آه يا زماني الكاتب Emaraaaty

________________________________________
هنيه اتقوم روضه اتسلم على عمتها عفرا احتراما لها رغم انها ما كانت اتحبها.. العيوز مستغربه من تصرف روضه.. ما عرفت شنو اتقولها.. الظاهر انها كانت ظالمتها وظلمه امها معاها.. بدت العيوز تعيد شريط الامس.. كلام خاطره ياللي صحى ضميرها .. ياللي اوقض في داخلها احساس مات من سنين.. اليوم لاول مره تحس بطعم غريب في حياته .. هل هيه السعاده ياللي ماتت في هالبيت .. او هيه اشياء بدت تغير مجرى حياتهم !!!...
سالم يقاطع تفكير يدته بكلامه لروضه: روضه .. بعد الفطور .. قومي و اترتبي .. بنوديكم المستشفى انتي و خاطره .. بنسير انا و يدتي و امي للمطوع .. ما بنطول شغله ساعه بالكثير و رادين ..
روضه : ... تمام .. بس لا اطول .. انا بعد ابا ارد اساعه 11 الضحى مشان اسويلكم غدى !!!
سالم بوجهه المزوحي : هاهاها.. وتعرفين تطبخين بعد!!؟؟.. سبحان الله.. اشوف قطاوه الفريج ماتوا الظاهر من اكلج ياللي ينقط في الزباله .. هاهاهاهاهاها
روضه و هيه تصحك... : لا يا فالح .. انا اطبخ احسن عن مطعم خروفك الذهبي .. شوف بطنك مدوده من كثر ما تاكل منه برا .. ياللي خل عنك الكلام الزايد .. انته بذوق اكلي و بتحكم ...
سالم و هو يضحك .. لا تسلمين .. ما اريد اتسمم.. هاهاها..
اتقوم روضه وتسير لغرفه خاطره .. اول ما دشت شافت خاطره توها بتبطل كتاب ناصر الفضي ... بس قاطعها دخول روضه للغرفه .. صكت الكتاب.. وحاولت تبتسم .. بس الحزن مصيطر على اعصابها ... حاولت روضه انها تعين اختها او تفهم اي شي .. بس ما قدرت ..
بعد حوالي ساعه .. يطلع الكل من البيت للمستشفى ..... ينزلون خاطره و روضه و عندهم دلال القهوه الشاي .... ويطلع سالم بالسياره هوه ويدته امه عفرا.. ساروا في الطريق ياللي كانت عفرا تدلهم الياه .. لين وصلوا لحاره قديمه تكثر فيها النخيل الطوال .. الطرق فيها قديمه وايد ..
سالم يقول : .. اعوذ بالله من هالمكان .. حشى مقبره هذا مو حاره .. ما كنها من الدوله ...
عفرا : شوف حياه اهلك قبل .. عايشين في البر .. ما شي غير الخيام .. بس انتوا عيال دلع .. متشرغين في حياتكم ..
العيوز ..: خلونا انخلص .. ابا اشوف المطوع و اسأله عن وليدي ...
وصلت سياره سالم للبيت المطلوب .. كان طرازه شبه تراثي .. وانخل كثيفه وكثيره في هذاك البيت .. و اول ما يوقف سالم بالسياره .. تنزل عفرا من السياره مستعيله لداخل البيت .. سالم و يدته استغربوا ..بس ما دروا شنو ياللي كان في بال عفرا .. يا ترى على شوا كنت مستعيله عفرا .. و شنوا ياللي استوا لناصر و هله في المستشفى ..
سالم ويدته استغربوا تصرف عفرا ياللي من صباح الله خير وهيه متغيره ..شارد ذهنها بالمره بس توقعوها انها خايفه على ابو ناصر مشان جيه هيه مستعيله.. يقوم سالم وساعد يدته انها تنزل من السياره.. دخلوا البيت وشافوا المطوع عند عفرا وهيه اتكلمه و مرتبكه .. استغبروا تصرفها .. بس ما حطوا في خاطرهم هذي الاشياء البسيطه ..
في المستشفى يوم نزلوا خاطره و روضه..دخلوا اللفت وعندهم الريوق الاقهاوي.. اول ما دخلوا اللفت ..يدخل شاب معاهم اللفت .. كان الشباب وسيم بشكل .. بس كان ما يناظرهم بالمره.. خاطره وروضه تعشموا فيه خير لانه كان يناظر الارض بعيونه لا يطلع فيهم.. ما حطوا في بالهم شي بس الشاب كان جذاب وكان شخصيه .. اول ما جوي يطلعون من اللفت طاحت دله القهوه من روضه لانها كانت متعبه شوي من السهر .. ابو الشباب قام وشل الدله اعطاها روضه.. روضه مندهشه رغم انه ما كلمها وهي ما كلمته.. بس اعجبت بتطرفه يوم اعطاهم الدله ولا تعرض لهم.. المهم وصلوه لغرفه العنايه المركزه.. بس الممرض المناوب رفض انه يدخلهم للزياره بعد ما طمنهم ان اهلهم بخير وعافيه بعذر انه الزياره اتكون الساعه عشر الضحى مو الساعه ثمان الصبح ..وحده من البنات ياللي كانت موجوده جنب القسم سمعت توسل خاطره وروضه انهم يريدون يطمنون على اهلهم بس الممرض كان متشدد في الاوامر هاي .. قامت البنت وطلب منهم انهم يتفضلون عندهم لين وقت الزياره يبدى ...
روضه اترد على الحرمه بكل ود: تسلمين يا اختي والله فيج الخير .. بس ودنا نطمن على الوالد و الوالده مشان نرتاح ..
الحرمه بابتسامه : .. والله يا اختي اعرفه هذا المناوب .. مستحيل يدخلكم .. بس احنى الوالده بتطلع من العنايه اليوم و عطونا غرفه من امس في قسم النساء قربوا معانا ..
خاطره تلتفت على اختها روضه: .. خلاص يا روضه .. احنى بنقرب عند الربع لين الساعه عشر ونشاء الله بنرجع وبنطمن على عمتى و ابويه ..
روضه : خلاص .. يالله بسم الله .. بس اختي .. سمحيلي على القافه .. ما تعرفنا على اسمج ونتي سالمه ..
الحرمه : ..انا اسمي نوره .. وانتوا ..
خاطره بكل تواضع :.. عاشت الاسامي يا نوره .. انا خاطره و هاي اختي روضه
المهم قاموا البنات و طلعوا للغرفه ..ولا المفاجاء لهم ..الشاب ياللي كان في اللفت هو نفسه اخو نوره .. استغربت نوره ان البنات وقفوا للحظه كنهم يعرفونه ..قام الشاب سلم عليهم و طلع على طول وراسه في الارض مثل من صار في اللفت
اتصيح نوره على اخوها وهوه مقفي .. : محمد !! لا نتسى موعد الدكتور ياللي بيشوف حالت امي الساعه 11 الضحى .. تسمعني يا محمد .. الساعه 11
.........الفتت خاطره صوب نوره و سالتها ..
خاطره بأستغراب : .. اقول نوره .. اظاهر اخوج يستحي كثير .. ليش!!
نوره بعد ما تنهدت ..: لا اتومونه سافله قديمه .. بس ما علينا .. شنو سبب وجود الوالد و الوالده في المستشفى !!..
خاطره بعد ما ارتباك..: والله حادث بسيط بس الحمدلله .. لا كسور ولا مشاكل .. بس كدمات ..*ومشان اتغير الموضوع*
وانتوا ليش موجودين هينه .. عسى الوالد مافيها شر !!!...
نوره : لا والله .. بس الوالده ارتفع عندها شوي الضغط والسكري .. مشان جيه حطوها تحت المراقبه .. والا الحمد لله انه الوالده بخير اليوم . .بويطلعونها ..
يلسن البنات في الغرفه على سوالف حريم و غيرها من السوالف لين دخلت عليهم الممرضه الساعه تسعه ...
الممرضه : ...we will bring your mother right now .. do you want to go with us or you will stay here!!..
نوره ..: NO ! .. i will go with you ...i want to see here !..
الممرضه ..: oK !!..
نوره تستسمح من خاطره و اختها عشان تشوف امها بس البنات قالن انهم بتسلمن على ام نوره ليش انها طلعت ..
قاموا الكل وطلعوا واتلقوا لام نوره وتحمدولها بالسلامه .. فرحت ام نوره بان في عرب موجودين مشان تسولف معاهم في الغرفه .. لانها كانت من يومين ما اتشوف احد وكانت ضايقه بالحيل ..
المهم وصلوا ام نوره الغرفه ويلسوا يسولفون معاهم ...
في قسم الشرطه ..النقيب سيف مجتمع بالضباط و يكلمهم في مهمتهم ياللي ابدعوا فيها في القبض على تجار المخدرات ..
النقيب بكل فخر و الابتسامه و الرضى على وجهه :ابدعتوا يا مخاوي شما .. والله ان الدوله تفتخر انه فيها رجال من مثلكم .. والصراحه حبيت اشكر الاخ ابو تركي *وناظر النقيب صوب محمد اخو نوره ياللي كان في المستشفى* .. قصدي محمد ياللي تنكر بشخصيه ابو تركي و اثبت لنا انه ليس من المستحيل انا نقبض على تجار المخدرات ...
محمد بكل ثقه: سيدي .. أحنا عيال الدوله !!!.. وكل ياللي نسويه موب كثير عليها .. الله يقدرنا على الزين من اجل دار ابو خليفه ..
النقيب .. : ما بقي غير الاستجواب ياللي بيكون اخر شي في قضيه الاشخاص هذيلا ... بس المشكله انه واحد من الاشخاص تعور اثناء الملاحقه .. بس الثاني لازم يتكلم ..
محمد: سيدي .. ياللي تعور رمى بالشخص الثاني من السياره .. والغريبه انه الشخص المرماي من السياره حظه حلو انه ما كان معى خويه ولا كان تعور ..
النقيب ...: حظه حلو ولا غيره يا الضابط محمد .. لانه بيكون جزائه السجن المؤبد ..على العموم احنا بنتحقق من كل شي .. بس اريد التحقيق معاهم يخلص بقرب وقت مشان نرسل الملفات للمحاكمه ..
نظرالنقيب للضباط..ويقول : .. ضابط سهيل .. اباك اتسير وتحقق معى الشخص ياللي اصاباته خفيفه .. لاني سمعت من الدكتور انه بيقدر يتكلم اليوم ..
