كاتب الموضوع :
الراكدة
المنتدى :
الارشيف
انبهروا الناس من تصميم القاعه ،،،،،
أريج ،،،( شكلهم تعبانين على العرس ،،، )
بسمه ،،،( والله انك صادقه ،،، الله يخلف على نجلا ،،، )
أريج ،،،( بسومه العروس حلوه ،،،)
بسمه تناظرها بنص عين ،،،( من جد تتكلمين ،،،)
أريج ،،،( والله جد ،،،)
بسمه تأشر على هنوف ،،،،( ناظري هذيك اللي لابسه اللؤلؤي ،،،)
أريج ،،،( يا زينها ،،، من هاذي ،،،)
بسمه تضحك على نظرت الاعجاب ،،،( هههههههه ،،، هاذي اختها هنوف ،،،)
أريج تلوي فمها ،،،( يا ويل قلبي ،،، عز الله نجلا غدت إذا اختها تشبها ،،،)
ضحكت أريج ،،،( والله أنا من يوم شفتها في ملكتها وأنا داريه إن نجلا ما لها أمل بطلال ،،،)
أريج تكمل ،،،( إمشي أمي تأشر لنا تبغانا نوقف معهم ،،،)
راحوا يوقفون معهم لاستقبال الضيوف ،،، وقفت أريج جنب هنوف ،،،،( السلام عليكم ،،،)
ابتسمت هنوف لها ،،،( وعليكم السلام ،،،)
أريج وهي مبتسمه ،،، ( أنا أريج بنت خالة المعرس ،،،)
هنوف ،،،( هلا والله ،،، وآنا هنوف بنت عمه ،،،)
أريج ،،،( أهلين تشرفنا ،،،)
أم سلطان تأشر على هنوف تجي تسلم على أهلها ،،،
( عن إذنج جدتي تأشر لي ،،،)
أريج بهدوء تناظرها ،،،( أذنك معك ،،،)
***************************************
فلة أبو فيصل راكان
عبير جالسه مع أمها ،،، ( يمه ،،، اليوم عرس طلال ،،، هقوتك أبوي بيروح ،،،)
أم فيصل تنهد ،،،( بيروح هو وفيصل ،،،)
عبير بضيقه ،،،( كيف يروحون وهو بيتزوج على بنتهم ،،، )
أم فيصل ،،،( الرياجيل ،،، ما عليهم من الحريم ،،، واختك هي اللي جابته لنفسها ،،،)
عبير ،،،( يمه ،، نجلا تحسفت ،،، حتى اليوم ما طلعت من غرفتها ،،،)
أمها متضايقه عشانها ،،،( يا بنتي ،،، يوم الولد شاريها باعته ،،، وطلال ما قصر فيها ،،،)
دخلت عليهم بعد ما سمعت الكلمه الاخيره ،،،( وش ما قصر فيه ،،، يمه أنا ما بعته إلا بسبب قوي ،،، ليه ما أنتوا براضين تصدقون ،،،)
أمها بعصبيه ،،،( وش انصدق ،،، هذا هو بيعرس ،،،)
نجلا تلوي فمها ،،،( يمكنه تعالج ،،، وإلا بيبلي بنت الناس فيه ،،،)
أم فيصل بقلة حيله ،،، ( الله يهديك ،،،)
عبير تنهي النقاش ،،،( وش علينا منه ،،، وش رايكم انتعشى في مطعم ،،،)
نجلا تخطط لشي كبير ،،،( لا أنا معزومه عند صديقتي ،،، )
عبير ،،،( من هي ،،،)
نجلا ،،،( عند أصيل ،،، وكل صديقاتي بيتجمعون عندها ،،،)
عبير ،،،( بروح معك ،،،)
نجلا تهرب منها ،،،،( لا ما انتيب رايحه ،،، أمي إلحالها ،،،)
أم فيصل ،،،( خليها تروح ،،، مهوب جايني إلا الخير ،،،)
نجلا ،،،( لا والله ما تروح وتخليك بروحك ،،، أدري إنك متضايقه عشاني ،،، )
عبير باستسلام ،،،( لا يمه ،،، نجلا صادقه ،،، ما يصير تجلسين إلحالك ،،،)
************************************************** ********
في قاعة الرجال ،،،
نواف كل شوي يعدل أخوه ،،، مره يرتب بشته ومره يعدل عقاله ،،، صار له مرايه ،،،
سلمان يمر على الضيوف ويرحب ويسلم ،،،
أقبل عليهم أبو فيصل ،،، وقفوا احتراما له ،،،
طلال أقبل على خاله وسلم عليه ،،،( مبروك ،،،)
طلال بهدوء ،،،( الله يبارك لك ،،،)
ومشى يسلم على أبو سلطان وأبو طلال ومتعب وباقي الضيوف ،،،
فيصل مبتسم لطلال ،،،( مبروك طلال ،،، منك المال ومنها العيال ،،،)
طلال بحب لصديقه ،،،( الله يبارك لك ،،، وعقبال ركون وطلول ،،،)
ضحك فيصل ،،،( ترا مهوب ماخذين إلا بناتك ،،،)
ضحك طلال ،،،( بنزوج السمي ،،، وإلا راكان دور له من بناتكم ،،،)
فيصل بابتسامه ،،،( راضين ،،، )
جاهم سلمان ومسك راكان الصغير ومسك خدوده وحبه ،( ولدك ذا مزيون ،، ما شا الله عليه )
فيصل ،،،( يشبهني ،،،)
سلمان رافع حواجبه ،،،( أقول مزيون تقول يشبهني ،،، لو يشبهك ما حبيته من شينه ،،،)
فيصل يضحك ،،،( من زينك أنت ،،، يا قلم رصاص )
سلمان يضحك ،،،،( أنا قلم رصاص ،،، يا قلم أبو أربع ألوان ،،،،)
ضحكوا عليهم نواف وطلال ،،،،
************************************************** *********
راحت المشغل ،،، وعملت تسريحه آخر موديل ومكياج على الموضه ،،،
