كاتب الموضوع :
dali2000
المنتدى :
القصص المكتمله
الجزء الثانــي عشر
(كان اخر سؤال قاله يوسف..ريم تتزوجيني ؟!)
ريم: !!!!!!!!!
يوسف: لو انك قريتي الكرت كان عرفتي سبب وجودي..
ريم: مو عذر !!
يوسف:..........
يوسف: ريم والله عارف مو عذر..بس هو السبب اللي خلاني اجي..يمكن كنت ابي اشوفك ! اشوف ردة فعلك لو قريتي الكرت ! او يمكن ما كنت متوقع انك تجين عشان كذا رحت عشان اثبت هالشي..
ريم: تثبت ايش !
يوسف: اثبت اني اعرفك..واعرف انك ما فكرتي تجين..عقلي كان يقولي انك ولا حتى فيه امل تجين..بس قلبي يعطيني امل بالعكس..
ريم:...........
يوسف: ريم ما رديتي علي ؟؟
ريم:؟؟
يوسف: تتزوجيني !؟
ريم:...........
يوسف: ريم لا تسكتين..
ريم:........
يوسف: ريم عشان خاطري لو كان لي عندك خاطر..هالمرة ردي علي..تعبت من سكوتك..كل مرة احاول اقرب لك فيها انتي تبعدين بسكوتك..
يوسف: واجهيني بكل شي..باي شي في خاطرك..حتى لو كنتي رافضتني..المهم كلميني ولا تسكتين..
ريم: وانت تظن سؤالك بهالسهولة ينرد عليه !!
ريم: اصلا انت فكرت في السؤال قبل لا تقوله ؟
يوسف: يعني متوقعة اني بسال هالسؤال وانا قصدي العب ؟؟
ريم: لا !
ريم: انت تبيني اتكلم وارد عليك صح ؟!
يوسف:صح..
ريم: اجل اتركني اتكلم واسمعني للاخر..
يوسف:...........
ريم:يوسف انا ما قصدت بكلامي انك تلعب..انا كل اللي ابي اقولك اياه انه المفروض ما تستعجل وتقول اشياء انت مو قدها..او تندم بعدين لانك قلتها..
ريم: بعدين بالله عليك تسالني انا هالسؤال وتبيني اجاوبك الحين..اذا بنات اكبر مني بسنين ويقعدون ايام يفكرون باجابة..
ريم: وافرض اني بجاوب الحين..فيه شي راح يمنعني يا يوسف..هو تصرفك اللي سويته..وغير كل شي..
يوسف:.......
ريم: مو انت اللي تسوي هالشي..انا طول معرفتي فيك ما شفت الا الاحترام..واخلاقك العالية..عمرك ما احرجتني او حتى جرحتني بكلمة..تعتذر مني حتى لو ما كنت غلطان..تخاف ربك بكل شي تسويه وتقوله..افكارك ومبادئك تعجبني..احس عندك استعداد تتغير عشان شخص تحبه وتعزه..بس كل هذا تغير..
يوسف: ريم..
يوسف: تشوفين كل هذا فيني !!
ريم: ايه والله يا يوسف واكثر من هذا بس كله صار ماضي..
يوسف: لا يا ريم مو ماضي..اذا كان الله يغفر ذنوب الانسان مهما كانت كبيرة..وانا مو قصدي اقارن بس مو معقولة غلطة مني تخرب كل شي حلو بيننا..
ريم:...........
يوسف: ريم مو عيب اني اغلط بس العيب اني ما اعترف بهالغلط واستمر فيه..
يوسف: انا اعترف بغلطتي واعتذر منك..والله يا ريم اسف..
ريم: يوسف اللي سويته مو سهل..
يوسف: انا معاك ان اللي سويته كبير..بس يا ريم فيه فرق بين اللي يسوي هالشي لغرض في نفسه..وطبعا ما اقدر افصل بهالموضوع انتي عارفة الشباب وافكارهم..وبين اللي في نيته غرض واحد وامنية وحدة..
يوسف: هالامنية انتي عارفتها..واذا تحققت فانا بكون اسعد انسان في الدنيا..واذا ربي ما كتب لي احققها فانا اتمنى من كل قلبي ان ربي يوفقك مع الانسان اللي تحبينه ويحبك وترضين تكملين معاه باقي حياتك..
ريم: يوسف كلامك ما استاهله..
يوسف: ريم بس هذي الحقيقة..انا هذا شعوري اتجاهك..يمكن تعديت حدودي بس صدقيني ما كذبت عليك بكلمة..
يوسف: ريم صدقيني انتي ما تتخيلين شلون غيرتيني..انتي خليتي من يوسف شي ثاني..غيرتيه وغيرتي حياته..اعطيتيه امل بالحياة وفهمتيه انه في الحياة لا يمكن الواحد يكون خسران دايم..
