الأيمــان بالـذات ..



الله خلق بداخل كل أنسان طاقه كبيره عشان يوصل لكل اللي يبغـآهـ .. خلق فيه قوة عظيمة تمحي كل ضعف وأستسلام ..
ومن ثم عطانـا نعمة العقل وميزنـا عن باقي خلقه ..
الأيمان القوي بهذي القدرات راح يخليك تحققين كل احلامك ..


والأحلام ماتحقق ألا أذا كنتي تملكين صوره ذهنيـه حلوهـ عن ذاتـك ..
ويكون بأعتقادك انك انسـآنه قادره على أنك تصنعين فرق كبير وتأثرين في غيرك .. وان قدراتك وطاقاتك مالها حدود ..




لازم تعملين على اصلاح نفسك وتطوير شخصيتك وأستدراك أخطائك .. لأن كل شي يبدأ من الداخل ..
واعتبري اليوم هو نقطة انطلاق لكِ وإذا ماكانت حياتك مثل اللي تخيلتيها أو تمنيتيها !! واجب عليك من اليوووووم ابتكار حياة جديده تناسبك .. وفكري كيف راح تحققينها ..


** أبدأي بتحقق اهدافك بالحيـآه..
دايم لما نسأل أي بنت (وش هدفك بالحياه...؟؟)
تقول بتردد: ممممم مافيه شي معين كثيره أهدافي .. أو تقول: ما أدري ..
تواجهون صعوبه بتحديد الهدف .. ليــه؟؟

- التخرج من المدرسه بنسبه عاليـه ..
- الحصول على شهادة البكالوريس ..
-الحصول على شهادة المايجستير ..
- الحصول على وظيفة مناسبه ..
- الترقيـه في مجال العمل ..
- الزواج والأستقرار مع الرجل المناسب ...............ألخ
هذي بعض من الأهداف والكل يسعـى لها.. أعتمديها بس أمشي حبه حبه لما توصلين لقمة الحيــآه الناجحه اللي صممتيها ..
ولو كان هدفك بسيط المهم يكون بحدود المعقول والواقـع و تعبري عنه بصوت عالــي ولا تخجلين من حد ..

أنا جربت هالطريقه و صارت حياتي من أحسن مايكون
وكل هذا بفضل ربي ومن ثم تصميمي لنفسي الحياة اللي أبغاها ..

لما اخطط لهدف أسعـى عشان أحققه .. ولما يتحقق أسعـى للهدف الثاني ألى الثالث ألى الرابع .......... سلسلة أهداف مالها نهايه !
متفائله بأني راح أكسر الدنيا
بطموحاتي ولا أنتهـي عند واحد بس ..
ولو كان اللي
حولك مايشجعون اهدافك ما عليـه أنتي شجعي نفسك وخليك قريبه
من [SIZE="5"]اللي يشجعونIطموحاتك وتقوي فيهم .. مثل أبوك او أمك أو زوجك ! لا تخلين اليأس يسيطر عليك لأن نتيجه تحقق اهدافك راح تسعد أهلك أو اللي حولك بالمقدمـه !!
وراح تذوقين طعم وحلاوة الأنتصـار بعدها وتنسين كل أحباط واجهتيه ..
بس خليك واثقـه من نفسك وأهدافك وواصلــي أحلامك وطموحاتك ولا توقفين عند عثره وحده ..

أنصحكم بقراءة كتاب (عظمـاء بلا مدارس) .. شوفي أغلب المشاهير والعلماء كيف كانت بداياتهم .. وربي شي يحبس الأنفاس من روعته ..!
كيف بدأو من الفقر والحرمان والجوع وبالأخير نالوا شهادات ومكانات عاليـه وحصدوا الملايين والسمعـه الحلوه من وراء هالشي ...
وانتم الغالبيه منك ربي منعم عليكم بالخيــر بديرة الخيــر ولا ينقصكم شي ولله الحمد ..
بس حددي أهدافك وحققيها بأقرب وقت ......


** حاربي كل الصعوبات اللي تواجهك ..

راح تواجهين صعوبات وعقبات ممكن تأخرك وتقّيدك ..
لكــن! خلي ايمانك بقدراتك أقـوى وأكبر من هذي الصعوبات ..
اذا تبين تعيشين حياة
سعيده لازم تفكرين وتتصرفين بشكل أكثر أستقلاليـة ..!
هالشي راح يعطيك أحساس بالأرتياح لأنك ماتضطـرين تشرحين مبرراتك
للناس عن شي تعملينـه ..
يكفيـك الراحـه لما تأدين أي عمل وتأكدي أن (الأستمتاع) هو أقوى مبرر يمكن أن يتوصلون له الناس ؟؟
قراراتــك ..!! خذيها بنفسك وتصرفي بحريّـه ولاتجبرين نفسك على أنك تدافعين قدام الناس ..
بالنهايـه .. كل شخص يعيش حياته بالطريقه اللي تعجبه .. واللي ينتقدك بأشياء معينه تأكدي انه بحياته يسوي اللي أكبر منها وأعظم ..