اهنيه يقاطع محمد النقيب: اسمحلي يا سيدي .. !!
النقيب: تفضل يا الضابط محمد!!!.
محمد..: ممكن اقوم انا بالتحقيق .. لاني بسير المستشفى على كل حال لانه الدكتور بيزور الوالده مشان يطمن عليها و اريد اكون موجود لاني طول فتره مرض الوالده مختفي من البيت مشان اختلس شخصيه ابو تركي .. فاسمحلي اتولى انا التحقيق بدلا عن اخوي العزيز الضابط سهيل ..
النقيب وهو يلتفت على سهيل: ..انا ما عندي مانع من انك تتولى هاي المهمه الا اذا كان عند سهيل اي مانع !!!
سهيل :..هاها.. لا يا سيدي . .حد يكره الراحه .. لا والله سير يا اخوي محمد اتعب وخل الراحه ليه انا تراني اهوى شي اسمه راحه ..هاها.. والله يشفي الوالده ..
محمد .. خلاص .. انا بسير و اخلص التحقيق مع المتهم .. ويطلعون الضباط من غرفه الاجتماع .. وهنيه يجيك سهيل مستعيل و ينط على ظهر محمد وهو مقفي وهو يضحك ويقوله ..: هاهاها.. يالله مهتم انته بالتحقيق ولا شايفلك غزلان في المستشفى توام ..هاهاها...
محمد وهو يبتسم :.. اي غزلان اي خرابيط .. انته ادرى براي بالحريم و بالزواج .... انا اعزب للابد .. لا اتحاول ..
سهيل وهو يضرب بكوعه ناصر والابتسامه شاقه حلجه ..: يا كثر الغزلان ياللي تين بس لزيارات .. واكيد لقيت كمن وحده في اللفت مثل كل مره البنات يسون .. يطلعن اللفت بس مشان يشوفن الشباب ..هاهاها..خل عنك السوالف .. اعرفك زين.. ينطبق عليك المثل ياللي يقول ..ياما تحت السواهي دواهي ..هاهاها
محمد وهوه مستحي :الله يغربلك.. مركب ردار انته يالس اتراقب خلق الله.. ياللي ساير وراد.. قولي وش عليك مني .. ليش ما تتزوج انته ..
سهيل : انا ادور بنت الحلال .. بس الوالده مو مقتنعه باي وحده .. اتقولي انته اخر واحد في عيالي ولازم ادورلك وحده تستاهلك .. هاهاها.. منو ياللي مقطوعه النصيب ياللي حظها بيي عند واحد مثلي امه تغار عليه .. والله لا تطفش في اسبوع ..هاهاهأ... هذا لو عمرها طويل ولا عندها صبر ايوب ..هاها.. بس قولي شفت احد اليوم .. قول الصدق عليك بالله !!!
محمد مشان يقهر سهيل : .. هيه .. شفت غزلان وحاولن يعطني الرقم . بس انا رفضت مثل كل مره ..هاها.. ارتحت ..
سهيل وهو معصب: اهبل .. انته صج اهبل .. والله ما ادري ليش البنات متعلقات فيك انته .. من زين هالويه كنه طابوقه متكسره ..هاهاها
محمد: ما عليك انته.. اريدك تجي معايه مشان ترجع التقرير للنقيب سيف .. تراه حشرني .. يباه بسرعه .وانا اريد ايلس مع الوالد شوي ..
سهيل .. تيلس مع الوالده و الا تتغزل في غزلان التوام . هاهاها..
محمد وهو يهز راسه .. : الله يزيدك عقل يا الاهبل ..يالله خل عنك السوالف هاي .. ابا سير مستعيل والله ..
ويطلعون سهيل و معاه محمد .. سايرين لمستشفى توام ..
في هذيج اللحظه يوصلون سالم و يدته وعفرا للمستشفى وينزلون والعيوز يالسه تدعي .. الله لا وفقهم !!.. الله لا سمحلهم نيه ولا درب ..
وسالم ورا يدته و هو يقولها : يا يدوه ذكري الله .. شي واستوا ..
عفرا يالسه تبتسم ورا الغشوه بمكر الفايزه وهي تقول: .. افا يا عمتي .. ذكري الله .. ماينفع الدعى عليهم .. ادعي لولدج بشفى احسلج ..
المهم انهم يوم طلعوا من اللفت لقوا خاطره و روضه توهم طالعين للعنايه المركزه .. ومعاهم بنت ما عرفوهاياللي هي نوره ..
سالم ..: وين كنتوا انتم!!!.. كيف عمتي و ابويه ..
خاطره : ما سمحولنا نشوفهم بس قالولنا انهم بخير ..وسرنا عند جماعه من الربع لين الحين طلعنا مشان الزياره . الممرض رفض يدخلنا ..
سالم ...: خير ان شاء الله .يالله خلونا نشوفهم الحينه ..
وقومون الكل يرحون للعنايه ويدشون ..فرحوا انه ام ناصر بدت تفتح عيونها رغم انه حالتها اصعب عن ابو ناصر ياللي حالته مثل ما هي !!تربع روضه لامهاوتبوص يدهاواتكلمها وهي قريب لا اتصيح: .. سلامتج يا يما .. !!.. ما اتشوفين شر يا بعد روحي !!..
ام ناصر بتعب شديد:.. الله سلمج يا بنيتيه ... وين ناصر وين ناصر. وين ابوج .. وليش سوى فيني جيه ..*هلت دمعتها وهي اتقول ببكى* الله يسامحه .. الله يسامحه.. انا شنو سويت له في حياتي غير كل ياللي يرضيه
روضه : امي ناصر ابخير الحين هوه ياي .. كان في بيت خالي حمد !!.. لا اتحاتينه . .بتشوفينه الحين . ابوي يا يما معذور ... حليه و ابريه.. صابتكم عين ما صلت على النبي ..
ام ناصر ..: رويضي .. دخيلج ابا اشوف ناصر .. ابا اشوف ناصر ..
يقاطعهم سالم بوجهه الحزين .. : ما اتشوفين شر يا عمتي .. الحمدلله على السلامه .. ناصر الحين بيج لا اتخافين .. هو ياللي شلج من البيت لين المستشفى .. والحين هو ياي ويا اخوج حمد ..
هدت اعصاب ام ناصر بس نادت على روضه :رويضي ... تكفين .. يا بنتي ..ابا ماي ..ابا ماي ..عطشانه .. عطشانه ..
هلت دمعت روضي يوم شافت امها متعذبه جيه.. وقالت : يما .. بيبلج ماي .. صبر شوي اسير الثلاجه ايبلج ماي ..
وقامت روضه ومسكت ايد سالم تبا اتكلمه ..
روضه : هاه سالم بشر .. شنو قالكم المطوع ..سحر ولا لا ّ!!
سالم .. لا يا روضه .. قال انها عين صابته .. بس بيسوي له دوا و لازم اخذه منه بكره ..
روضه : منو هذا ياللي عيينه الله لا يوفجه .. ناقصين احنا بلاوي ..
سالم: . الله اعلم.. بس سيري يبي الامج ماي ..
وتطلب روضه من اختها خاطره انها تسير معاها مشان تجيب ماي .. ويطلعون من العنايه للفت مره ثانيه ..طلعوا يابوا ماي من الكفتريا ياللي في الطابق الارضي .. ويوم فتحوا اللفت مشان يرجعون للعنايه و دخلوا فيه قبل لا يصكر اللفت شباب اثنينه .. محمد وسهيل بملابسهم المدنيه ..
خاطره واختها عرفوا محمد .. بس ياللي عنده شخص ثاني .. عينه زايغه . يالس يطالع .. جان يقوم سهيل و يبدي يتكلم ..
سهيل : صوبنا ياهل الوجوه الصبيحه ..هلا والله * وبدا يقط كلام غزل ما له داعي .. *
محمد ما تكلم بس كان يطالع بعيونه في خاطره و اختها ..
كان اترد خاطره بعصبيه بعد ما زودها عليهم: .. استح على ويهك يا هالوسخ .. عيب عليك .. مهما كان احنا خواتك .. وياللي مثلك يدافع عنا ما يتهجم علينا ..وانته يا محمد استح انك اتخاوي واحد مثل هالخسف .. الا يا حيف على شباب الدار يوم انتوا شبابها ..
محمد وسهيل باستغراب ..والدهشه على وجوهم ..الظاهر انهم غلطوا على معارف لهم ..!!
محمد ووجه محمر: .. مسحيها فيني يا اختي .. والله كم مره قلتله لا يفشلنى بس عمره ما يتعلم هالغبي ..!!
سهيل .. : سمحيلي .. ووالله ما دريت انج تقربين حق محمد !!
خاطره بعصبيه : .. يعني لو مو من اقارب محمد .. بتم تقط كلامك الوسخ علينا .. شوف .. لا اتقول ان ما عندنا ريال يدافعون عنا .. ترانا بس ساترين على اعمارنا من الفضايح عند ناس من هالطينه ..
في هذي اللحظه يبطل اللفت وتطلع خاطره معصبه و ماسكه روضه من ايدها ..محمد كنه الارض انشقت و بلعته .. ما درا شنو يقول .. كلام خاطره سوي رنين في اذنه و صدها في قلبه ..
سهيل بدى يضحك .. وقوله ... شفتها !!.. اما انها عصبيه .. يا ويل من بيبتلش فيها هذي .. ذيبه .. الله يا كافي ..
محمد بنظره عصبيه ...: ولازم اتفشلنا انته ويا ويهك .. الله يفضحك .. لازم اتفشلنا انته ويا هالراس .!!
سهيل : ما عليك تراها نسره .. حشى انه عليها لسان مثل الموس .. حاد..
محمد وهو يطالع المكان ياللي سارت فيه خاطره : .. موس . .اشهد انه كلامها ينقط عسل ..
سهيل مستغرب :..محمد .. زل عقلك .. !!.. والله انك استخفيت .. *وهنيه كنه احد يصفع سهيل طراق* ..وينتبه سهيل لكلام محمد ويقوله ..شنو قلت .. كلامها ينقط عسل .. محمد . لا اتقولي انك معجب فيها .. !!
محمد بنظره بروده: لا يا اسهيل . بس احس انها غير عن كل البنات ياللي شفتهم و لقيتهم .. ماعليك من كلامي .. مصيرها بتكون مثلهم كلمهم ..