لبست فستان أحمر ،،، ظهره طالع ،،، وفتحه فيه لآخر الساق ،،،
وصلت للقاعه متنكره معها صديقتها أصيل ،،، لابسين براقع ،،،
محد عرفهم وجلسوا بين الضيوف ،،،
أصيل ،،،( الحمدلله وصلنا قبل العروس ،،،)
نجلا ناظرتها بكبر ،،،( وش أنتي حارصة عليه ،،،حنا جايين نأدي مهمه ونطلع )
أصيل بستهزاء ،،،( بشوف اللي سرقت رجلك ،،،)
ناظرتها نجلا بعصبيه ،،،( قصري حسك ،،، الله ياخذ وجهك ،،، خبله إنتي ،،،)
أصيل ارتبكت ،،،( والله ما قصدت ،،،عسى محد سمعنا )
هيا تناظرهم من بعيد ،،، مسكت مضاوي وكلمتها بإذنها ،،،،
نجلا شافتهم وارتبكت ،،،( هيا شكلها عرفتنا ،،،)
ناظرتها أصيل ،،،( لا ما أعتقد ،،، شوفيها ترقص ،،، ما انتبهت ،،،)
نجلا بخوف ،، ما تبيهم يلاحظون لين تنهي خطتها ،،، ( يا رب ،،،)
*************************************************
تسكرت أبواب القاعه الفخمه ،،،
معلنه عن دخول أجمل عروس ،،،
ومع قرن الطبول أعلن فتح الابواب ،،،
وصوت فنان العرب محمد عبده ،،،( سيدة هذا الزمان ،،)
يا سيدة هذا الزمان
يا تاج ما بين الحسان
طلي علينا طلي
انتي ترى معنى الكمال
يا سيدة هذا الزمان
شمس وقمر كل الكواكب والنجوم
وسرب القطا والريم في الواحه تحوم
انتي يا أطياف السعاده والزهور
وانتي على الغالي فواده والسرور
ظهرت أما الجميع أجمل وأفتن وأرق عروس ،،،
كان فستانها له بريق خاص ملفت للنظر ،،، ابهرت الجميع بروعة تصميم فستانها اللي أبرز مفاتن جسمها وأظهر معالم جمالها ،،،
مشت حتى انتهت الاغنية و وصلت إلى منتصف القاعه،،، وعم الهدوء وتعالت الزغاريط وبدأت أصوات الموسيقى الهاديه بصوت طلال الشجي ملقيا قصيده إهداء لعروسه ،،،
اكتب اعذب قصايد جـاد فيهـا خيـال
و السعادة بقلبي فـوق مـا توصفـون
الف مبروك يا اغلى غصن ريحان مـال
يا بعد قلب طلال و النظر يا هند
كل ها الناس عندي لحال و انتي لحـال
جيتي بأعلى مكان و باقي النـاس دون
( توقفت القصيده ومشت على صوت موسيقى هادية ودفوف ،،وأصوات ( ألف الصلاة والسلام عليك يا رسول الله ،،، وفي منتصف المسافه وقفت ،،،وبدا صوت طلال يكمل قصيدته اللي أبهرت الجميع ،،،)
انتي اللي سكنتي خافق (ن) لك حـلال
وانتي اللي تحرك من غرامـك سكـون
وانتي اللي سقيتـي عـذب حبـك زلال
وارتوى من حنانك كل ذابـل غصـون
وانتي شمس لشتايه و لهجيري ظـلال
وانتي لأقسى همومي قلب دافي حنـون
وانتي اللي لحالك لـو طلبتـي محـال
قلت سمي حياتي منهي غيـرك تمـون
شلت حبك و قدرك فوق راسـي عقـال
وصنت عهد المحبة عن جميع الظنـون
( وقفت القصيده ومع صوت الموسيقى والدفوف والتبريكات ،،، كملت هند طريقها ،،، ثم وقفت وهي مقبله على المنصه ،،،(الكوشه ،،،)
انتي قصة طويلـة للحسـن و الجمـال
انتي لوحة تحيـر فيـك علـم الفنـون
كان بالناس كامل فانتي اصـل الكمـال
وكان للزين عالم انتـي للزيـن كـون
همت حب بجمالك يـا شبيـه الغـزال
(ولا ذبحني بزينك شي كثـر العيـون)
فوقها من الحواجب ليل مثـل الهـلال
غير شي (ن) سحرني بالهدب و الجفون
وخد ما شاب لونه كثر حـب الخـوال
والشعر من سواده ليل فـوق المتـون
وبسمتك لا ابتسمتي صوتت لـي تعـال
وضحكتك فتحت لي ورد حمر الوجـون
الدلـع و الأنوثـة و الحـلا و الـدلال
حركو كل غيـرة و ان بـدوا يقهـرون
اطلـب الله يسهـل مقبـلات اللـيـال
و يجعل البيت عامر بالغـلا و البنـون
( صعدت على المنصه ( الكوشه ) مع صوت الدفوف والتبريكات ،،،والزغاريط ،،،)
سلمت عليها أم سلطان ،،، ودمعتها في عينها ،،،( يا جعله مبارك ،،، )
ابتسمت هند ،،،( الله يبارك لك يمه ،،،)
أم طلال مبتسمه وفرحانه لكنها خايفه ،،،
أم عبدالاله ،،،( ما شاء الله ،،، عروسكم أزين من عروس عبدالاله ،،،)
أم طلال تذكر الله وتناظرها باعجاب ،،،( لا إله إلا الله ،،،)
وبدأت المطربه تغني أجمل التباريك للعروس وخوال العروس ،،،،
رقصت هيا ومضاوي ،،، وارقصوا أم سلطان وأم طلال وعماتها وبناتهم ،،،
رقصت هنوف وتهاني ،،،وبنات خوالهم ،،، وخالاتها ،،، وكان العرس راقي ومرتب ،،،