على سبيل المثال لآ الحصـر/
في بعض المجتمعات عندهم عيب أن البنت تشتري لاب توب .. او عيب تستخدم النت > لا تستغربون باقي فيه ناس بهالعقليات ..
تعرفت على وحده في منتدى من فئة ذولا المجتمعات ... طبعآ تستغربون كيف وصلنـا لبعض؟؟؟
تقول/ بالبدايه جمعت من مكافئاتها لين جابت حق الجهاز وأشترته .. كل أهلها وقرايبها عارضوا أن كيف
بنت عندها لاب؟؟
بصعوبة أقنعت اهلها وحطتهم قدام اللأمر الواقع والباقي طنشتهم .. بس واحد
من أخوانها قالها بالحرف الواحد: أذا دخل النـت البيت أنا أطلع منه!!!
فتره بسيطه وراحت أشترت كونكـت وبدأت تستخدمه .. > طبعآ كل ماتبغى شي ينرفض بدون أي مبرر وهذا اللي يضايقها ..
لما شاف أخوها الكونكت ماناقش ولا عصب بس سألها : من وين جبتيه؟؟
قالت ببساطه: اشتريته لأني أحتاجـه ...
تحلف هالبنـت أن بعد

شهور من هالصعوبات وصلت لدرجـه ان أخوانها هم يشحنون لها شريحة الكونكت .. وبعدها حطوا DSL بالبيت عشانها ..
وأذا خرب جهازها يصلحونه على حسابهم ..

> شوفوا كيف تمسكت بقراراتها ولا تنازلـت عن أي حق من حقوقهـا لأن معروف أن اللي يتنازل مره راح يتنازل لأكثر من مره ...

** نمـي ثقافتـك وأكسبيها من كل المجالات ..
أقرأي .. أقرأي .. أقرأي ..........

أقوى مؤشر بـأهميّة القراءة.. هو الأمر الإلهي للنبيّ محمد صلى الله علية وسلم بكلمة "اقــرأ" ..
في بداية أوّل آية سماوية نزلت عليه ..
وفيـه دراسات وضحت أن حوالي 70% من المعلومات التي يتعلّمها الإنسان، ترجـع له عن طريق القراءة ..
أما الباقي فـ يتعلّمه بالبحث والسؤال والتأمّل .. والاستماع .. والربط .. والاستنتاج .. والتجربة.. وغيرهـ من المواقف الحياتية المختلفة ..
واللـه يابنــات مايموت العقـل ويسبب لنا ضعـف في تصرفاتنـا غير قلة القراءه ..
الفتـره الأخيـره أغلب أستخدامتنـا للكمبيوتر والنـت .. فـ كثير يكتفون فيها
بزيادة ثقافتهم عن قراءة الكتب أو الصحف اليوميه اللي صارت قليل ماتقرأ يعني مو مثل قبل وللأســف ..
البعض يستخدمها صح وبشكل واسع وذكـي .. والبعض يستخدمها خطأ وبشكل محدوووود "شات وفيس بوك ...." بس..

القراءه لها فائـده بأنها تطرد الوسواس والهم والحـزن ..
لما تنشغليـن بقراءة كتاب أو أي موضوع معنـاها أنتي مشغوله عن التفكير بأي شي ثاني ...
وكمان حلوه بأنها تعطيك طلاقه باللسان
وتتدربين عن الكلام الواضح المتوازن ..