سهيل بنظره فيها عتاب على محمد:.. محمد . اذكر الله .. تراه كل ياللي تسويه بنفسك من شي استوا وانتهى من اسنين ما بينفعك بشي كرهك للبنات .. تراها والله ما تستاهل كل ياللي تسويه بنفسك ..
محمد والحزن على وجهه وهو يطلع على الطريق ياللي خاطره مشت فيه : .. ادري .. بس ما لقيت ياللي تثبتلي انه النسوان فيهم نقطه ثقه !! والله انه كل حرمه طايحه من عيني .. خلاص يا سهيل .. ما ابا اتكلم في الموضوع هذا بالمره .. خلاص
سهيل وهو يتنهد: على راحتك . ما دريت اني بعيدلك ذكرياتك .. بس والله يوم كلمت هذيلا البنات حبيت احرجك علشان تقول ولو كلمه ... بس الظاهر اني احرجتك ..
محمد : لا ما عليك ..
وسيرون لغرفه المعالجه ياللي فيها ناصر ..يقوم ناصر من الغيبوبه ياللي كان فيها على صوت الضابط محمد..
محمد يطلع في ناصر ..: اخوي .. تسمعني .. انا الضابط محمد .. ياي احقق معاك ..
ناصر بتعب وعيونه بصعوبه اتبطل: .. أأأأه .. شنو ياللي استوا .. !!.. وين انا
محمد وبجنبه سهيل يكتب: .. انا الضابط محمد ... ياي احقق معاك ..انته في المستشفى التوام .. ومافيك الا العافيه ..بس اباك اتجاوبني بكل صراحه وخلانا مثل الاخوان .. من اسمك يا اخوي ..
ناصر بارتباك .. :اسمي ناصر .. بس ليش التحقيق .. انا شنو سويت ...والله اني ما سويت شي !! *والدمعه هاله من عيونه *..و
محمد..: كلهم يقولون انهم ما سوو شي .. بس ناصر شنو اقول عن الكيس ياللي لقيته معاك يوم اني قبضت عليك ..
ناصر : اي كيس ..كيس بودره الاطفال !!!
محمد.. هيه.. كيس البودره ..مو بودره اطفال .. كانت هروين .. يعني مخدارت .. اثبتت التحاليل انك شام منه بعد!!
ناصر وهو مستغرب و الدمعه في عيونه حارت من الصدمه:..مخدرات !!.. والله ما سويت شي . هذا كله من خلود الله ياخذه ..
ويقوم محمد ويهدي ناصر .. ويطلب منه كل القصه ..بدا ناصر يحكي قصته اول ما التقى ويا خالد في المقهى عن كل شي لين تم القبظ عليه بس ما تكلم عن قصه اهله وعن المشكله ياللي مستويه لهم ..
وبعد التحقيق يطلعون محمد وسهيل من الغرفه ياللي فيها ناصر .. وطلب محمد من الحارس ياللي موجود برا الغرفه انه ما يدخل احد على ناصر لين يجيه امر من عنده ..
محمد : تدري يا سهيل اني احس انه هالانسان مظلوم ما ادري ليش.. في عيونه كلام وكلام . .بس سبحان الله شنو ياللي موديه عند هذا خالد سهيل : والله ما ادري . .بس صج بيكون منحوس لو القصه ياللي قالها لنا انها صح .. حشا من اول ليله يتمشكل عند خويه !!!.. بس ما عليك بيقوم هذا خالد وبنعفر منه كل شي !!!
محمد برحمه : .. ان شاء الله يطلع برئ .. الله اني اتمناله البرائه ليش ما ادري ....
سهيل : الله يهدي هذيلا الشباب .. والله طايشين .. شنو نسوي اكثر من ياللي نسويه ..
محمد والبسمه شاقه حلقه ..: ..هاهاهاهأ.طالعوا من يتكلم .. يالله يا سيد الحكمه .. من نص ساعه يالس تعاكس بنات والحين تتكلم عن طيش الشباب.. والله لو يدرون انك ضابط كان فشلوك و كتبوا تقرير فيك و طرشوه للشيخ سيف بن زايد . .بس انته استح على ويهك..
سهيل:.. يالله يا المغرم الهاوي .. وانته ما صدقت هذيج البنت انها لفظت اسمك ..هاهاهاه..قول والله انك مو معجب بشخصيتها !!..
محمد وهو مستحي .. : ليش انته ما تتمنى وحده اتكون صاحبه اخلاق شراتها ..
سهيل :.. يمكن هي مثل كل يللي يتصنعون كذا الكلام و يراون الناس انهم من الذهب وهم من النحاس الرخيص..
محمد : يمكن بس هذي لا .. احس انها غير..هذي من الماسه وانته بتشوف! ..
سهيل .. : بنشوف يا صاحب الاحسيس الزايده ..
ومرت الايام.. وخلال هذي الايام بدت العلاقات تزيد بين الضابط محمد وناصر السجين ..وبين خاطره و نوره .. اصبحن صديقات .. خلال هذي المده عرف ناصر انه خالد حالته خطيره .. وانه مشلول بسبب الحادث ياللي استواله و بسبب تعاطي المخدرات .. وحزن لانه الدليل على برائته هوه خالد .. بس خالد صار ما يتكلم.. وقضيه ام ناصر وابو ناصر مثل ما هي ..لانه ابو ناصر ما يتكلم شبه مشلول وام ناصر بدت صحتها تتحسن...
وفي يوم تقوم خاطره بالليل و تتصل حق نوره :
يدق التلفون في الصاله في بيت محمد.. يشل محمد التلفون ..
محمد : الووو .. *بس ما احد يرد*.. الووو
ويقوم ويصكر السماعه .. ورن التلفون بعد فتره بسيطه .
محمد:.. الوووووه .. * عاد عصب محمد * .. الووو ياللي ما تستحي على ويهك ..
كان يسمع محمد صوت دافئ من بعيد على الخط الثاني :اسمحلي يا اخوي ما مودي تغلط علي ولا ودي تشك بشك موب زين في اختك .. ممكن تقول لنوره رفيجتج باج
محمد وهو مستحي .. سميحلي ما كان قصدي اغلط عليج بس انتي الله يهديج ما تكلمتي بعد.. ما فيها شي لو قلتلي انج تبين اختي ..
الطرف الثاني : .. لا بس ما ابا ازعجك و حتى اني مستحيه اتصل في مثل هذا الوقت ..
محمد : لا عادي يا اختي ممكن اعرف منو يطلبها مشان اناديها ..
الطرف الثاني: ما عليك انته قولها خويتج من المستشفى تباج .. وهيه بتعرفني .. اسفه!! بس ما احب اعطي اسمي. .والله اسفه ..
محمد والبنت ياللي بالطرف الثاني تكبر في عينه: .. لا اعداي ياختي .. لحظه ..
ونادي محمد على اخته .. نوره . .يا نوره .. رفيجتج تباج في التلفون ..
نوره بعصبيه .. زين ..زين .. ليش كل هذا الصياح .. منو في هذا الوقت داق تلفون ... اما انهم مزعجين ..الووووووووووووووووو
خاطره على الطرف الثاني : .. هلا نويري!!..صرت انا مزعجه الحينه ..الله سامحج .. الله يامحج . .خلاص يالله باي ..
نوره وهيه تضحك .. : هاهاها.... لا والله ما كان قصدي . بس حسبتج حصووووووووه . .تعرفينها و قلتلج على سولافها ... ما تخلص كلام . .بس انتي خاطره الغاليه ..من مثلج عندي غاليه ..
خاطره و هيه تضحك.. اخاف لو حصه متصله اتقولي لها انه فيه وحده حشره بالحيل اسمها خاطره و تتصل فيني كل مره ..هاهاهاا..
نوره وهي ميته من الضحك .. : ههاهاهاها.. لا و الله كم خاطره عندنا ..*وتقطع نوره كلام خاطره و تقولها لحظه شوي حبيبتي*.. واطالع صوب محمد ياللي يالس يقلب في التلفزيون ..
نوره : محمد على شنو يالس هنيه .. قم لغرفتك يالله ..
محمد وهو يعاند اخته و طول على التلفزيون : .. هذي الصاله .. عنكم غرف . سيروا للغرف ابركلم..
نوره بعصبيه :.. ويا هاراس .. حد يطالع التلفزيون في هاي اللحظه ..!!!
محمد: .. وحد يتصل بالناس في هاي اللحظه ..
نوره تقفط ويها لانه خاطره سمعت كلام محمد وصكرت على طول ..
نوره وهيه معصبه . ما انته صج حمار .. عليك بالله البنت ما جا منها غير كل خير.. زين منها انها ما علمت امي عليك !!!
محمد مستغرب: .. عملت امي على شنو !!
نوره وهيه زعلانه عليه و يديها على خصورها:... تدري عن شنو اتكلم لاتحاول تخبي علي .. اعرف كل شي استوا في اللفت ..
محمد وهو محمر ويهه : .. اي للفت
نوره .. اي لفت . .تراني ادري بكل شي . .. خاطره خبرتني انك انته و سهيل تحرشتوا فيها و في ختها ..
محمد وهو فرحان .. اسمها خاطره ..!!!
نوره وهيه مستغربه :..هيه خاطره شنو فيها .. بنت زوج ام ناصر ياللي كانت مجاورتنا في المستشفى .. بس مساكين لين الحين يدورون على ولدهم من طلع من البيت ما رجع . .الله يستر عليه .. والله انهم عيال ناس وما يستاهلون غير كل خير ..وانته ليش فرحان انك عرفت اسمها .. المفروض انك تستحي على ويهك و تخلي في ويهك انته و سهيلوه شويت دم ....
لما نوره يالسه تعطي محاظره لمحمد عن الاخلاق الحميده كان يدق الباب ويقاطعهم.. يقوم محمد ويفتح الباب .. كان سهيل ياي لمحمد مشان يتابعون مباراه على التلفزيون ..نوره جان تضحك وتقول حق محمد..:هاها.. شوف منو جاينا الحينه في ساعه مثل هذي سهيلوه يا ويهه .. ما عيب عليك .. فشلتنا قدام البنت وانته ربيعك ياللي ياي يطالع التلفزيون عندنا في البيت في مثل هذي الساعه !!!..