استانسوا الضيوف ،،،
وتفاعلوا مع أهل العرس ،،،
واتصلت هيا بطلال ،،،
********************************************
اعلنت المطربه عن وصول المعرس ،،،
وصل طلال معه أبوه وعمه متعب وسلمان وخوال هند ،،،،
هند وقف النفس عندها من الخوف ،،، صار وجها أحمر وعيونها تغرقت بالدموع أول ما شافت خوالها ،،، حست بالشوق لهم ،،، أول مره تحس إنها بعيده عنهم ،،، تمنت الزمن يرجع وترجع لحضنهم ،،، تمنت إنها ما سافرت ولا عرفت أهلها ،،، حست بالخوف والغربه ،،، حست بألم بقلبها ،،، غمضت عيونها ،،،
طلال أول ما دخل وعيونه قدام ما يناظر أحد غيرها ،،، هاذي ملاكي ،،، هند اللي كنت أتمناها وما عمري حبيت أحد كثرها ،،، إعرفت كيف تسرق قلبي وروحي وعيوني ،،، احساسي ألحين متجه صوبها ،،، مشاعري تتنفس هواها ،،، وقلبي ينبض بحبها ،،، الله يقدرني وأسعدك ،،،
نجلا حست بالموت يدخلها ،،، حست بالغيره اللي بتذبخها ،،، والله ما تهنا فيها ،،، بطين عيشتكم ،،، بكرها فيك وبكرهك فيها ،،، بعذبكم مثل ما عذبني عبدالإله بسببك يا طلال ،،،،،
أقبل طلال على هند ووقفت ،،، حب طلال جبهتها ،،، وبارك لها ،،، لكنها ما قدرت ترد عليه،،،
سلم عليها عمها ،،، ووراهم خالها عامر ومحمد ،،، سلمت على خالها عامر ،،، وناظرت خالها محمد اللي أول مره تنزل دمعته ،،، ابتسم لها وابتسمت ودموعها متعلقه في عيونها ،،،( مبروك يا أحلى غزال ،،،،)
ما قدرت ترد عليه ،،، حبته ومسكت دشداشته من قدام وحطت راسها على كتفه ،،، ضحك يبي يهديها ،،، ( هند ،،، وخري ،،، طلال حقد علي ،،،)
رفعت راسها عنه بإحراج ،،،
سعود ،،،( ما لنا نصيب انبارك للعروس ،،،)
تنهدت ،،،وأول مره تكلم ،،،( الله يبارك فيك ،،، )
ابتسم لها ناصر ،،،( مبروك ،،، شكلك ،،، اليوم ملاك ،،،)
ابتسم طلال ،،،( هي أصلا ملاك من زمان ،،،)
انحرجت وما التفتت عليه ،،،
تذكرت أبوها ،،، ( وين أبوي ،،، )
طلال يلتفت ،،، وضحك ،،،( ماسكينه ،،،ما يبونه يطلع ،،،)
طلعوا خوالها ،،،
ونزعوا خواته وعماته غطاهم ،،،
مسكت الجازي يد متعب ورقصت معه ،،، وأمسكت نوره يده الثانيه ،،،
مضاوي وهيا يرقصون مع أبوهم ،،،
أما أم طلال كانت واقفه تصفق فرحانه بجنب ولدها ،،،
هنوف كانت متغطيه ،،، من جت هند وهي مالها حس ،،،
ولا حتى سلمت على أبوها ،، تناظر اللي حولها كلهم فرحانين ،،، وفي نفسها ،،، ليه كلهم فرحانين إلا آنا ،،، أحس إني مختنقه ،،، وقلبي يعورني ،،، هند بتروح وتخليني ،،، بتعيش عمرها كله بعيده عني ،،، منو بضحك معاه ،،، منو بشكيله ،،، بتنشغل عني بزوجها وعيالها
( هنوف ،،،)
فزت من الخوف ،،( هاه ،،،)
تهاني ،،،( اسم الله عليج ،،، أبوج يناديج ،،،)
ابتسمت ،،، وراحت له ،،، سلمت عليه ،،،( مبروك يبه ،،،)
حس فيها ،،،( الله يبارك لك ،،، كلها كم سنه وتخلصين ،،، وتجين عندها ،،،)
هنوف سكتت ما تبي تضايق أبوها وهو فرحان ،،،لكن أبوها فاهمها ،،،
حبها مره ثانيه ،،، وطلع وخلاها بتفكيرها ،،،،
بعد ما طلع أبو طلال ومتعب ،،، التهوا البنات بالرقص والتصوير مع المعاريس ،،،،
نزلت عباتها وطرحتها ،،، رتبت شكلها عند المرايه ،،، وعدلت مكياجها ،،،
وراحت له على الكوشه ،،،
كان يكلم هند ويناظرها ،،، هند تناظر قدام ما تلتفت عليه ،،، انصدمت يوم أقبلت عليها ،،، شبه عاريه ،،، كان فستانها مفصل جسمها تفصيل ،،،
حبته ،،، ( مبروك ،،، )
انصدم ،،، والتفت على هيا بعصبيه ،،،،
هيا كانت شاكه فيها لكن مضاوي أنكرت هالشي ،،، مدت هيا يدها له ،، ( هد شوي ،،لا أحد يلاحظ ،،،)
لكنها ما عدتها لهم ،،، تبي الكل يلاحظ ،،، راحت للمطربه وطلبت أغنيه أحلام ورقصت ،،،
لا تصدقونه يوم لي قال ناسينـــــي
والله مايقدر ابد يوم ينسانـــــــــــي
انا اتحداه اذا يقدر يخلينــــــــــــــي
مسكين كل ما اصد انا عنه نادانــي
دوم اتغلا ومن كيفه يراضينــــــــي
ويموت لي قلتله حبيت انا ثانـــــــي
هو صار عندي مثل لعبه في يدينـي
من وين ما راح قلبه صار يلقانــــي
لا تصدقونه ...
