كاتب الموضوع :
روح بلا أمل
المنتدى :
القصص المكتمله من وحي قلم الاعضاء
}*& الجـــــ 22ـــزء &*{
وتمر الايام على ابطال قصتنا الكل عايش حياته مع تغييرات بسيطه راح تعرفونها في حينها
*شواطئ الأمل تنتظر
*ضع الأمل نصب عينيك
*اشعل فتيل الأمل وامضي
هذا ما أقوله لنفسي دوما .....
عليا : آآآه ملل ...
رزين : وش قصدك يعني أنا مامليت عينك
عليا: رزين لو سمحتي اسكتي أنتي وش يفهمك
رزين : لا قوليها رزين ممله .. الحين أنا تاركه اللعب والوناسه وجايه أتمشى معك لا وبعد ساكته .. وبوجهي تقولي ملل
عليا : رزين !
رزين : رزين بتروح واتقول لك .. دوري غيري يسليك وما يمللك
كل هذا صار وعليا مبققه عيونها باستغراب وش فيها هذي قلبت عليها والا بس تبي عذر تتهرب فيه مني وتروح تلعب .... آآآه ملل ملل ملل ومو بس ملل الا قهر انا ابي افهم بس مطلعيننا هنا بالمزرعه ليه ..على شان كل وحده منهم ماسكها زوجها وينامون بالعسل يعني ... آآآه ياااارب اليوم قبل بكرا أقابل فراس أحلامي وياخذني واسافر عنهم عاد نشوف يحسو بقيمتي والا لا ...آآه بس حتى ندووش ومنار من تزوجوو وما شوفتهم منار محتكرها مشاري ما يطلعها معنا كثير وندووش لاهيه مع اهل زوجها زين تنزلت علينا وصارت بتجي اليووم ... يااا الله والله حرام عليكم يتركوني كذا حتى الصغار ملو مني ...
جاي مقبل من بعيد وعيونه غرقانه دموع " تميم ولد عبير وناصر " حاااالووو .. حااالووو
عليا بحب وحنان : يااااقلب وروح خالوو انت وش فيك حبيبي
تميم: حالوو ثوفي حالد الدووب أكب ديحه أنا لا ..دديه ( خالوو شوفي خالد الدوب ما يخليني اركب مرجيحه ..اضربيه )
عليا : ما عاااش من يبكي توتتي انا .. ولا يهمك يا عيون خالوو انت الحين اضربه واكفخه لك ..من يومي ملانه وشكلي بفرغ غيظي فيه وأوسع صدري عليه
وتمشي لمسرح الجريمه وتميم وراها مستانس
*****************
وعلى شان ما تتفاجؤن من النقله السريعه هذي بقول لكم باختصار
# الوليد حالف يمين ما راح يتزوج غير منال والحمد لله تزوجها رغم عماها هو ما همه بس هي مكبره الموضوع شوي وعايشين عند امه أحلا عيشه لو ما ينغصها عليهم احساس منال بالنقص
# عمر وراما تحسن امورهم كثيييير وتفاهمو على اغلب الأشياء ما عدا عشق عمر للشغل .. ودايم خلافاتهم على النقطه هذي رزقهم الله ببنت تجنن اللي يشوفها يشتهي ياكلها سمتها على اسم امها تهاني
# منار ومشاري طبعا الكل ما توقع تكون اللي بياخذها زوجه له هي منار بس هو قال لكم اللي بينه وبين عليا حب اخوي من صغرها وهي قدام عينه ما يتخيلها الا زي اخته تزوج منار بناء على ذوق امه يعني زواج زي ما تسموه تقليدي ومن تزوجو وهم ما ينشافون دوووم غاطين علن العالم
# ندى ... تزوجت واحد من معارف ابوها والحمد لله تغلبت على حبها لعمر حب مراهقتها .. والحين تشوف الدنيا زوجها ..
# عبير وناصر احلا ثنائي ماشي جديد غير تميم اللي مالي عليهم حياتهم ودلوع خالته عليا ..
*
*
*
المغرب في المزرعه ...
عليا : عليا قومي .. عليا اجلسي .. عليا سوي شاهي .. عليا البزارين روحي لهم ... ياالله ياااارب اعرس وارتااااح منهم
دخلت عليها وهي تتحلطم ومسكت الكلمه الأخيره : آآآآمين ياااارب
النفتت عليا لها متفاجأه : ندوووووووش الدووبه متى جيتي
ابتسمت ندى لها : من وقت من يوم يا رب أعرس .." وتغمز لها " .. وش قاعده تسوين ..
ميلت عليا فمها على جنب : شاهي
قرصتها على خدها : فدييييت هالبنوته يا ناس .. طيب ليه ميلتي فمك يا ستي
عليا : لأني وبكل صراحه مليت مليييييت ( دمعت عيونها ) والله ندوي مي حاله الكل مشغول عني .. الكل مو فاضي لي وين اروح انا يعني قولي لي وييييييين
انصدمت ندى بحال عليا تذكرت حالها يوم اخوانها يتزوجو وهي بالبيت لحالها بس هي عمرها ما قعدت لحالها كان عندها عليا وعمها الوليد بس عليا من لها صدق الكل تزوج ما بقي غيرها وأكثر وقتها لو لا حظو تقضيه مع الصغار ..