محمد بعصبيه : .. والله نيج فشله . ما تستحين من سهيل وهو اخوج تقولين هذا الكلام قدامه ..
نوره :.. ليش استحي منه . اخوي بالرضاعه وانا متفاهمه وياه .. انته شنو دخلك ..
سهيل .. : بس بس سكتي انتي .. هذره بالمره ما تخلص .. انتو ما اتصدقون خبر والا ناشرينه في محطات الاخبار ياللي في الدوله .. ياللي في القطب الشمالي يسمع اخبار كل بيت امارتي و خليجي من سوالفكم يالحريم . انتو ما تسترون على خبر ..
نوره هيه تضحك .. : هاها.. سهيلوه . احنا ما نستر على خبر !!.. تعال وشوف من يتكلم .. ياللي يتحرش ببنات الناس وهن ياللي تسترن عليه عن لا يخسر منصبه ياللي له خمس سنين تنكد في كليه الشرطه مشان تحصل النجوم ويدافع عن اهله و عرضه .. مو يقوم يتغزل في بنات الناس في اللفت ..
محمد .. :شفت .. البنت طلعت صديقه نوره .. وانا اقولك لا اتفشلنا .. شوف عاد . زين انه البنت خبرت بس نوره ..
سهيل و هو يضحك .. : ..هاهاهاه.شنو قلت شنو قلت .. ما خبرت االا انوره .. والله لو خبرت الاخبار جان احسن عن لا اتخبر نوره .. غربالله عدوك .. نوره توزع الخبر اكثر عن محطات الاخبار ياللي في العالم كله ..
نوره هيه معصبه: .. هيه .. اوزع الخبر .. بس لوني اوزع الخبر جان قلت لامي عن ياللي سويتوه انته و محمدووه .. بس البنت طلبت امني اني انصحكم على الخاص .. يعني كبروا و عقلوا احسن لكم ولا بطيحون في مشاكل مع ناس غيرها ..
وتروح نوره لغرفتها واتشل التلفون وتتصل بخاطره ..يدق التلفون وترد رويضي وتطلب نوره خاطره على التلفون .. بس تقولهاروضه ان خاطره سارت تنام .. وتسألها نوره: ليش يا روضه مانمتي ..
روضه : يالسه اتابع الافلام .. ضايقه
نوره ... : تمام . ممكن تقولين لخاطره اني تصلت فيها ..
روضه :.. تامرين امر . .بقولها ..
نوره :.. تسملين يا اخي.. اشوفج باجر ..
روضه: يالله باي ..
محمد وسهيل .. يالسين يطالعون المباراه .. وجان سهيل يطنز على محمد .. انه يحب خاطره و انه معجب فيها .. ومحمد ينكر .. بس بدي يستسلم وتقل مقاومته وخاصه انها ما طعت تعطيه اسمها اليوم عرف انها صج غير عن كل البنات .. كان يقوله محمد..
محمد: .. خلاص سولي خدمه واثبتلي انه هاي البنت غير عن كل البنات ..
سهيل .. : انا اثبتلك غير هذا بس بشرط .. بتتزوج ياللي اختارها لك ..
محمد.. بتردد: . ..اممم .. تمام .
سهيل والابتسامه على ويجهه..: تحلف .. اي وحده اختارها لك .. حتى لو كانت مريم الغضبان !!!
محمد: اي وحد تختارها يا خطابتنا . فكنا شنو ياللي بتسويه ..
سهيل .. هيه توها داقه عليكم صح..
محمد..: هيه .والرقم في الكاشف ..
ويقوم سهيل ويتصل .. اتشله روضه ..
روضه : الووه..
سهيل ذاب من نعومه الصوت : .. هلا والله ..
ورضه :.. منو معاي ..
سهيل .. : هذا انا محمد!! الريال ياللي في اللفت ..
روضه ..: و خير .. شنو تبا .. موب عيب عليك تتصل في مثل هاي الساعه وبعد سواد سوالفك يا الهرم ..
سهيل وهو يتبسم و محمد عداله ياس يضبره على انتحاله شخصيته و هو ما يدري: .. لا والله يا اختي ... صدقيني اني ما نمت هذيج الليله من اللوم.. هذا خويي سهيلوه حمار .. هو راعي الفشله كلها ... بس صدقيني اني ما اقدر انام ..
روضه: شكلك بتخليها قصه .. امر شنو تبا ... شوف تراني والله ما كلمتك و طولت معاك الا لاني احترم اختك .. شنو تبا ..
سهيل : ما شي .. بس حبيبت اعتذر و قول كلمه وحده بس ..
روضه وهيه تنفخ على التلفون : .. قووووووووووووووول..
سهيل ..: بس حبيت اني اقول اني معجب بشخصيتج ..
كان تصكر روضه السماعه في ويهه ..وسهيل منصدم.. وماسك السماعه .. وهوه يقول ..والله وربحت يا محمدوووووووه .. البنت صج فيها الخير .. يا ليت اختها شراتها .. بس اختها كانت ساكته
محمد .. بس عسى لا اتفشلنا و اتقول لنوره .. ترانا زودنها شوي ..
سهيل: لا ما عليك..ما ضنها .. بس قولي انته شنو رايك بالبنت ..
محمد : والله البنت لا باس فيهابس لين الحينه انا مو واثق من شعوري .. يا ريال خل عنك الكلام .. مو ناقصين مشاكل ويا البنت ..
يبدا الاعجاب يتخلل في شرايين محمد ياللي ما درا انه في شي بيدور بين اعجابه بخاطره و بينه
سهيل : محمدّ!!.. اشوفك تتثاوب .. روح نام ابركلك .. وانا بسير .. شكل المباراه ممله .. ما ابا اتابعها ... النتيجه بتطلع في الاخبار الرياضيه ..
محمد و هو يثاوب: .. هيه والله لازم بكره امر على ناصر بعد .. ابا اسلم عليه .. صارلي كم من يوم ما شفته .. والله اشتقتله ..
سهيل وهو مستغرب : .. محمد ..!!.. عليك بالله في حد مهتم في انسان غريب!!.. اول مره اشوف انسان مهتم بانسان غريب ..
محمدّ!.. : ما غريب الا الشيطان .. انا وناصر مثل الاخوان .. والحين انا واثق من برائته .. بس في شي محيرني في هذاك المخلوق ..
سهيل وهو مهتم بكلام محمد: .. خير يا محمد .. شنو فيه ..
محمد: .. ما له اهل .. حاولت افهم منه شي ما قدرت غير اسمه .. حتى اسمه الكامل ما طاع يعطينى اياه .. مشان اشوف ملفات اهله و اخبرهم .. وهذا ياللي يزيد الطين بله .. ما عطاني اي معلومه و لو بسيطه مشان اساعده غير القصه ياللي خبرنا فيها .. ولا ... المسكين متعلق بامل انه خالد بيتكلم و بقول انه برئ ..
سهيل وهو مستغرب : .. ليش ما تشوفون بطايقه يالي في جيبه !!..
محمد: ما عنده اي هويه .. بس احنى بناخذ صوره له و بنشوف ملفات له في المستشفيات وغيرها من الدواير الحكوميه ...
يقاطع كلام سهيل و محمد تلفون محمد اليدوي وهو يرن ..يطالعه محمد و هو يبتسم يستغرب سهيل الابتسامه هي و يبداء يسأل ..
سهيل : منو هذا ..
محمد : هذا ناصر .. ولد حلال على طاريه ..
سهيل وهو يضحك : هاها.. وعاطيه رقم التلفون بعد !!.. اما غريبه ..السجان و الحرامي صاروا اصحاب بعد .. منو سمحله يتصل فيك .. هذا سجن ولا فندق!!!!..
محمد وهو يضحك..: جب و اسكت عن اتفشلنا عند الريال ..انا معطيه تصريح مني انه يتصل متى يريد يمكن عل وعسى يدق على اهله ولا شي..و تراه لسانك طويل ولا الومك ليش ما تزوجت .. كل حرمه بتاخذك بتبلش بطوله لسانك ..
ويقوم محمد ويشل التلفون يكلم ناصر .. ما درا انه ناصر اخو روضه وخاطره .. ياللي يعرفهم .. بس ناصر كان كتوم في هاي الامور ... مشان ما يفضح اهله زود ياللي هم متفضحين فيه من مشاكل..خلص محمد مع ناصر من كلام على التلفون وسار الغرفه مشان ينام .. سهيل سار لبيتهم وهو يفكر في الصوت ياللي كان على التلفون .. هي صج هيه ياللي بتشفي محمد من عقدته .. ويقوم و يضحك على نفسه ..وهو يقول ..اخاف تشفي محمد من عقدته وتعقدني انا .. هاهاها.. شكلي تعقد قلبي بصوتها .. بس هاي بتكون زوجه محمد في المستقبل ان شاء الله .. كيف افكر في زوجه اخوي ..
تم الكلام يجيب سهيل و يوديه و هو في السياره رايح لبيتهم..محمدعلى السرير..كن يفكر بخاطره بشكل اكبر من اول ..بس عرف انه قلبه نبض بحروف كلمه خاطره رغم انه كان يحارب شعوره لها .. كان محمد يبش كل ما جا طاريها لنفسه.. ما درا ليش صوره خاطره انطبعت في قلبه و صار طيفها لعيونه معاشر .. ليش اسمهابكل حرف فيه يشكل معنا و صدى في قلبه .. ما دروا انهم ارتكبوا غلطه يوم انهم اتصلوا هذيج الليله لانه اتصاله هذيج الليله خلى المسكينه روضه تفكر في محمد .. خلها تتعلق فيه رغم انها كانت تحارب انه مش راح تتعلق فيه .. قبل كانت تبدى المشاعر صوب محمد تميل .. ما درت روضه شنو تسوي ..وخاطره ما تدري باحساس اختها ياللي كانت مخبته لاوله مره عنها .. اول الاخوات كانن تتشاركن في كل شي .. في الاكل في الشرب في كل شي يخص الدنيا .. بس موب ياللي يخص القلوب .. الكل كانت تكتم على الثانيه اعجابها بمحمد .. كل وحده كانت تتظاهر انها قويه ولا اتفكر في شي اسمه الحب .. ما درن انهن متعلقات في شخص واحد ياللي يمكن يفرق شملهن ..