ما يحبني بس ترى يموت اهو فيني
ياما حلم بي وياما اهو تمنانـــــــــي
والمشكله انه وراي يقول ناسينـــي
واني ترجيت واهوه اللي ترجانــــي
لا تصدقونه ...
انصدم طلال منها كيف تتجرأ ،،،
وانصدموا الحضور من جرأتها وصار كل الموجودين ،،، يتهامسون ،،، ويحللون الموقف ،،، وصارت الانظار تتحول مره على هند ومره طلال ومره على نجلا ،،، ما يبون يطوفون أي ردت فعل ،،،
هند نشفت دموعها وتبلد الاحساس عندها ،،، طلال مولع نار ،،، يناظر في خواته اللي ارتبكوا وما عرفوا يتصرفون ،، أمه جلست على كرسي وسكتت ،،، خالاته احقدوا عليها فشلتهم ،،، بنت أخوهم ،،،
خالات هند جلسوا على كراسيهم وجلسوا يناظرون في المهزله اللي قدامهم ،،،
هنوف مسكت عمتها ساره وبعصبيه ،،،( قسمن بالله ،،، إذا ما طلعت ألحين ،،، لأقلب العرس على روس اللي فيه ،،، ولخلي سيرتكم على كل إلسان ،،،)
ساره تهديها ،،( لا تفضحين عمرك ،،، كلن ناقد عليها ،،، هاذي إنسانه وقحه وما تستحي )
مشت هنوف وخلتها ،،، ووراها ساره ،،، أول ما وصلت للمطربه ،،، انتهت الاغنيه ،،، وطلعت نجلا ،،، بعد ما بردت حرتها بالرقص ،،،
كلمت هنوف المطربه ،،، وطلبت منها أغنية ،،،
المطربه ،،،( هاذي الاغنية مهداه من المعرس طلال لعروسه هند ،،،)
من يقول اني لغيرك .. انا لك ماني لغيرك
انا متعلق مصيري .. يا حبيبي في مصيرك
خلهم يحكون فيا .. مهما هم قالوا عليا
انت منهم وش عليك .. وانا منهم وش عليا
ودهم بس يتعبونك .. وعن عيوني يبعدونك
حاولوا ادري كثير .. بس صعبه يوصلونك
انت اكبر منهم .. وما اصدق حكيهم
زيديني حب وغرام .. يالله اضحك غيضهم
ضحكت ساره ورقصت عليها ،،،
وقفوا عماتها وخالاتها يبسمون ،،،، ابتسمت هند بحزن ،،، طلال ناظر هند وابتسم ،،، لكن هند ارجعت لهدوءها وحزنها ،،،،
نجلا ناظرتهم ،،، وضحكت باستهزاء وطلعت بعد ما طلبوا منها عماتها تطلع ،،،،
تفاعلوا جميع اللي في القاعة معهم ،،،
بعد ما اتنهت الاغنية ،،،
طلعوا ،،، على أغنية ( خذها أمانه ،،،) وكل الانظار متجهه لهم ،،،
طلعت هنوف وهيا معهم ،،، راحوا للجناح المخصص لهم في الفندق ،،،
هند ما زالت منصدمه ،،، يكلمها طلال ،،، ما ترد عليه ،،،
هيا كانت متحطمه من الداخل لكنها ما بينت لهم ،،،،
هنوف ما زالت معصبه ومنقهره منهم ليش ما حد تصرف فيهم ،،، ليش خلوها على راحتها وقحه وقذره ،،،
صادفهم نواف عند جناحهم لأن البطاقه معه ،،،
ابتسم لما عرف هنوف ،،،
سلم ما ردت عليه ،،،
كلم هيا ،،،( وش فيها شكلها معصبه ،،،)
هيا ودها تصيح ،،،( صارت مصيبه في الحفله ،،،)
نواف بصدمه ،،،( مصيبه ،،، )
هيا تهز راسها ،،،( حضرت نجلا العرس وسوت موقف بايخ ،،،)
نواف بكره ،،،( الله ياخذ عمرها ،،، هاذي ما وراها إلا الشر ،،،)
وقالت له هيا كل اللي صار ،،،
طلعت هنوف ،،، ( نواف ،،،)
نواف بابتسامه عذبه ،،،( سمي ،،،)
نزلت عيونها ،،،( ممكن تتصل على واحد من خوالي يجي ،،،)
نواف بتردد ،،،( ليش ،،،)
ناظرته بهدوء ،،،( أبيه يجي ياخذني ،،،)
هيا بطيبه ،،،( هنوف الحفله بتحلى ألحين ،،،)
هنوف من غير نفس ،،،( ما لي خلق ،،، )
نواف بهدوء ،،،( ليه تعنينهم أنا أوديك حتى أمي وضحه بتروح ترتاح ،،،)
هنوف من غير ما تناظرهم ،،،( بروح لخوالي ،،، ما ني رايحه بيت جدي ،،،)
نواف يناظر في هيا ،،،( هيا صوتي لأمي وضحه ،،،)
التفت على هنوف ،،( بنزلك عند خوالك ونروح ورانا ،،،)
راحت هيا تنادي جدتها ،،، وقفت هنوف ،،،تنتظرهم ،،،
