيره<<غالبا..وبناطيل..<<مخربتنها امايه..

*؛


22/كلمه دآآيم على لسآنكـ!!

*؛

..قرررررررررف..<<إذا ماعيبني شي او أي حد

*؛
23/هل هناك شخص كنت دايم تتبلى عليه


يعني تسوي المصيبة وهو ينضرب ؟

*؛

..ماذكر حاليا لكن اللي أذكره دوم أسوي سوالف واشاركهم بس أطلع منها بريئه<<حمايه يدي..فديته..

*؛


24/جريمة او مصيبة لـ هذا اليوم تذكرها و


مستحيل تنساهاا ؟؟

*؛

..كان عندنا بالمدرسه يومين للانشطه مرات ممريضين مرات شرطه مرات مدرسين اللي حصل انه مره نكون ماكيييير كوفيرات المهم مظبطين الطاولات والكراسي وبعض ادوات الزينه فكان كل شويه معلمه تشجعنا وتيلس ونسوي لنا والطلاب ويانا<<بس كان اشياء بسيطه..الي حصل يلست بنت وحده من المعلمات تريدني اسوي شعره<<<كنت ماحبه وشعره كله ظفاير صغيره<<فهمتن فقمت بقص نهايت الظفائر لكن
..يد المعلمه وقفتني البنت يلست تصيح تقولي عربي غبي مدري مسلم غبي
مذكر وكنت اهزبها برمستنا أن شعرج هب حلو وأتحداج تفهمين كلامي أنتي الغبيه هب انا..
..طبعا المعلمه اللي كشفتني أمها اخذة بنتها وعدلتنها الغريب ماهدت علي!!

..مداخله
تخيلن طلبتني المدرسه ورحت من باجر لها وبقلبيه ربي يستر عاد أجانب مايسكتون عن حقهم كانت جدا هاديه وياي وتسولف بالاخير قالت لو ريلي عرف ممكن تتسببون بمشاكل لكن حليت الموضوع بنفسي واللي جعلني بهالشكل برائة الاطفال أن/تقصد دلع بنتي يوم كلمته ليش كانت تصيح وتقول باجي لي وحده ماقصيت جوفي البرائه..<<هاي رمسة أمايه

*؛


25/ما هو اقوى عقاب في حياتك ؟؟

*؛

..يوم يحرموني من الرقده ولا السيره عند يدي ..

*؛


26/نشيد كنت تحبه أيام الطفوله ؟؟

*؛

..أمممممم ماذكر بس أذكر قصيده ليدي دوم على لسانه من يجوفني..
..يقول فيها:
..ولأ أقول خلوها مستوره خخخخخ

..بس اللي أذكر:
ينابيع المعرفه<<اليابنين بحركاتهم<<مدري شو بعد حد يعرفها!!!


*؛



27/ماهي الموآقف اللي عرضت فيه


ا اهلك للاحراج؟؟

*؛

..أمممممم
.. كنا ظاهرين من المدرسه ووياي واحد اسمه ران امممم
..المهم كنا يالسين بالحديقه نلعب وكنت متحمسه ويااااه وايد ماصدقت احصل حد شرات تفكيري ولعبي..أذكر كنانرسم تحدي فيت امه بتأخذه وأنا ماريد يروح ماخلصنا فقلتله طبعا بالانجليز لا أنتم معزومين عندنا على الغدا..ماتصلت مام أهي أونه بتتعذر وعلى ييت أبويه علطول أول ماجفته قلتله داد ألم تتصل بوالدي ران للعزيمه ..وانحرج ابويه ومامتي ما طبخت هاك اليوم خخخخخخخخ وظهرنا وياهم بالمطعم تغدينا..

*؛


* بحكم طفوله ان الواحد يكون برئ
وحبيت اسال عن



28/اكثر موقف صدمك يوم انت صغير


واثر عليك يوم كبرت ؟!..