تشرق الشمس على مدينه العين .. اشرقت وخيوط نورها صار يضرب كل طلمه .. اشرقت الشمس ياللي بتكشف اسرار الجديده لابطالنا اليوم..تقوم اليده مثل كل يوم واتحس انه البيت نور.. انه البيت صار فيه اشياء جديده .. قررت العيوز انها تصلي ركعتين شكر لله على النعمه ياللي منحى اياها ..قامت روضه و سوت الريوق مثل كل مره .. و خاطره ترتب البيت.. وسالم يرتب نفسه مشان يسيرون المستشفى يطلعون ام ناصر لانها بتطلع اليوم من المستشفى...
جان تجيهم عفرا... استغربوا انه عفرا ما فرقتم طول هاي الفتره..قاموا الكل وركبوا السياره .. مشان يسيرون المستشفى بس عفرا تعذرت انها ما بتسير و انها بسوي الغدا حق الكل بمناسبه طلوع ام ناصر من المستشفى..الفرحه ما شلت الكل انه قلب عفرا و ام ناصر ان شاء الله بتصافى اليوم .. تيلس عفرا في بيت العيوز على اساس انها بتسوي غدا .. ويطلعون الكل من البيت ..
اول ما طلعوا من البيت خاطره ما ارتاحت نفسها على ترك امها تطبخ و تنفخ في البيت و هيه برا .. جان اتقول لسالم يوقف..
سالم ..: خير يا خاطره شو فيج..
خاطره : .. بنزل هنيه .. ابا سعاعد امي في الطبخ..
روضه .. : خلاص انا بنزل معاج اساعدكم ..
خاطره : .. لا يا روضي .. انا بساعد امي ..واني استقبلي امج..
روضه : خلاص على راحتج..
ويرجع سالم السياره .. بس اتقوله خاطره .. لا يا سالم .. ابا امشي .. واحنى مو بعيد من البيت .. حنى جنب بيت ابويه .. بمشي لين البيت .. والحين الصبح وما فيها شي لو مشيت لبيتنا ..
سالم شان راحت اخته وقف ونزلها...قبل لا تتقدم خاطره لبيت ابوهم تشوف امها من بعيد سايره لبيت ابو ناصر .. استغربت ... كانت عفرا تبي تطبخ.. بس الحين طلعت .. شنو ناويه .. وتتبع خاطره امها..تبعتها و ما كانت عفرا منتبه على ان خاطره تمشي وراها بس من بعيد.. دخلت عفرا بيت ابو ناصر .. خلت وهيه تتلفت وراها بس خاطره كانت تتخبى ورا الشجر ياللي في الطريق مشان اتشوف امها على شنو ناويه !!دخلت عفرا بيت ابو ناصر ياللي انهجر من الكل .. دخلت و هيه حامله معها الشر لبيت ابو ناصر و لعايلته .. دخلت و هيه متجهه صوب مكان معين في البيت..ما درت خاطره انه مها ورا البلاوي ياللي معذبه كل واحد في العايله .. كانت عفرا تحفر تحت الغافه ياللي انخنقت تحتها ام ناصر.. كانت تحفر وادور على شي..كانها اتعرف انه فيه شي كان تحت الغافه مدفون..اتصرخ عفرا .. لقيته ..كانت عفرا تكلم نفسها مثل المينونه .. كانت تهمس بكلام و اتسوي حركات كنها استخفت.. مسكت عفرا من احت الغافه قطعه قماش صغيره .. مربعه الشكل .. مطوي عليها كيس .. بس الكيس شكله تبطل .. والقماشه تبللت من الماي ياللي ينسقى منه الغافه .. وبدت عفرا تكلم نفسها بصوت عالي.. كلمت نفسها بصوت مشان رب العالمين يكشفها قدام فلذه كبدها .. مشان تنعرف على حقيقتها ... مشان يبين رب العالمين قدرته لها يكشف كل ياللي سوته ..
عفرا وهيه مثل المينونه: الله يقطع هذا الكيس ما لقي يتبطل اللى الحينه .. كان تبطل يوم ماتت ام ناصر .. الله ياخذه من كيس.. يالربع حظها حلو هذيج الحرمه .. مره بريلي ابو عيالي .. ومره بالبيت الفيلا.. ومره لطوله العمر .. يعله قصير ..
خاطره صارت تسمع كلام امها و هيه موب مصدقه شنو ياللي يالس يصير قدامها .. الظاهر انه القناع ظهر على حقيقته .. الظاهر انه امها بدت تطلع كل ياللي كانت مخبيته في قلبها من حقد و قعر و ظلم .. الظاهر انه امها ياللي كسرت كل ياللي بنوه اهلها من سنين .. ما عرفت شنو اتقول شنو التسوي .. الحيره والدموع سكتوا خاطره .. الجروح ياللي بدت تشفى ما راح عمرها تنبرى عقب ياللي شافته ..
عفرا بدت تطوي الكتاب القديم وتحطه في جيبها .. وبدت تحفر للكتاب جديد..بدت عفرا تحفر لكتاب جديد و بنتها تشوفها..عفرا تحفر للكتاب.. وخاطره اتشوف قبر واحد منه اهلاها ينحفر بايد امها ..هلت دمعتها .. قامت خاطره صوب امها كنه الموت قربه منها .. كنه روحها قربت تطلع من جسدها ... مشت صوب امها ياللي يالسه تحفر وهيه معطيه خاطره ظهرها .. خاطره تتقرب من امها وهيه تترنح..كنه الروح قريب لا تطلع ..
خاطره بصوتها المبحوح: .. يما !!!.. شنو يالسه تسوين ..
عفرا بصدمه و برعشه يصحبها خوووووووف من ياللي يستوي :.. منووووو!.. خاطوور.. هلا والله بنتي .. هلا و الله .. شنو يالسه تسوين هنيه.. ما قلتي ليه انج سايره المستشفى عند الكل.. ليش يتي هنيه .و ليش ما سرتي لبيت يدتج..
خاطره والدموعها تنهمل وهي موب مصدقه ..: يايه اشوف الحق ياللي ربي بوريني اياه .. يايه اشوف الصدق ياللي مخبيه الزمن عناسنين مشان ما نتفشل بام مثلج .. يايه اشوف الصدق ياللي مخبته طول عمرج عنى ..*هنيه تنفجر خاطره من البكي*.. الظاهر انه القبر ياللي كانت امها عفرا تحفره كان لها .. كان لخاطره ياللي طول عمرها تحاول تبني الصلح لاهلاها وامها ياللي يالسه تخرب ساسه ...
خاطره احتارت شنو بتقول لامها .. ما لقت الكلام ياللي بيوصف شعورها .. هل تصرخ و تلم العالم مشان يشهدوا الفضيحه ياللي قامت تزيد في بيتهم يوم ورا يوم .. ولا تكتم واتشوف قريب احد من اهلها يموت و هيه تشهد كل شي و اتكون ساكته ..عفرا للمره الثانيه اتشوف بنتها في حيره .. للمره الثانيه تعجز عن الرد او تدوير العذر اليديد... ما قدرت تتكلم .. هنيه بكت عفرا .. بكت من خوفها على نفسها.. بكت من حيره فلذه كبدها ياللي طاحت بين نارين بسببها.. ليش البنت تبني وهيه ياللي تهدم .. ليش البنت تحلم والام تقلبها لكوابيس .. كوابيس تتسجل في صفحه حياتها ياللي توها بدت اول خطواتها في الطريق للمستقبل ..
تقوم خاطره تعاتب امها .. تعاتبها باللي يالسه اتسويه .. ذكرتها بان الله يشوفها لو هيه ما اتشوفه .. ذكرتها بانها خافت و ارتبكت يوم شافت اقرب الناس لها كاشفها على حقيقتها .. بس ليش ما خافت من رب العباد ياللي عارف كل شي .. بدت كلمات خاطره توقضها .. توقضها من كابوسها ياللي يالسه تبنيه على حساب اهلها و عيالها .. قامت تذكرها بعاقبه ياللي يالسه تسويه .. تذكرها بالسبع الموبقات .. من عذاب جهنم ..بدى ضمير عفرا يصحى .. بدى ضميرها يحس باللي صج ياللي يالسه اتسويه .. بكت و وللاول مره بتكي بضمير و الام .. لاول مره يستقض ضميرها .. حست انه كل ياللي اتسويه صج هدم حياه عيالها مثل ما هدم حياتها قبل .. بكت .. بس شنو ينفع البكى بعد كل ياللي ظهر و بان .. بعد ما ظهر الصج من عفرا .. ياللي كانت المثل الاعلى لعيالها .. مثل الاعلى في التضحيه .. المثل الاعلى في الكلمه اللطيفه .. بس الظاهر انه خلاص انكشف كل شي ..
قامت خاطره من مكانها وهيه تترنح والعباه على طرف كتوفها .. الشيله طايحه على الكتف .. الدموع مخرسه خدودها وتمشي الدمعه من خدها على نحرها وحارت حتى الدموع وين تسير ..يا ترا شنو بتسوي .. شنو بتقول لاهلها ..ما درت خاطره غير بامها ماسكه ريولها وهيه تبكي .. تبكي بحرقه من داخل ضميرها طالعه .. تبكي و هيه تقول يا خاطره .. تكفين يا خاطره .. ستري علي . .. ستري على امج .. انا سويت هذا و الله لكم و لا لغير احد...
خاطره تناظر بامها و هيه اتشوفها ولا اتشوفها .. اتشوف جسد امها .. بس بلا روح الام.. تشوف صوره الام الخارجيه . بس ما اتشوف قلب الام الحنون ياللي تمنت انها تلاقاه في يوم..تلتفت خاطره صوب السما ... وترجع وتلفت صوب امها وهيه تقول ...: ..مشان خاطرنا !!.. يا يما سمعت هاي الكلمه .. بس وين الدليل .. وين ياللي بيثبت انج صج مسوته على شان خاطرنا.. بيعج لنا يوم صغار و تفكيرج لمسقبلج كان تضحيه ومشان خاطرنا.. زواجك من عمي سعيد ورمينا في بيت يدتنا رغم انها عيوز ما تقدر تتحمل تربيه عيال ثانين تسمينها تضحيه .. كل ما حاولنا نطلب منج نصيحه و لا انكلمج في موضوع ترفعين صوتج علينا .. اي نوع من التضحيات يا يما اتسمينه ياللي اتسوينه . تعذرتلج لنفسي مليون عذر .. كتمت احزاني و تظاهرت بالشخصيه المرحه قدام الكل بس مشان ما اتحس ياللي طول عمرها تحاسب على مشاعرنا ياللي هيه امي و ابوي و اختي ورفيجتي.. ياللي هي ربتني عقب ما رمتني امي وابعدتني عن ابوي .. *في هاي اللحظه تطيح خاطره على ركبها و يهه تبكي بحرقه .. بكت لدرجه انها حست انه رموش عيونها بتذوب من حراره الدمع ياللي في قلبها *..