نواف بهدوء ،،،( هنوف ،،،)
هنوف ناظرته بدون ما ترد عليه ،،،،
( وش اللي مضايقك ،،،)
أشرت براسها بالنفي ،،،( ولا شي ،،،)
نواف يناظر في عيونها ،،،( بس عيونك فاضحتك ،،،)
حست بالضعف ،،،وناظرته والدمعه بعينها ،،، ( يا ليتني رجال ،،، )
نزلت طرحتها على عيونها وجلست على أقرب كرسي ،،، ضمت يديها مع بعض وسندت راسها عليها ،،، كأنها تنتظر أحد يواسيها ويرحم حالها ،،، وطلعت كل اللي في نفسها ،،، بكت بدون صوت مجرد شهقات تطلع من أعماق قلبها خذت النفس معها ،،، تحطم منها وخلاها على راحتها ،،، وطلعت ذا الابيات منه تلقائي ،،،
دخيلك يامنى قلبي حرام أن دمعـك تهلـه
حرام الدمع في خدك وخدك صار منديلـه
قهر لا شفت أنا دمعك يهل ومقـدر أشلـه
لو أن الموت ياخذني بس أني أقدر أزيلـه
ترا لامن نزل دمعك أحس الروح مختلـه
ترا دمعك علي غالي دخيلك مامعي حيلـه
تحسب أني أنا مبكي تراني أخفـي العلـه
أنا أبكي وسط قلبي وعيني مابكـت ليلـه
دموع القلب أجمعها وأشيل الدمـع وأزلـه
أكرر دمعي بقلبي أخاف النـاس توحيلـه
ترا بكي القلوب أصعب عسى مايوم توصله
يشيب الراس بأسبابه كثيـر الهـم يبغيلـه
أحبك وأعشقك وحدك عليك الروح مفتلـه
وحبك ساكنن قلبي وأنا ما أرضى بتبديلـه
لو ان الوقت في قلبي يحد السيف ويسلـه
ترا حبك معي ثابت مكانه صعب تعديلـه
يفوح القلب في بعدك كما فوح أصفر الدله
يسج بعالمن ثاني ولا أدري ويش أسويلـه
ولا غير الصبر عندي وهمي بآكلـه كلـه
أبصبر وأكتم الونه ودمع القلب في سيلـه
أمانه كفكف دموعك وجفنك مبتسـم خلـه
عسانا نجتمع يالله عسى ياصاحبي الليلـه ( منقول )
هنوف سكتت وما عاد ارفعت راسها ،،، نواف بهدوء راح ،،،( انتظركم في السياره ،،،)
************************************************** ******************
نزل بشته ،،، وحطه على كرسي طاولة الطعام ،،،،وفتح ازراره ،،،
جلس جنبها على الكنب ومسك يدها وحطها بين يدينه ،،، جلس يتأملها ،،، ارتبكت وولع وجها ،،، حست برعشه من نظرته ،،، سحبت يدها ومسكت مسكتها بقوه ،،، ناظر في الورد اللي ماسكته ،،، ابتسم ،،،وبصوت هادي ( تراني أغير حتى من الورد اللي ماسكته ،،،)
ما ردت ،،، خذا نفس ،،،( هند ،،، أنا عارف إنك زعلانه ،،، لكن أنا وش ذنبي ،،،)
تنهد ووسحب يدها من المسكه وحضنها بين يدينه ،،،( هند ،،، أنا راضي ،،، هاوشيني ،،، اشتميني ،،، طلعي كل اللي في صدرك فيني ،،، لكن لا تسفهيني ،،،ولا تحرميني من صوتك)
وكمل ،،،( صار لي شهور أنتظر ذا اليوم ،،، واليوم أنا أسعد إنسان بذا الدنيا ،،، ما تخيلين فرحتي ،،، لو بوصفها لك يعجز إلساني عن الكلام ،،، أرجوك هند ابتسمي علشان خاطري )
هند تغرقت عيونها بالدموع ،،، حست بحبه ،،، لكن حاز بخاطرها تصرف نجلا وقدام كل الناس ،،، اجرحتها ،،، وخلتها ضعيفه في عيون الناس ،،، خلت كل الناس يعطفون عليها وهي ما تحب تكون في مركز الضعف ،،، دايما تحاول إنها تكون قويه لكن بالأخير تضعف ،،،
تنهدت ،،، مد لها المويه ،،، خذتها ،،، واشربت منها شوي ،،، ومن السحا انها تشرب قدامه صارت المويه كنها عظم في حلقها ،،، ويالله انزلت ،،،
هدت شوي ،،، طلال بحنيه ،،،( هند ارتحتي ،،،)
هزت راسها بالموافقه ،،، أول مره تستجيب له ،،،
ابتسم ولف وجها عليه ،،، ( العشا على وصول ،،، قومي غسلي وغيري لبسك ،،،)
غمضت عيونها بالموافقه ،،،
************************************************** *************************
خذا نواف جدته وخدامتها وهنوف معه ،،،
