المنتدى :
الشعر والشعراء
. . | ( فنجـان فـرقآإك ) | . . / أحمد المجاحمه !
ياماخذ ( القلب ) قلبـي ويـن . . وديتـه
نطرت قلبي يجي منك ولا جانـي !
رحت اتحراه يرجع والحشـا . . بيتـه
والظاهر بقربك / ارتـاح وتناسانـي
وشلـك بقلـبٍ تضمـه . . ماتمنيتـه
عادي تضمه ! وعادي تضملك ثاني
ماهي غريبه ليـا جالـك . . وضميتـه
وسيع ذمه عسـى ربـي /لايبلانـي
ماخفـت ربـك وقلبـي . . ماتبنيتـه
غيرت قلبي علي ورحـت تجفانـي
ابيك تذكر وشلـي معـك . . سويتـه !
راجع ظميرك ورتب جمله / أحزانـي
حتى الشعر فيك ضحكتـه . . وبكيتـه
يضحك على شانك / ويبكي على شاني
في داخلـي لـك كـلامٍ . . ماتهقويتـه
كلام لاجيت أقولـه يثقـل لسانـي !
كلام فالصـدر مـن سبتـك . . كنيتـه
عجزت اقوله ماكن لساني / حصانـي
حبل الوصل من يدينك ليـه . . هديتـه
حاولت أشيله ولاكن طاح ، مَ أمداني
وقفـت حتـى مكانـي . . ماتعديـتـه
كن الصبر مرنـي عجـل وتعدانـي !
فنجال فرقاك مـن صـدك . . تقهويتـه
والحزن غيم على الصدر و ( تقهواني )
على كثر مانزف جرحـي . . وداويتـه
على كثر ماندمت وقلت وش جانـي !
الله يسامحـك قلبـي ويـن . . وديتـه
والله يسامحه قلبـي ويـن ودانـي
لـ/ أحمد المجاحمه
.. راق لي فنقلته لكم ..
|
30-12-09, 02:24 PM
جديد مواضيع قسم الشعر والشعراء
العرض العادي