*؛

..مابالي شي ..
.. بس كانت من الاشياء اللي ماأنساه أعتقادات فبالي ..
1/أن المطوع مايلعب كوره..وأنصدمت يوم جفت خالي يلعب..
ضاق خاطري انه صاع<<خبله صح ومسكين كل ماجافني يلس يقنعني أنه حلال..ههههههاااااي
2/أن الي يصوم مايكلم بالتلفون ولا الجوال وأول من طحت عليه أبويه
بالميلس يكلم وأقول بخاطري هني منخش عسب مايقولون فلان أفطر وعقب يدوه طحت بها تكلم قبل الفطور وأقول بخاطري مسكينه مارامت تيود عمره لحد الأذان..<<<<<لكن أبشركن اقنعني أبويه انه حلال..

*؛


29/كيف كان اول يوم مدرسه لك بكيت

ولا لا ..؟

*؛

..كان عجيب غريب مندهشه شويه أجوف الناس أشكال ماتعودته<<أجانب هب عرب

..لكن مابجيت عادي..عندي اهم شي أعرف أرمس شراتهم ..

*؛


30/ ضعت في مكان؟ .. سوق او


حديقه او كورنيش.. اذا اي قولنا السالفه ..؟

*؛

..مأذكر لكن مامي تقول..

..مره سايرين صوب الحديقه وكان وياهم اختي الصغيره فكانت تصيح وظهروا اهلي وانا وراهم يوم وصلو لسياره ماحصلوني وأنطلقوا يدوروني والحديقه بتسكر<<أخر الليل..وبعد بحث ساعتين حصلوني يالسه وعندي شايب وعيوز ومنشغله بأيسكريمي وبالسوالف وياهم..يقولون خفتي الايسكريم يسيح فيلست عسب مايوصخني وهذيلا يلسوا عندي يتريون أهلي ياخذوني ولا أخذوني وياهم خايفين أنخطف<<أتخيل للحينه عايشه وياهم..

*؛


31/وشهي اجمل هديهـ خذتها في


طفولتك...ومانسيتها ابد...؟!

*؛

..هديه من أبويه ليلة العيد..
..لعبه عباره عن عروسه بأرجوحه وتغني وهي تحرك شعره<<كنت أحبهاومازلت..ومحتفظه..فيها..مارميته..إلا..من..سنتين..تقريبا. .

..صح..هب غاليه ماديا لكن لها أثر بنفسي<<ليلة عيد+عوده أبوي من سفرة أسابيع..أحس هاي تكفي غلاوتها عندي..

*؛


32/بصراحهـ من كنت تحب بطفولتك


اكثر امك ولا ابوكـ....؟!

*؛

..أممممممم شرات بعض <<<<لكم هب شرات يدي..خخخخ<< هاي بالطفوله

*؛


33/في انسان معين تحس انك كرهتهـ


في طفولتك وذا اي ليهـ...؟!

*؛

.. هيه شايب يقرب لنا وليومكم إذا دش يسلم علينا أتنافض..<<غصب
..لانه كنت مره مع يدي بالميلس ومدري شو يالس يطلبني يدي وأنا اتدلع عليه ومدري شو فصرخ صرخه علي فزيت بطولي من الخووووف وهد علي<<صوته يخوف<<سبب لي رعب..<<أونه يريدني أصطلب وأحترم يدي

*؛



34/متى هي المرة من المرات اللي


حقدت فيها على اهلك وانت صغير
\يعني...


سوولك حركه قدام احد وانقهرت بقوة ؟؟

*؛

..إذا كانا عند الاهل وبيسرون للبيت و يدي راقد أظطر أسير وياهم يقولون أنتي هب بنتنا سيري لشايب<<انقهر ماداني هالكلمه..

*؛



/لحقت تتابع/ين سبيستون ؟؟ ولا


بالصبح والعصريه ؟؟

*؛

..امممممم هي لحقت لكن متى بالظبط ماذكر من صغيره علاقتي
بالتلفزيون هب وايد
لاني ملوله..ممكن الفيديو أكثر ..

*؛



36/هـل كنت تغلط في نطق الحروف..؟

*؛

..ماذكر..بس امايه تقول العربيه سليمه النطق لكن الإنجليز فيه..