أم سلطان ،،،( هنوف ليه ما جلستي مع البنات ،،،)
هنوف وصوتها متغير من الصياح ،،،( يمه تعبانه شوي ،،، بعدين بقعد مع خوالي بيروحون باجر ،،،)
أم سلطان ،،،( وين بتروحين لهم ،،، كلهم في العرس ،،،)
هنوف تنهد ،،،( لا يمه خالي محمد في الشقه ،،، )
بهدوء التفتت هنوف على الطريق تناظره ،،، الوقت متأخر والجو هادي ،،، وراحت بفكرها بعيد ،،، ما حست باللي يناظرها من مرايه السيارة ،،،
التفت على جدته ،،،وابتسم ،،،وبصوت عالي يبغا هنوف تنتبه له،،،( يمه وضحه ،،،)
أم سلطان بروعه ،،،( وش فيك ،، أسمعك ،،،)
ضحك على جدته ولأنها انتبهت له ،،،( لااا ما فيني شي ،،، بس بهديك ذا الاغنيه ،،،)
وناظر المرايه وابتسم ،،، هنوف فهمته ،،، ورجعت تناظر للطريق ،،،
شغل أغنية نوال الكويتيه ،،،( قول أحبك )
قول احبك يبتسم عالم خيالي
واحلم إني مالك الدنيا لحالي
اشتري كل النجوم من السما وما اخلي ورده تشعر بالظمأ
وأقرا للريح القصايد والبس الحكي القلايد
وأتعطر من وجودك وانتظر حالي ردودك قول احبك
قولها خل المسافة تقترب أكثر وأكثر
قولها ماهي حسافه يمكن الأحلام تكبر
ونتلاقى حتى لو صعب الكلام يكفي ادري عن شعورك والغرام
اهدني طوق النجاة خلني أحيا الحياة
قولها مره حبيبي رجع لقلبي صباه
ليه خايف هذا أنا و إحساسي قدامك وشايف
مدري كيف أبدى حبيبي مرتبك مثلك خايف
يا رجا الملهوف تكفى لم باقي الشوق يدفى
واحضن الشوق بوجودك وخلني داخل حدودك
دام هذا الشوق فينا والهوى يركض يبينا
ناظرها يبي منها أي استجابه ،،، لكنها بعالم آخر ،،، ( هنوف ،،،)
التفتت وناظرته ،،( هلا ،،،)
نواف لازال يناظرها ،،،وبصوت هادي ( ما أنتي بنازله ،،،)
انتبهت للمكان ،،،( ليش وصلنا ،،،آسفه ما انتبهت ،،،)
نزلت بهدوء ،،،
أم سلطان ،،،( انزل معها ،،، لين تدخل الشقه ،،، ما تشوف الرياجيل واقفين ،،،)
نزل نواف وراها ،،، لقاها واقفه تنتظر المصعد ،،،
استغربت ،،،( اشفيك ،،خليت أمي وضحه ،،)
نواف ،،،( بوصلك ،،وأتأكد إنهم موجودين ،،،)
ابتسمت ،،،( موجودين ،، سيارة خالي محمد برا ،،،)
نواف ،،،( صحيح ،،، لكنه ما جا فيها للعرس ،،، جا مع أبوي متعب ،،،)
وصلها نواف وتطمن انهم موجودين ،،، وطلع يوصل جدته ،،،
************************************************** **************************
تأخرت هند وهي تغير ملابسها ،،،
كان فستانها صعب ،،، طولت وهي تحاول تنزعه ،،، وبالموت عرفت له ،،، غسلت وتوضت والبست قميص حرير أبيض مطرز بدانتيل وعليه روب شيفون مع دانتيل نفس اللون ،،، كان فخم وراقي بنفس الوقت ،،، صلت ،،،ووقفت محتاره ،،، وترددت إنها تطلع ،،، تبغا تفتح الباب ما قدرت ،،، منحرجه تطلع عليه بهاللبس ،،، مع إنه ساتر ،،، لكنه يعتبر قميص نوم
دعت ربها وبيد ترجف فتحت الباب ،،،،
كان جالس ينتظرها ،،، طولت عليه ،،، يبغا يقوم يشوف وش فيها ،،، انفتح الباب ،،، وجلس ،،، طلعت عليه كأنها ملاك ،،، وبدون شعور قام وراح لها ،،، مسك يدها ومشت معه بدون احساس ،،، طلع كرسي طاولة الطعام وجلست ،،، وجلس مقابلها ،،،
( برد الاكل ،،،،)
ابتسمت بهدوء وهي منزله راسها،،،
ما صدق وهو يشوف ابتسامتها ،،،( دام التأخير ساعه وراه ابتسامه ،،، ياليتك متأخره ساعتين يمكن تكلمين ،،،)
اختفت ابتسامتها ،،، تذكرت اللي صار اليوم ،،، فهمها ( اتمنى أسمع صوتك اليوم ،،،)
ناظرته ،،،وبصوت هادي،،،( خلني ساكته اليوم أحسن لأني إذا تكلمت ما راح يعجبك كلامي)