الترم اللي راح في الكليـه كان عندنـا بحث نقدمـه شرح قدام الدكتوره .. فـ كل بنت اشتغلت على بحثها وطلع من أحسن ما يكون ,,
بس وقفوا قدام مشكلـه كبيره بالنسبه لهم وهي / الجرأه بالوقوف قبال الطالبات + المهاره في القراءه بصوت واضح ومسموع ..
وربي ما أبالغ أن 50%
من البنات اخفقـوا بهالشغلـه لدرجه أن الدكتوره خسفتهم بالدرجـات ولا همها عروض البروجكتر
اللي تكلفوا عليها ولا أوراق البحث المطرزه والمزينه بأفضل الأشكال ..
تصوروا يعني توقف طالبه وتقرأ بهالطريقه :[ أأأأأ .. ان العلاج ... أأأأأ... بالتحليل ..أأأأ.... النفسي ...أأأأ... يهدف ...أأأأأ... إلى ...أأأأأ.... مساعدة ..............]
صدقونـي ما أبالغ .. البنات ماتطلع علومهم ألا بهالمواقف اللي تحتاج تساعد نفسها بأي طريقه لكن تعجـز.!!
مو لضعف موقفها .. لأ ... لأنها تفتقـر لكثير من الأساسيـات والمهارات ... أقلها القراءه ..
حتى أذكـر الدكتوره صارت تصرخ على الطالبات بأعلى صوتها تقول/ أقرأووووووووو أقرأووووووووووو وصلتم للعشرين سنه وأكثر ولا تعرفون تقرأون عدل؟؟؟؟

أنـا أستغرب من اللي تقول (ما أحب القراءه .. ما اطيقها .. أتملل منها .. وش الفايده خلصنـا دراسه وأنتهينـا ) ..
وتكبر على هالكره والنتيجـه !! أن قناعاتها وأفكارها في أغلب الأشياء غلط .. وتصرفاتها ببعض المواقف أكبر غلط ..
ومصره ان القراءه مارح تضيف لها شي بحياتها ..
ما جاء ببالكم فوائدهـا بأنها تنمـي عقـلك وتصفي ذهـنك وتعطيك فائده من تجارب الناس يعني تصير ثقافتك واسعـه بأشياء خارج نطاق أسرتك ومجتمعـك .. ...
حلو أن لما تتناقشين مع احد في موضوع تقولين / قرأت في الكتاب الفلاني أو قراءت في الصحيفه الفلانيه .........
حتى مستقبلآ أذا تزوجتي راح
يكون شريك حياتك فخور فيك بأن زوجته تملك ثقافه عاليـه وعندهـا أسلوب بالكلام
والأقناع ......ألخ ..
يعني الفائده لك أنتي أولآ ومن ثم لزوجـك وعائلتك مستقبلآ ....


هذا كتاب تأملات أسمه (فجر طاقاتك الكامنه في الأوقات الصعبـه) .. للمؤلف / ديفيد فيسكوت ..
حمليه بجوالك وأقرأيه في وقت الفراغ وتأملي كل جمله فيه .. صديقني بيغير فيك أشياء كثيره زي ماغير فيني


كود:


كتاب_فجـر_طاقاتـــــك.txt - 242 Kb

~* خليـك وصـيـة على نفسك ووجـهـي حياتـك الوجـهـه الصحيحة السليمـه اللي تسعدك وتريحك ... ~*

السلام عليكم ورحمة الله تعالى وبركاته


كلمات عديدة موزونة وتشحذ الهمم للرقي بالنفس للأفضل تشكري عليها عزيزتي

والخطوات المذكورة أعجبتني جداً من الصدقة إلى القراءة .. وما شاء الله عليك أجدت التعبير

لي إضافة بسيطة ان الإنسان لا يسمح للكبوات إن تقعده عن مسيرة التنمية والتطوير لوضعه وذاته .. لا تحمل نفسك فوق طاقتها فأنت إنسان أولاً وأخيراً ليس معنى كلامي أن لا نبدأ .. لا لا إطلاقاً ولكن الرفق بالذات لأن بأحيان كثيرة يكون عندنا الدوافع المثالية والرغبة الصادقة بأن نغير نقطة معينة بشخصنا أو بالظروف المحيطة بنا ومع هذا يمكن أن نفشل وبهذه اللحظة المحورية يجب الثبات والتمسك بإرادتنا وان لا نسمح لخطأنا وفشلنا الأول بإحباطنا .. تمسكوا بالأمل بالله عز وجل واختاروا الخطوات البسيطة تمهيداً للوصول للعملاقة



لي رجاء عندك أختي الكريمة وهو أن يتسع صدرك للملاحظات التالية :

الأولى الانتباه لكتابة "إن شاء الله" وليس كما درجت العادة "إنشاء الله" والأهمية والمغزى من وراء الجملتين يطول شرحهما هنا


الثانية اللون المستخدم لبعض الجمل صعب جداً على العين


الثالثة أن تتكرمي بوضع رابط بالشريط لدى كل إضافة للموضوع منك


والختام تقبلي مروري وربنا يجعل كل كلمة بميزان حسناتك إن شاء الله

سوسو

موضوع قيم و حلووو
يعطيش الف عافية
و تم تحميل الكتاب

















بااااااااااااااااااايو