}*& الجزء الثاني عشر &*{


قامت على آذان الفجر وزي عادتها صلت بعد ما خلصت فتحت كل الشبابيك اللي بغرفتها وجلست على سجادها تحاول تسترجع اللي حفظته حاولت تدخل حلقه بالكليه وتنظم حفظها بس مشكله ما قدرت تلزم نفسها وفوتت كثييير ما رجعت لهم لهت بصديقاتها وبنشاطاتها اللي ما تخلص وبكذا جزمت وعزمت ان على الأقل الفجر تجلس تحفظ وتراجع بنفسها

خلصت جزئها الحمد لله رتبت سجادتها وانتقلت لمكتبها تقلب دفترها الأحمر لونها المفضل ذات الزخارف الناعمه فتحت الدرج ما تدري اشتاقت له من يوم عطاها اياه اخوها عمر وهي تقريبا كل يوم تقراه وتعيده ما درت ان عند اخوها هالموهبه ولا درت ان كل هذي احزان بقلبه صح عمر ما صار يكتب الحين زي قبل يمكن يكتب كلمتين ويرميها والا يعطيها عليا بعد ماشاف حبها وشغفها على كتاباته وعزمت انها تصير زيه واحسن وهذا اللي خلاها تدخل قسم لغه عربيه حلمها تكون كاتبه ...

: عليااااااااااااا عمر عند الباب
نقزت عليا : اوبس ... نسيت نفسيييييييييي يااااااربي بيذبحني .... ( بصوت عالي) قووولي له دقيييييييييييقه

وراحت تتجهز وتلبس بسرعه مو ذاك الزود وحبها للكشخه عاد بس هي كذا طبعها بارده لو هي عبايه بس يبيلها نص ساعه على بال ما تخلصها

****************************
: اممممم
ناصر : حبيبي قووووم بنتأخر
عبير بنوم: مو رايحه اليوم
ناصر : وبأمر مين اليوم بالذات عند فل وكله محاضرات وغايبه قبل كذا يلا قوووومي
عبير : اووووف وحاسب لي بعد طيب فيني نووووم ما نمت زين
ناصر : اذا جيتي نامي ...عبيييير بتقومين والا اشيلك وارميك بالمغطس
قامت بخوف : نو... نو ....قمت قمت
ناصر حريم ما يجون الا بالعين الحمرا استعجلي يالله والا تراه خلصت الفطور عنك
طلت براسها من غرفة الملابس
عبير : سويييييت فطوووووور
ناصر : ايوه سوووويت اخلصي جيعاااان
عبير داخل الغرفه : وانت عمرك شبعت دقايق بس

قام ورح يرت الطاوله ويتأكد ... بعد امس بالليل وبكاها بحضنه قرر يبدل مزاجها ويأجل وقت الإعترافات بعدين مو وقته الحين وبعدين قدامهم العمر كله واللي يبيه منها بيطلعه بيطلعه ابتسم لها يوم طلت عليها تنفض شعرها الرطب ....
عبير : اووووف راحت علينا نومه
ناصر : قولي عليك كأنك ما صدقتي تصلين الفجر الا طايحه نايمه
ابتسمت بحيا وجلست على كرسيها واخذت ساندوتش كان مسويها لها
بعد بلعت اللي بفمها : وش سر كرم حاتم الطائي هاليوم
ناصر : ابد مافيني نوم قلت اخدم زوجتي حبيبتي .. لا تخافين مافيه مواعين ابد وما وطلعت شي ولا كتيت على الطاوله ولا انكسر كاس ولا....
وهي من الفجعه غصت بدت تكح
ناولها العصير
ناصر : صحه صحه ... كل هذا جوع
عبير : قل كل هذا فجعه مطبخيييييييي وش انت سويت فيه
ناصر ببرائه : ولا شي شويت قزاز على مواعين على شوي لطخات بس
عبير : طلبتك ناصر ...طلبتك لا تصير كريم زي اليوم
ناصر بزل : وهذا جزاي بعاون زوجتي
عبير : وصل ..وصل بس لا تدخل المطبخ راحت على الأقل ترتب الإعصار اللي خلفه زوجها العتيد قبل لا تروح لكليتها وتبدا دواام متعب

************************
في الكلية الساعة 9:30

ندى : دووووووووووووووووووووووبااااااااااااااات يكفي .... علووي شوفيهم
عليا : هم صادقين انتي وش اللي حادك على المشاكل
ندى : مو مشاكل بس وش اسوي مشتهيه اعلك
عليا : ما قلنا لا تعلكين بس وشوله البلونات الملونه اللي تخرج من فمك الجميل
ساره: خخخخخخخخخخخخخ بصراحه لو تشوفونها تموتون ضحك
واتقوم تقلد الدكتوره : انتي ياللي هناك ام علك ؟ كملي علكك برا على راحتك ما نحتاج خلفيات صوتيه بمحاضرتنا ..
وترجع تكمل بصوتها : وتجيكم اختنا مفهيه : هاه . . . أنا
وتجيكم الدكتوره تتلفت كذا (تقلدها) : فيه احد مطربنا هنا غيرك ... برااااا اشوف
رانيا: مسكييييينه انطردت رسمي ..ههههههههههههه
ندى : لا اصلا هي خبله ما تعرف شي وبعدين كلها فقعتين بس ...
ساره : ندووش حياتي كذبي اذا صرت مو موجوده اصلا من شريتيه وانتي قايله لي انك ناويه تنتقمين على تنقيصها لك بالإختبار
ندى: لا عاد ساره استري عااااد ..( والتفتت لعليا)
عليا قامت : عن اذنكم ...
ساره بسرعه : على وييين يا جميل والا ما عجبك فطوري
عليا : لا تسلمين روووعه بس بمر اختي واشتري لي جالكسي قبل ما ادخل المحاضره ... تبون شي على دربي
البنات : سلاااااااامتك
وراحت عليا
ندى : دوووبه سارونه كله منك شوفي زعلناها
ساره: ما قلنا شي انتي اللي حساسه
ندى : دوووبه تخيلي يوصل
ساره: مو واصل شي ...