عفرا هيه تبكي : .. ارجوج . والله يا بنتي اني ما سويت السحر .. والله ياللي الحين ياللي يالسه اسويه هو اول سحر وعمل في حياتي .. ياللي سوت السحر اول مره كانت امي .. كانت امي يا خاطره .. كانت يدتج هيه ياللي مسوته .. بس قبل لا تموت تحسفت على كل ياللي سوته مشاني ..وطلبت مني اني انبش السحر و ابطله .. استسمح من كل ياللي ضرهم . .بس انا ياللي ما سويت بنصيحت امي الله يرحمها .. اخذتني العزه بالاثم مشان اشبع غريزه الانتقام من ام ناصر لانها كانت رفيجتي و اختي وكل شي ليه في الدنيا بعد امي .. بعد ياللي سوته ام ناصر فيني غير كل ياللي سوته اي اخت في العالم .. اخذت زوجي ابو عيالي ..حرمتني منكم .. حرمتني من كل شي في هالدنيا *وهنيه ترمي عفرا بنفسها على الارض و هيه تبكي .. صدى العبره ذبح كل نبره صوت تطلع منها*
خاطره : ..رفيجتج!!!.. انتي وام ناصر كنتوا في يوم اتحبون بعض !!!.. ليش كرهتوا بعض .. ليش الكره عمى قلوبكم ..
عفرا و هيه تبكي .. : أأأأأأأأأأأأأأأأأه يا بنتي .. هيه كانت سبب طلاقي من ابوج.. هيه كانت السبب .. غلطت غلطت عمري .. كلمت ريال ورمسته رغم اني متزوجه .. بديت درب الغلط .. عرف ابوج الموضوع ومشان يقهرني طلقني مشان ام ناصر و تزوجها بعد ما طلقني.. تعذر انها احسن عني .. تعذر انها الاصل واناالتقليد ...تزوجها وماتت الروح ياللي فيني .ز ماتت الروح ياللي كانت تدفعني للحياه .. امي ما تحملت شوفتي ميته بالروح .. حيه بالجثه ... تحلفت انها تنتقم من ام ناصر وتخلي حياتها جحيم مثل ما خلت حياتي جحيم باخذ زوجي مني
خاطره والمفاجأه ماليه ويها .. : الزواج من ام ناصر ما فيه شي .. حلال يا يما .. وياللي سويته هوالغلط .. اني لازم تسامحين و تنسين .. نسيتي انه ام ناصر رعتنا بعد ما رميتنا لين جدتي اخذتنا منها .. نسيتي انها عوضتنا كل الحنان ياللي فقدناه رغم انج نسيتنا .. قوليلي يا يما .. قد مر عيد علينا و جبتيلنا شي فيه .. ملابس .. اي شي .. ام ناصر هيه ياللي تشتري لنا الاغراض .. هيه ياللي ترعانا ولو من بعيد .. حتى عقب تغير بويه عليها قلبها تم صافي يعطي و لا ياخذ غير الحسرات و تشرب كاس الصبر جرعات جرعات من فعايلكم انتي ودتيه .. وقاولج شي .. ابويه لو ما تزوج ام ناصر كان تزوج غيرها ... كان يبلج ضره تبين و لا ما تبين كان كانت هيه القاسيه علينا و كانت ام ناصر هيه ياللي ترعانا حتى ولو موب عمتنا تعرفين ليش يا يما .. تعرفين ليش .. لانه قلبها صافي .. ما فيه حقد . .وانا متأكده انها تدري باللي سويتيه فيها وهيه ياللي تسامح و تدعيلج في صلاتها الصلاح والاستقامه ..خافي الله يا يما خافي الله
... وهنيه تسير خاطره لبيتهم وهيه شبه ميته تترنج في مشيتها لانه ياللي حملته في خاطرها اثقل من الجبال ياللي على الارض .. ياللي حملته ثقل كبير على نفسها انها تتحمله بروحها ..سارت خاطره لبيتهم .. وصلت البيت.. رمت بنفسها على ارضيه الصاله تبكي .. تبكي بحرقه .. تبكي لدرجه انه جدران البيت اشفقت على دموعها ياللي عمرها ما سكتت في ليله من الليالي ..الجدران هيه ياللي كانت تسمع و اتسكت .. تخبي دمعه محرومه من السعد .. دمعه حرارتها تذيب الحديد ياللي في ساس البيت و لا ذوبت قلوب قاسيه عليها ..

________________________________________
اهنيه تسمع خاطره سياره وقفت بالبيت .. وتربع خاطره للباب متوقعه يكنون اهلها .. بطلت باب البيت ورمت بنفسها في حضن ياللي كان اول من في الباب .. كان تحسبه سالم يوم شافت بياض الثياب من ورا زجاج الباب .. حسبته سالم .. ما حست بفرق دفا الصدر ياللي حضنها.. ما درت انها غلطت وحضنت محمد اخو نوره .. نوره كانت مستغربه انه خاطره بلا شيله و لا شي .. شكلها مبهدل .. ولمحت في اخوها ياللي خاطره تحضنه بالغلط بريق عمرها ما شافته في عيونه ..محمد ما عرف وش يسوي .. اول مره يشوف خاطره بلا غشوه وبلا شي .. اول مره يشوفها .. انسحر باللي كان يستوي .. نبضات قلبه بدت تزيد وتزيد حتى انه خاطره بدت تسمع نبض قلبه .. ما درت خاطره باللي كانت تسويه .. كانت تبكي في حضن محمد بحراره .. تبكي و هيه لاوله مره تحس انها بدت تعبر عما في خاطرها ...اول مره تحس بالراحه انهابكت وسمحت للدموع المسجونه انها تطلع .. ما قطع خذيج اللحظه غير صوت نوره ياللي مثل النور يقطع ظلام السكون ياللي حل .. سمتعت خاطره نوره تقولها ..
نوره وهيه متفاجأه ..: .. خاطره بسم الله عليج .. شنو فيج شنو بلاج .. ام ناصر فيها شي .. خالتي فيها شي .. احد من هلج ياه شي ..
رفعت خاطره راسها .. رفعت مشان تصدم باللي يستوي لها .. محمد ياللي كان قدامها هيه يالسه تحضنه .. يالسه تبكي في صدره .. غطى الصمت صوت خاطره وهيه تناظر محمد . ما قدرت تقول شي .. محمد لاول مره يشوف دموع انسانه قدامه .. اول مره يشوف خاطره قدامه على حقيقتها.. عاد في خاطره شريط اللفت.. خاطره القويه ياللي سهيل يالس يقول عنها انها ذيبه.. انها قويه الشخصيه .. الحين تختلف لغزال ينزف من جروح داخليه .. اللـــــــــــه واكبر يالدنيا ...جذيه قلبتي الانسانه ياللي كانت قويه قدام خلق الله .. سكت محمد ما عرف وش يقول .. غلطت خاطره خلته يتعلق فيها اكثر .. شاف انها صج الانسانه ياللي يتمنها اي شاب ..بس خاطره استحت .. تمنت الارض تنشق وتبلعها..ما عرفت كيف تتصرف غير انها ترمي بنفسها على نوره وتدخل في عبايتها .. تبكي وهيه تقول: نوره ارجوج ستري عليه..تكفين ستري عليه ..
محمد وهوه محمر ويهه :سمحيلي .. ما كان قصدي .. بس انتي فاجأتيني ..*ويقوم محمد يعطي خاطره ظهره مشان تتستر*...ما عليج سيري داخل وتلبسي ..انا ياي بس اجيب نوره عندكم مشان تزور ام ناصر وتتحمد لها بالسلامه ..انا عندي شغل .. بسير اسلم على رفيجي
خاطره وهيه في حضن نوره ومستحيه وتمسح دموعها .. : والله ما تسير لين تشرب شي .. ما يصير تجي ولا تذوقلنا شي ..
محمد وهو الحمره مغطيه وجهه : .لا ما عليج .. انا برد عليكم بعد ما زور رفيجي .. يالله اشوفكم على خير ..
تدخل خاطره ونوره البيت .. ومحمد قلبه ينبض بنبضات غريبه .. لاول مره يحس بالاحساس هذا .. كل مامر عليه طيف خاطره وهيه تبطل الباب وترمي نفسى عليه بالغلط قلبه ينبض اكثر و اكثر .. ما عرف شنو ياللي حصله ..
وصل محمد للسجن ياللي فيه ناصر .. ناصر فرح بوجود محمد .. بس محمد تغير بالمره .. صار شارد الذهن .. ما يتكلم بالمره مومثل عادته ..
ناصر بدا يحاتي على محمد .. بدى يسأله .. محمد رب ما شر .. اشوفك شارد
محمد وهوه شبه شارد: لا والله يا ناصر .. بس سالف استوت اليوم ما قدرت انساها بالمره .. سالفه غريبه عجيبه ..
ناصر بروح الصديق ..: قولي عليها يمكن اقدر اساعدك في شي ...
محمد وهو يفتح قلبه لناصر يخبره بكل شي .. خبره بكل السالفه .. يا لين وصل عند اسم البنت ..
ناصر : منو اسمها .. ولا ما اتعرفه ..
محمد : اسمها خاطره يا ناصر .. اسمها خاطره وهيه غير عن كل ياللي شفتهم في حياتي .. ومسكينه واليوم عمتها ام ناصر بتطلع من المستشفى ..وان شاء الله ما اتشوفها بهالشكل .. يكفيها انه ولدها لين الحين ما لقوه..
ناصر المفاجاه تتطلع على ويهه .. قلت شنو .. ام ناصر .. تطلع من المستشفى ... ام ناصر ما غيرها .. وعايشه لين الحينه ..
بدى الارتباك في وجه ناصر .. بدت علامات الفرحه تطلع على وجهه .. بدت كل شي ينور في حياته ما درا شنو ياللي حصله ...