فهمها ،،،( يا ليت تكلمين اليوم بالذات ،،، علشان انتفاهم ،،،)
نزلت راسها ،، ( مصر انتكلم ،،،)
طلال خذا نفس ،،،( يا ليت ،،،)
هند تحاول تمثل القوه ،،،( اشرايك باللي صار اليوم ،،،)
طلال يناظرها ،،،( هند قلت لك مالي ذنب باللي صار ،،، هاذي انسانه مريضه ،،، فيها داء لا يمكن علاجه ،،،)
هند بقهر ،،،( ليش متمسك فيها دامها مريضه ،،،)
طلال بهدوء ،،،( كله منك ،،،)
هند مستغربه ،،،( مني آنا ،،)
طلال ،،،( كنت بطلقها بمجرد شرطك بالزواج مني ،،، لكنك ما شرطتي طلاقها ،،، كنت أبغى عذر عشان أطلقها ،،، وما لقيت ،،، أمي متمسكه فيها ،، وخالي متمسك فيني ،،، )
سكتت هند ،،، وطلال يبي ينهي الموضوع ( تعشي ،،،)
هند تحرك الاكل بالشوكه ،،( شبعت ،،،)
طلال ،،،( وش كليتي ،،، صحنك مثل ما هو ،،،) هدوء ،،،
(هند انسي نجلا ،،، الليله ليلتنا ،،، لاتخلينها تعكر أولها وآخرها ،،،) منزله راسها ،،،
حاول إنه يتعشي ما قدر ،،، نزل الشوكه وجلس يناظرها ،،،
قام بهدوء ووقف جنبها ،،، مد يده لها ،،، مدت يدها له وحست برجفه سريعه بجسمها ،،،
************************************************** **************************
ثاني يوم طلال وهند سافروا للنمسا شهر عسل ،،،
وخوالهم ارجعوا للكويت لانهم بيسافرون يصيفون بلبنان ،،،،
وهنوف طلب منها أبوها إنها تجلس عنده في الرياض ،،،،
كانت جالسه تفطر مع جدتها ،،، ( يمه وضحه ،،، ليش ما نسافر ،،،)
أم سلطان ،،،( وين تبغينا نسافر ،،،)
هنوف بتفكير ،،،( أي مكان ،،، وين بالعاده تسافرون ،،،)
أم سلطان تذكر ،،،( رحنا لسوريا والاردن ،،، وذيك السنه رحنا لمسقط ،،، )
هنوف تلوي فمها ،،،( بس ،،،)
أم سلطان ،،،( أنتي قولي وش اللي في خاطرك ،،،)
هنوف بهدوء ،،،( لبنان ،،، )
أم سلطان عارفه قصدها ،،،( إذا ارفضوا يروحون لبنان روحي لخوالك هناك ،،،)
هنوف بتردد ،،،( إذا ما راح أبوي ماني رايحه ،،،،)
بحب لهنوف ،،،( يا أمي أبوك مهوب ورع ،،، روحي وصيفي واستانسي ،،،)
هنوف رافضه تروح وتخلي أبوها ،،،( لا يمه ،،، ما راح استانس وأبوي مو معاي ،،،)
أم سلطان ،،،( الله يخليكم لبعض ،،،)
صوت باب ينطق ،،،( روحي افتحي الباب ،،،)
هنوف من ورا الباب ،،،( منو ،،،،)
ابتسم ،،،( نواف ،،،)
ارتبكت ،،، واسكتت ،،،
( هنوف ،،، افتحي ،، مانب ماكلك ،،، )
ضحكت ،،،( أكيد ،،،)
ابتسم نواف ،،،( لاااااا مهوب اكيد ،،،)
تغطت وافتحت الباب ،،،
( حي الله هنوف ،،، )
انحرجت ،،،( الله يحييك ،،، تفضل أمي وضحه داخل ،،، )
بابتسامه ،،،( من قال لك إني أبغاها ،،، أنا أبغى شين ثاني ،،،)
وقفت وناظرته بصدمه ،،،( اشتبي ،،،)
ضحك ،،،( وش فيك ،،، بخطفك ،،،)
بهدوء مشت عنه ،،،( عادي تسويها ،،، إنت راعي سوابق ،،،)
ضحك بصوت عالي ،،،
دخلت منقهره من طريقة ضحكته وكلامه ،،،
( من اللي جا ،،،)
هنوف تلوي فمها ،،،( ولد ولدج ،،،) ما تبي تقول اسمه
دخل وهو يضحك ،،،( أنا يمه ،،، صبحك بالخير ،،،) وحب راسها ،،،
أم سلطان ترحب ،،،( يا مرحبا ،،، )
جلس جنبها على الأرض ،،،( كيفك يمه ،،، عساك بخير ،،،)
أم سلطان ،،،( طيبه وما علي إلا العافيه ،،،)
هنوف تبغا تطلع ،،،( يمه بطلع أجهز شغلى قبل لا تجي مضاوي ،،،)
أم سلطان ،،( روحي ،،،)
نواف مستغرب ،،،( يمه وين بيروحون ،،،)
أم سلطان تأشر بيدها ،،،( بيروحون قريب ،،، هنا ،،، صوب السوق ،، )
نواف بخبث ،،،( مين اللي بيوديهم ،،، )