*؛

37/موقف سويته ..والى الحين مااحد


يدري عنه ؟

*؛

..لا إله إلا الله ..
.. لعيونكن اليوم بنفضح فضيحه ماستوت وباعترف بشي خاشته..من سنين
..أمايه سيري جوفي منو عند الباب..وغمضي عيونج..عنا..ههههااااي..
..أمممممممم

..كانت فيه عزيمه جبيره عند ربيع ابويه<<<ناس من معارفنا
..المهم وكان عمري تقريبا ثمان تسع ..سنوات ماذكر زين..كنا ياليسن نحن البنات نلعب بحديقه الريايل و جاء بسميه محمد الولد الجبير تقريبا عمره 20أو21..
ويلس يهزبنا أوننا خربنا الشير..فالبنات خافن وأنجبن قلتله جب هب بكيفك تصارخ مو بيتك إذا عموه قال سيرن بنسير..فمحمد عصب لان يلست أرادده صرخ صرخه شلعت قلبيه من الخوف لاااااااااااااااااااه هفيني بكف بالياهل شو تتحرنج عند يدج سيري بريولج لاسحبج من شعرج..البنات طبعا من صرخ شردن وأنا أستحاله أسير مايابته أمه الي يصارخ بويهي..بهالوقت ظهر أخوه بسميه خالد كان عمره 17سنه صح شيطاني شرات الشباب لكن دووووم طيب ويانا يالبنات وبصفنا<<وحليله..قلتله خالد جوف محمد يطردنا من هني أونه نخرب قال هي ظهرن الريايل بيخطفون من هنيه من يروحون ردن..ومحمدهههههههههههههههههههاااااااااااااااااااي سيري سيري يالياهل فشلوها..طبعا انتقاما من خالد ليش جي (لأول مره يفشلني)شو سويت..دخيلج أمايه غمضي عيونج..شليت سويج سيارته<<فرحان ان ابوه يايبله السياره وهديته إذا تخرج هالسنه..وخشيته وحصل هزبه محترمه من ابوه بانه ياهل وكل البيت يدورون المفتاح وأنا ووياهم وحرام وين سويج السياره..ههههههههههههههههههههاااااااااااي وللحينه محد يدري..
بس غامضني عقب الهوشه الي يته والعقاب ظهر بنا ويالسواق ويابلنا ايس كريم رضاوة عن لعب الحديقه..
*؛


38/مين اعز صديق طفولة و الى الان


متواصل معه>><؟
*؛

..اممممممم ماكو حد لاني ماأحتك بالبنات طول وقتي مع الريايل ولاحد منهم يعجبني..

*؛
39/ اذا عندكـ صوره لكـ وانت طفل



.شباصه اتمنى تسدحها هونا؟


؟
~~~>الصوره مهمه ..هههههههههههههااااااي

*؛

..هههههههههههههههههااااااااااااااااااي ..

..شباصه مادانيهن ..

..والصوره عن انفضح شرات الصوره الرمزيه خخخخخخخخ..
*؛



<<مآخليت سوآآل مآسدحته ..

*؛

..ماقصرتي .. مابقتي شي بخاطر البنات ماسالتي ..
..ههههههههههههههههههههههااااااااااااااي ..

*؛




*؛

..وبالنهايه آتمنى تسعدن بطفواتي وتبحرن<<على قول بوح..في تفاصيلها!!

..وأسترن على ماوجهتن..<<الستر للمسلم زين..له أجر..

..بوحوه تعالي دلكي يديه ماروم أحركه من الكتابه وتحديد الألوان وهالسوالف..


*؛

دلووووووووعه طفوله رائعه جدا استمتعنا بها
يسلمو ا

دلوووووووووووعة

رهيبة طفولتش

اما سالفة خالد شيء
الحمد لله ذكرتي المسكين بشيء



لي باك بالسؤال

دلوعه يعطيك العافيه
صراحه كتبت رد طويل يبين انفعالاتي اول ماقراءت موقف المفتاح
يس للاسف انمسح

وما حفظته
عموما طفولتك روعه وتشبهك بالضبط

دلوووعه طفوله رائعه هههههههه
اجل الشايب صرخ عليك هع
بانتظار اساله الاعضاء لك هع