محمد ما عرف شنو ياللي حصل لناصر .. كان ناصر يسال اسأله حساسه .. ومحمد يجاب باللي يعرفه .. وفي النهايه الاساله يوقف محمد وهو يقول ..انته ناصر ياللي يدورون عليك .. انته ياللي ضعت و لين الحين يحاتونك اهلك ..انته ياللي اسمع عنه و لاقيه .. يا سبحان الله . .خلني اسير اطمن امك .. خلني اسير ابشرهم .. ويطلع محمد لبيت خاطره مشان يبشر الكل بسلامه ناصر ياللي غاب عن البيت ايام ما احد درا عنه ..في البيت خاطره يالسه مع نوره يالسه تسألها.. عن محمد وليش ما يتزوج ليش ما يحب انه يكلم الحريم .. وبدت نوره تخبر خاطره عن قصه محمد ياللي تعذب منها .. خبرتها انهم تربوا يتاما.. وامهم هيه ياللي ربتهم بعد موت ابوهم .. هيه ياللي كانت تصرف عليهم من شغلها في المدرسه .. من شغلها كعامله في الدرسه .. كيف قاسوا الحياه ... وفي يوم محمد حب له وحده .. استمر في حبها ثلاث سنين.. ويوم راحوا هوه والوالده يخطبونها له قبل لا يخلص الثانويه .. تطنزوا علينا .. وتطنزوا على فقرنا .. وانا يايين نخطب بنتهم لمحمد .. وطردوا اخوي و امي من البيت .. ناصر ماتحمل الاهانه..ما تحمل شوفت امه تبكي بدموع المظلومه رغم انها كانت ترفض انها تسير تخطب له وهيه تعرف الاجابه بس عشان خاطر محمد ياللي يحس طول عمره بالنقص خلاها تتخلى عن كرامتها مشانه .. بس بعد هذيك السالفه كشف انه البنت يالسه تلعب عليه وانها خلت امها تجيبه وتجيب امه معاه مشان يطمشون عليهم بس .. وطردونهم قدام الجيران .. ويخلونهم مضحكه .. في هذيج اللحظه محمد كره كل حرمه في هاي الدنيا ..وسمع انه البنت تزوجت بعد اسبوع من السالفه .. والظاهر انها كانت بس تلعب على محمد وتتسلى بشعوره .. بس في النهايه تطلقت بعد سبعه شعور من زواجها لانها كانت تلعب بالتلفون و زوجها كشفها ..وبعد سنوات رجعت تتصل بمحمد يوم سمعت انه تخرج من كليه الشرطه وصار ضابط.. بس محمد عزف عن الزواج بسببها .. ومن بعدها وهو ما يفكر بالزواج حتى انه ما يطلع في الحيريم بالمره .. طابت نفسه مثل ما يقول .. يحسب انه الحريم كلهم نفس الطينه ..
وقطع كلامهم دخول ام ناصر بيت العيوز .. والكل ورها والعيوز تكبر و اتهلل .. الكل يالسين فرحانين .. خاطره مثلت على انها قوليه .. رغم انه نوره تعرف كل شي.. الكل يالسين يتكلمون ويضحكون ولا محمد ياي وداخل من الباب لا طرق الباب ولا شي ..
الكل استغرب تصرف محمد ياللي طول عمره هادي ..هنيه يخبرهم محمد انه لقى ناصر .. خبرهم بكل شي .. ويقومون كلهم ويسيرون الشرطه .. قبل لا سيرون لمحت خاطره نظره الاعجاب في عين اختها روضه .. نظره الاعجاب في محمد ..الظاهر انه جروح جديده راح يزيد يسجيلها في دفتر ذكريات خاطره ..بدت كلمه تتردد في خاطرها .. صدها حطم جدران قلب خاطره.. كلمه دوم تسمعها .. دوم ترددها .. ولحين اتشوفها في كل فرد في اسرتها .. بدت الكلمه تصرخ في قلب خاطره .. بدت الكلمه تقول : أأأأأأأأأأأأأأأأأأأأأأأأه يا زماني .. أأأأأأأأأأأأأأأأأأأأأه يا زماني .. متى بنشوف السعد ولو يوم . .متى بنشوف السعد ولو للحظه..تشوف خاطر الكل يقوم مستعيل مشان يشوفون ناصر .. شنو بتقول .. خاطره اتشوف اختها مستعيله .. تشوفها تقوم ونظره الاعجاب تبين في عيونها في محمد .. ما تكلم رغم انها هيه بعد معجبه في محمد بس ما تريد تكرر غلطه امها ياللي كرهت رفيجتها مشان ريال ..
مر الوقت ولقوا ناصر .. وعرف الكل من خالد انه ناصر برئ .. تكلم خالد بس بالاشارات .. تكلم بأجوبه نعم و لا .. ظهرت برائه ناصر .. طلع ناصر من السجن . ويطلوعون لبيتهم .. صار بيت العيوز خالي من جديد .. الوحده عايشه معاهم .. السكون في البيت رجع .. الظلام عاد بعد النور ياللي البيت عايش فيه . بدت العيوز تعيد ذكريات بيتها لما روضه كانت معاهم .. حست بالوحده بعدهم .. ابو ناصر بدي يجس بمن حوله .. بدت الحياه تدب في جسده بعد موته .. بدى يتكلم بعد ما مات بس يتكلم بطريقه غير .. بدى الكلام اللطيف يطلع منه اول ما قام .. تراضت قلوب ام ناصر و ابو ناصر ..عادوا لحياتهم بعد ما طاحت القضيه من الشرطه ... محمد والضباط ياللي عنده تعاونوا على انهاء اللقضيه وخروج ابو ناصر ما هاي القضيه ولكن بعد توقيع تعهد انها ما تتكرر .. عفرا اختفت بالمره .. ما عاد احد يعرف عنها شي .. كنه الارض انشقت وابلعتها .. وكل ما كلمون زوجها يقول انها في بيت ابوها تعالجه.. وتراعيه .. الظاهر ان عفرا تغيرت هيه الثانيه بعد ..
بقت قضيه وحده وهيه قضيه محمد وخاطره .. في هذيج الليله .. تقوم روضه تدق على غرفه ناصر .. تفتح الباب ولا ناصر يالس يدور على دفتره الازرق .. وتخبره روضه انه الدفتر عند خاطره .. يبدى الارتباك على وجه ناصر .. كيف وصل الدفتر عند خاطره .. المفروض انها ما تفتحه ولا تعرف باللي فيه .. هذا ياللي كان في بال ناصر .. المهم يطلع ناصر عند روضه مشان يسيرون بيت يدتهم .. فتحت روضه الباب وناصر كان في السياره .. سمعت روضه اختها بتكي على التلفون ... كانت تدمع و تتكلم بكل ثقه ..
خاطره ..: لا يا نوره ..انا ما ابا اتزوج الحينه .. ليش اخوج ما فكر في وحده احسن عني ..
روضه والصدمه على وجها.. كيف اختها تقول هذا الكلام ... ونوره تحاول في خاطره .. بس تطلع كلمه من خاطره و تسمعها روضه ..سمعت خاطره اتقول ..انا مستحيل اخسر اختيه مشان رجال .. ادري انه محمد ما فيه شراته . بس اختيه روضه معجبه فيه .. وما ريدها في يوم انها تحس اني ما اهتم فيها .. ما ريد افقدها ..والله الود ودي اني احصل واحد شرات محمد بس مو على حساب دموع اختي ..
وتستسمح خاطره من رفيجتها نوره وتصكر.. صكرت والدموع تنهمر منها.. دخلت روضه البيت وتجهت صوب خاصره.. خاطره شافت اختها.. قامت ورحبت وهيه تمسح دموعها .. قامت روضه وصفعت اختها على خدها.. صفعتها وهيه تبكي.. قالت لها روضه وهيه تبكي: من متى احنى يا خاطره بنخسر بعض مشان ريال .. ان ما اخذج انتي ما بيخذني انا . وانا صغيره وما افكر في الزواج . ليش خليتي نفسج الضحيه وانتي اللي تستاهلين كل الخير *تبدى دمعه روضه تهل وهيه تحضن اختها * ليش يا خاطره تضيعني مستقلج مشان اختج .. ليش !
يدخل ناصر البيت وهو سمع اخواته تبكين
خاطره وهيه تبكي : ما اريد في يوم اسمعج اني في يوم اخو الدم ياللي امبنا ..ما ابا احس بالذنب صوبج ولو للحظه .. ابا اشوف ابتسامتج شاقه الدنيا بالفرح .. ما ابا اعيد سوالف قديمه ..
روضه وهيه تبكي ..: ومن بيقول اني بحزن لو بشوفج فرحانه .. من بيقول اني بحسد اختي .. دمي و روحي فرحتها . .يا خاطره فرحتج هيه فرحتي .. ودموعج هيه دموعي .. ولو ما وقفنا جنب بعض ما فيه احد بيوقف جنبنا ..
يقاطعهم ناصر هوه يقول .. انا بوقف جنبكم .. محمد اعترف ليه انه معجب بخاطره .. اعترف ليه انه ما فيه وحده شارتها .. والحين فرصتج انج تفرحين بعد الدموع ياللي عشتيها يا اختي.. ادري انج فتحتي الكتاب وقريتي كل ياللي فيه ... ما اضن الحين شي بيتخبى عليج يا خاطره ..
خاطره وهيه تبكي : وانته كنت تدري و لا خبرت احد .. ليش .!!! ليش ما خبرت بالصدق .. رغم انك كنت تعرف كل شي عن الماضي ..
ناصر هوه يبتسم والدمعه على خده ..: لاني اعرف النتيجه . .. افضل اني انا ياللي يعيش في الحزن ولا واحد من اخواني تهل دمعته على خده بسببي في يوم ..
يقطع كلامهم رنين التلفون ..تررررررررررررن تررررررررررررررررن ...
تشله خاطره واتسمع اغنيه من امرات كووووووووووول .. اغنيه لعبدالكريم عبد القادر..هلت دمعت خاطره وهيه تسمع الاغنيه ..
هلت دمعتها وبدت العبره تحرقها ..حست انها جرحت الانسان ياللي مفتاح عقدته وعلاجها كان في ايدها .. بكت وهيه ما تعرف شو تقول ..