أم سلطان ،،،( السواق ،،،)
نواف يناظر هنوف ،،،( ما فيه روحه مع السواق إلحالكم ،،،)
هنوف تكتف يدينها ،،،( لا والله ،،،)
نواف ياخذ زيتون وياكل ،،،( والله ،،،)
هنوف وهي صاعده الدرج ،،،( أبوي راضي ،،،)
نواف بتحدي ،،،( راضي وإلا مهوب راضي ،،، اللي بتروح مع السواق منكم بحش رجلينها )
أم سلطان تهديه ،،،( يا ولدي بيروحون في النهار ،،، أمان ،،،وما به إلا الخير ،،،)
هنوف بصوت واطي اسمعه نواف ،،،( مريض ،،،)
نواف بحزم وهو قايم ،،،( يمه أنا قلت كلمتي ،،، وفيها خير اللي تطلع مع السواق ،)
هنوف توقفه بقهر ،،،( لحظه ،،، يعني من بيودينا ،،،أبوي ،،،)
نواف يوقف ويلتفت عليها ويغمز بعينه ،،،( ما قلت أبوي متعب ،،، يا أنا يا عبد العزيز مع السواق ،،،)
هنوف عطته ظهرها بعصبيه ،،،( عبدالعزيز ،،،)
ابتسم وفرح انها ما عاندته أكثر ،،، وهنا عرف إنها مطيعه ومأدبه ،،، لكن يبغالها تأديب ،،
************************************************** **************************
في النمسا،،،
وصلوا متأخرين وكملوا سهرتهم للفجر ،،،
افتحت عيونها ،،،بعد ما حست ان المكان ضاق عليها ،،، وما قدرت تحرك ،،،
استغربت المكان ،،، ناظرت طلال كان مستغرق في النوم ومضايقها بمكانها ،،، والمكان وراه وسيع ،،،ارفعت يده عنها ،،، وجلست ،،، عدلت شعرها ،،، ونزلت من السرير ،،، خذت روبها والبسته ،،، واخذت لها شور سريع قبل يصحى طلال ،،،
نشفت شعرها وعطرت جسمها ،،، والبست بنطلون جنز لوويست وتوب أحمر ،،، كحلت عيونها من الداخل وحطت روج أحمر ،،، ضحكت على نفسها ،،، يالله صباح خير مكياج مع هالصبح ،،، حتى ما كليت شي ،،، كنت اضحك على اللي يقعدون من النوم يحطون مكياج صرت مثلهم ،،،
شافت الساعه ،،، وانصدمت ،،،، الساعة 8 الصبح ،،، ما أمداني أشبع نوم ،،، يووووه شمقعدني ،،، يا ليتني كملت نوم ،،، بس شلون أكمل نوم وهذا لازق ،،، أفففففففففففففففففف متى أتعود عليه ،،،،؟
ملت من الجلسه والروحه والرجعه ،،، فتحت البلكونه ،،، ووقفت تناظر المنظر ،، كان وصفه خيال ،،، الطبيعه خلابه الارض خضرا والجو بارد و مغيم ،،، سرحت بأفكارها وراحت في عالم آخر،،،،،
صحى لكنه ما زال مغمض عيونه ،،، تعسس جنبه ،،، ما حصلها ،،، فتح عين ،،، ما شافها
جلس ،،،وحط يدينه على راسه ،،، شاف الساعه 12 الظهر ،،، نزل من السرير كان لابس شورت ،،، خذا دوش وطلع ،،،
فتح باب الغرفه ،،، شافها واقفه عند البلكونه وما حست فيه ،،، مشى شوي شوي ،،،
ووقف وراها ،،، انتظر شوي يتأملها ،،، وبدون تفكير حضنها ،،، ( صباح الخير ،،) انحرجت ووخرت يدينه وبعدت عنه ،،، ابتسمت ،،،( صباح النور ،،،)
رفع حاجب وجلس على الكنب،،،،( متى صحيتي ،،،)
هند ،،،( الساعه 8 ،،،)
استغرب ،،،( ليه صاحيه بدري ،،،)
هند بحيا ،،،( شبعت نوم ،،،)
طلال يغمز لها ،،،( شبعتي نوووم ،،، ما أعتقد ،،،)
هند ولع وجها ،،، وانحرجت ،،،
ضحك ،،، ( أفطرتي ،،،)
يالله طلع صوتها ،،،( لا ،،)
طلال قام ،،،( أمشي نلبس وننزل نفطر ،،، وإلا وشرايك نفطر هنا ،،،)
هند بهدوء ،،،( على راحتك ،،،)
ضحك ،،،( إذا على راحتي ،،، ما أنتي طالعه من هنا إلا على الرياض ،،،)
خلاص ما عاد تقدر تحمل ،،، انقلب وجها ودمعت عيونها من الإحراج ،،،
************************************************
سامحوني على التأخير
واتمنى ان البارت يعجبكم
انتظر ردودكم
الراكده
|
02-05-10, 07:07 PM
المشاركة رقم: 81
العرض العادي