ندى : علوي قلبي
ضحكت عليا تبعد غمامة الحزن اللي ندمت على تكوينها في الجو : ههههههه .. لا تهتمي ندوي سخافه من سخافتي لا تهتمي ... يالله نروح نتقهوى تراني مسويه حلا بس هم خلصو الشاهي ورحت اسويه .." جرتها من يده " بسررعه ندووش لا يخصوه عنك
آآآه يا قواة قلبك يا علوووي
********************
المثل يقول " ما تزرع بتحصده "
دانه .. تتذكرونها تتوقعون كيف هيا حياتها
- دااااااااانه ... داااااانه وصمخ
ارتجفت من سمعت صوته ونبرته هذي اللي صارت من ايام نبرته المعتاده
دانه : ســـ.....ـــم
- الحين مو قايل لك اذا ناديتك تجي لي بسرعه .. وين كنتي ..؟
دانه : بالمطبخ اسوي العشا
- زين .. زين .. الحين وين القهوه .. والا ما تعرفين تشتغلين زي الحريم والناس .. ما يكفي متحملك على ذمتي .. والا انتي من يتحملك ...
دانه بلعت نغزاته : سم اللي تبي .. هذاها القهوه وكل شي جاهز ينتظرك
- العشا لا يتأخر .. مفهوووم
دانه: على امرك
وراح وتركها تتجرع جروحها وألمها لوحده ...
مو يقولون زرعك بتجني ثماره دانه ... تدرون وش صار ليه هذي حالتها ..
هذي حالها بعد ما اكتشفها زوجها وهي تكلم رجل ومو بس كذا مو تخونه بس لا بعد تخطط معه على تحطيم عمتها .. ما تخيل حبه .. حب حياته اللي حارب أهله والناس على شانه يكون كذا .. مو بس خاين الا خبيث ..
ما توقع توصل لكذا ومالقى أي شي يشفع لها غير خالته وامه اللي تحبها حييل فتركها على ذمته لشي واحد يكفي العالم شرها بنظره وعلى شان امه مايبي الي حواليه ينصدمو فيها زيه
*********
بعد ما تاب نذر نفسه للدعوه وانقاذ الشباب من ماكان هو فيه ضايع لكن المفاجأه إمام المسجد يخطبه لبنته ... هو يتزوج ؟؟
مستحييييييل
طلال : أحمد ؟... أحممممد
فاق من ذهوله وانتبه على طلال يناديه : هلا ... سم
طلال : سم الله عدوك يا خوك وش فيك من طلعنا من المسجد وانتحالك مقتلب حصل شي ... فيه شي ؟؟
أحمد : لا .. ولا شي لا تشغل بالك
وقرر بداخله بكرا بيكلم امام المسجد هو مو وجه زواج ومستحي ل يتزوج
*****************
من هنا حبيت انهي البارت وان شاء الله البارت الجاي بيكون الأخيير وسلااامتكم
دانه: على امرك
وراح وتركها تتجرع جروحها وألمها لوحده ...
مو يقولون زرعك بتجني ثماره دانه ... تدرون وش صار ليه هذي حالتها ..
هذي حالها بعد ما اكتشفها زوجها وهي تكلم رجل ومو بس كذا مو تخونه بس لا بعد تخطط معه على تحطيم عمتها .. ما تخيل حبه .. حب حياته اللي حارب أهله والناس على شانه يكون كذا .. مو بس خاين الا خبيث ..
ما توقع توصل لكذا ومالقى أي شي يشفع لها غير خالته وامه اللي تحبها حييل فتركها على ذمته لشي واحد يكفي العالم شرها بنظره وعلى شان امه مايبي الي حواليه ينصدمو فيها زيه
*********
بعد ما تاب نذر نفسه للدعوه وانقاذ الشباب من ماكان هو فيه ضايع لكن المفاجأه إمام المسجد يخطبه لبنته ... هو يتزوج ؟؟
مستحييييييل
طلال : أحمد ؟... أحممممد
فاق من ذهوله وانتبه على طلال يناديه : هلا ... سم
طلال : سم الله عدوك يا خوك وش فيك من طلعنا من المسجد وانت حالك مقتلب حصل شي ... فيه شي ؟؟
أحمد : لا .. ولا شي لا تشغل بالك
وقرر بداخله بكرا بيكلم امام المسجد هو مو وجه زواج ومستحيل يتزوج
*****************
من هنا حبيت انهي البارت وان شاء الله البارت الجاي بيكون الأخيير وسلااامتكم
|
08-05-11, 05:32 PM
جديد مواضيع قسم القصص المكتمله من وحي قلم الاعضاء
العرض العادي