رمت بالسماعه و سارت لغرفتها تبكي ..يقوم ناصر ويطلع من البيت.. وتشل روضه التلفون وهيه تسمع الاغنيه .. سمعت وحست كم هوه مجروح محمد.. سمعت كلمات الاغنيه وهيه تقول .. اوجوووووووووك بعد .. ارجوووووووك بعد.... تو ما برا جرحي .. لا ادوي الاعذار جرح جرحتيه ..
هلت دمعته وبكت روضه .. ما درت انها كانت الجدار ياللي دار بيت السعاده واختها .. سارت للبيت وهيه تبكي ما عرفت شنو اتقول او شنو اتسوي ..
اشرقت الشمس على مدينه العين وفي شعاعها دفئ غريب .. الجو فيه سحاب .. والنسايم بارده وفيها شي من ريجه الياسمين والورود ياللي في الحدايق .. ريحه الياسمين شاقه المكان .. الكل يالس يضحك في بيت ابو ناصر .. لاول مره البيت تنسمع ضحكات اهله فيه .. ابو ناصر يسوف والفرحه ماليه قلبه .. وام ناصر تسوي الريوق واتعدله حق زوجها وعيالها .. السوالف الضحق شاق الارض و منبت زهور الفرح بدل الارض ياللي طال عمرها تبللت بدموع الحزن لاهل البيت ..
تجي خاطره ويدتها وسالم حق ابو ناصر .. تجي تطلب السماح من ام ناصر على كل ياللي استوا من سنين وياللي طاف مات .. ويرود يفتحون صفحه جديده للعايله .. توقف ام اناصر والدمعه على خدها .. ليش بعد طول هذيج السينين يايه العيوز تتعذر .. يسكت ابو ناصر لانه هذا الموضوع يخص ام ناصر ياللي طال عمرها عايشه في الظلم ... كان في عيونه طلب السفح و النسيان الماضي .. ناظرت ام ناصر على كل من عيالها انه الكل يبى ينسى الماضي ويفتح صفحه جديده ..
هنيه ترفض ام ناصر .. هلت دمعه العجوز ..كان عندها امل انه ام ناصر تنسى الماضي بس ياللي استوى لها مو بشي بسط ... سنين وهيه تتجرع المر من كل اهل البيت .. ويا اليوم ياللي ما تنسى فيه كل شي ..
تجي ام ناصر وتجلس قدام العيوم وتقولها: الحين يايه تترجني انا ننسى الماضي .. بعد كل هذاك الوقت ..
يقطعها ولدها ناصر ويقولها يا يما استهدي بالله .. بس ام ناصر قاتله خلنا نتصافى انا يدتك .. خلنا نخلص هاي السولف ..
ويسكت ناصر واتكمل ام ناصر : يا عمتي كانج بتينا ننسى الماضي و ننسي ياللي طاف .. انا موافقه .. بس بشرط .. البيت هذا ياللي انا ساكنته ينباع.. وانا ابعد عنه وعن كل لحظه حزن عشت فيها فيه .. ابا بيت جديد بعيد عن هذا المكان .. موافقه ولا لا !!
اهنيه تنزل العيوز راسها حزن والدمعه على خدها .. كان يقوم ابو ناصر بيقط كلام على ام ناصر لانها بكت امه ... بس العيوز اشرتله انه يسكت.. وقلت العيوز : يا لويدي يحق لام ناصر انها تتشرط .. يحق لها انها تقول يللي تريدها . سنين و احنا معذبينها .. جا الوقت ياللي ندفع ثمنه لها.. اطلبي يا ام ناصر .. امري .. تدللي اي بتنتي لو تبين بيت جديد انا مستعده ابيت بيتي و اشتريلكم بيت جديد ..* وتبكي العيوز وهيه تقول هذا الكلام لانه هذاك البيت يعني لها لاكثير . يعني لها الماضي و الحاضر و المستقبل لسالم و عياله ..*.. بكت و هيه تقول اما متسعده .. امري بس خلينا نبدى صفحه جديده
قالت ام ناصر وهيه تدمع عينها : .. لا والله ما ينباع بيت عاشف فيه عمتي .. بيت تربى فيه زوجي ابو عيالي .. بيت جمعنا كلنا تحته في وقت الحزه . وفي وقت الدمع . لا يا عمتي .. انا ما تشرط ..انا اطلب منج طلب صغير .. ويا ليت ما تفشليني قدام عيالج .. قدام ولدج ابو ناصر . .قدام عيالي سالم و خاطره و ناصر و روضه ... قدام الكل ..
العيوز وهيه تدمع واتقول امري يا بنتي ..امري ونشاء الله عز شانه اني ما فشلج
ام ناصر : ابا سكن معاج . .ابا كلنا نعيش في بيت واحد .. زوجي وعيالي لاربعه كلنا في بيت يجمعنا .. البيت ياللي تفرقنا منه اباه بعد يجمعنا ..ابا اخدمج يا امي بعيوني الثنتين . .ابا اكون لج الايد ياللي تخدمج .. عشتي بروحج كفايه .. جا الوقت ياللي نملا عليج الدنيا باصوتنا .*وهنيه تضحك ام ناصر * لا ما احبيت الازعاج..
هنيه الكل ينصدم من طلب ام ناصر .. هذي كانت امنيه كل واحد في العايله .. الكل كان يريد يكون عند بعض بس الكره القديم اعماهم .. واليوم جا الوقت ياللي يتصافون فيه ..الكل بدى تهل دمعته انه كل شي تصلح .. الكل بدى يفتح صفحه جديده .. اهنيه يقاطعهم دخول سهيل ومحمد وامه واخته نوره.. يطلبون يقابلون ابو ناصر ..وتدخلن الحريم مع ابعض ويدخلون الريال مع ابعض وتكلم سهيل بدل محمد رغم انه اصغر بس بصفته اخوه الوحيد مشان يطلبون ايد خاطره بنتهم لولدهم محمد
ابو خاطره يستسمح منهم ويدخل على بنته وهو يقولها : يا بنتي انتي ادرا بالموضوع .. شنو رايج..
تستحي خاطره و اتقوم ام اناصر و روضه والعيوز ييبيبون وام نوره و نوره الفرحه ما شلتهم
ناصر وسالم في المجلس عند محمد و سهيل .. الكل بارك لمحمد والكل فرح .. وفي يوم العرس و تحديدا بالليل .. و في غرفه العروس وهيه تتعدل.. تدخل ام ناصر بعد ما غابت شبه اليوم وبايدها حرمه ثانيه .. الحرمه كانت منكسه راسها للارض..
هلت دمعه خاطره .. هذي امها و ام ناصر ماسكين ايد بعض لاول مره .. تتقرب ام ناصر وهيه تبتسم وهيه تكلم خاطره .. وتقول لها :
يا خاطره مهما كان هذي امج .. هذي اللحظه ياللي كل ام بالعالم تتمنى تشارك بنتها فيها .. ولا اتخيبين ظني فيج.. قومي وحبي راس امج ..
تسكت خاطره للحظه .. وتهل دمعتها ما عرفت تقول شي ..
تدخل عليهم العيوز وهيه تقول : يا خاطره .. يا بنتي سمعني.. انته قلتي كلمه قومتني من ظلمي .. قلتي قلمه انج عارفه معناها زين .. بس الظاهر ما عرفتي معناها كلها .. قلتي عمر الدم ما صار ماي . .عمر الدم ما صار ماي ...واليوم اشوفه صار بربااااااااااااااات..
تضحك روضه واتقول ليدتها ... يايدوووتي .. اسمها شربااااااااااااات مو برباااااااااات ..
تلتفت العيوز صوب روضه وهيه تقولها .. بسم الله الرحمن الرحيم .. وش هالصبغ اللي حاطته في براطمش .. مسحيه .. اخاف تطلعني احلى عن العروس وتتطلع وانتي السبب .. هاها
ويضحك الكل واتقول خاطره .. لا يا ادوتي .. انا ما احط في خاطري على امي .. بس انا اعتبها .. ومادام ام ناصر يللي مغلوط عليها سامحت اختها.. فيكيف انا ما اسامح امي ياللي انا منها فيها .. وهنيه تبكي خاطره فرح .. وتقوم العروس صوب الكوشه .. وخاطره سايره صوب الكوشه قدام المعازيم وامها ماسكه ايدها من طرف ام ناصر ماسكه الايد الثانيه والكل يتكلم عن العروس و عن جمالها و ثقل عقلها ..
الرجال في طرف الغيه يولون .. محمد و سهيل .. وناصر وسالم .. وفي النص يدش عرض ابو ناصر ..
في خيمه الحريم ... تقوم العيوز ودها ترقص في عرس خاطره بس ما تعرف ورضه ونوره تحاولن تعلمنها .. بس العيوز تيلس تنكت عليهم و في الكوشه عفرا في طرف و ام ناصر في طرف وخاطره في النص يضحكون على نوره ورضه يوم انه العيوز تتعزبهم وام محمد تحاول تهدي العيوز ..لاوله مره تضحك الدنيا لابو ناصر واهله .. يخلص العرس .. ويجون يصورون كلمهم مع بعض .. لتحل الصور الجديده محل الصور القديمه .. ياللي في حياتهم .. يطلعون الكل .. ويطلع ناصر ومعاه الكتاب الازرق .. يقول حق خاطره طالعي ياخاطره . .. كرمال عيونك يا قمر.. في لليله العمر .. هذا الكتاب احرقه .. وقوم ناصر ويولع ياللي في الكتاب كله ..
تضحك خاطره .. و يبتسم ناصر ياللي النور يشع في وجهه من الفرح.. وتقول روضه ..اخخخخخخخخخخخ.. كان ودي اعرف ياللي فيه .. والله كنت اناويه اسرقه واقراه .. بس شكله خلاص .. ما ليه حظ فيه . .هاها. بس خاطره يوم بتخرف بعرف ياللي فيه ..
وتركب خاطره السياره مع محمد وامه واخته وسهيل معاهم وهو يقول حق نوره .. مسكين اخوي محمد .. الذيبه خذته عنا ..هاهاها..
ونفجر الكل من اضحك لانه ذكرهم بسالفه اللفت ..
ويحشون الكل بسعاده .. وفي بيت العيوز ياللي الحياه دبت فيه طول العمر ..وخاطره الله رزقها بالاولاد من محمد سهيل تزوج من روضه .. وسالم تزوج من نوره اخت محمد وناصر سافر لامريكا مشان يكمه دراسته ..

النهــــــــــــــــــــــــايه