ريم:يوسف يمكن اكون غيرتك ولو بشي بسيط..لكن انت كنت مستعد لهالتغيير..
يوسف: لا ياريم..انا اللي كنت مستعد له هو اني اكمل باقي حياتي حزين على وفاة امي..لكن مع طريقة كلامك معاي واهتمامك فيني خلاني احس فيه اشياء حلوة بهالدنيا انا ما ادري عنها..حبيتك من كل قلبي يا ريم..
ريم:..........
يوسف: ريم..والله اسف على اللي سويته معاك..
يوسف: ريم ابيك تسامحيني وتعطيني فرصة ثانية..ووالله العظيم لو غلطت عليك بعدها باي شي انا من نفسي راح انسحب..
ريم:...........
(ريم كانت ناوية تقطع صلتها بيوسف..وتنهي كل شي بينهم..لكن كلامه لها وبعد اللي صار بينهم..غيرت رايها..وحبت انها تعطيه هالفرصة اللي طلبها..وخاصة انها رفضته اكثر من مرة..)
ريم: انا راح اعطيك يا يوسف هالفرصة اللي طلبتها..وان شاء الله ما يصير شي مرة ثانية..
يوسف: شكرا يا ريم..ان شاء الله بحافظ على وعدي لك..
ريم:............
يوسف: ريم ابيك تسمعين هالاغنية..اهديك كلماتها من كل قلبي..
ريم:تسلم..
يوسفurl]http://songs.6arab.com/rashid..allah-la-ygeeb-eza3aal.ram[/url]
ريم: تسلم يوسف الاغنية مرة حلوة..
يوسف: الله يسلمك..
ريم: اوكي يوسف اشوفك على خير..انا لازم اطلع الحين ارتاح شوي..
يوسف: اوكي ريم..نسيت اقولك مبروك النجاح..
ريم: لوول الله يبارك فيك..يله باااي..
يوسف: باااي..
(اول ما سكرت ريم من يوسف..راحت على طول تبي تدق على الجوهرة..)
الجوهرة: الو..
ريم: هلا جوجو..
الجوهرة: ريم !! هلا والله هااه بشري وش صار..طلع هو والا لا..ارسلتي له ايميل ؟؟ هزئتيه ؟؟
ريم: بسم الله علي..شوي شوي..والله بقولك كل شي..
الجوهرة: طيب..ارسلتي له ايميل !؟
ريم: لا..شفته اون لاين..
الجوهرة: اها طيب وش قلتي له !
ريم:لا ما ينفع اقولك كذا..تعالي عندي..
الجوهرة: لا..لا انتي تعالي..امي طلعت مع اخواني والسواق معاهم..
ريم:اوكي الحين اقول لامي واجيك..
الجوهرة: اوكي انتظرك..باااي
ريم:بااااي
(وفي بيت الجوهرة..قالت ريم للجوهرة كل اللي صار بالتفصيل..)
الجوهرة:طيب !! يعني الحين من جدك راح تسامحينه..
ريم: ما سامحته بس عطيته فرصة ثانية..في انه يغير الفكرة اللي كونتها عنه بعد الموقف..
الجوهرة: ريم يعني بالعربي سامحتيه..
ريم:..........
الجوهرة:اممم تحبيه صح ؟!
ريم:لا ما احبه..
الجوهرة: الا تحبينه..والله تحبينه..
ريم: ايــــــــــــه احبه.. خلاااااص احبه ارتحتي !!
الجوهرة: !!!!!!!!
(الجوهرة كانت عارفة الاجابة..بس ما تقبلتها من ريم بالذات..)
(يسكتون شوي وكل وحدة تبي تبدا بالكلام..)
الجوهرة: طيب الحين انتي موافقة على سؤاله ؟!
ريم:لا..انا ما قلت اني موافقة ولا قلت اني رافضة..بس يالجوهرة وش اللي يمنعني دام هالشي مو غلط..
الجوهرة: اللي يمنع ان بداية هالشي غلط واذا البداية غلط الباقي كله غلط..
ريم: انا اعترف ان البداية غلط..لكن مو معناته اني عرفته من الشات..او من اي مكان ثاني يخليه انسان ناقص..انا عرفته زين..وهو عرفني..
الجوهرة: امممم ريم والله مدري..
ريم:.........
الجوهرة:ريم انا طول ما كنتي تتكلمين عن يوسف ما كنت اشوف انه ينخاف عليك منه..يعني كل كلامك عنه كان يدل على اخلاقه..بس بعد اللي سواه شكيت بالموضوع..
ريم: والله انا مثلك يا الجوهرة..بس هو فهمني قصده واعتذر من غلطه واعترف انه غلطان..
الجوهرة:اممم اوكي اجل لا تعطينه الفرصة وتتساهلين على طول..خليك قوية معاه..لو هو يحبك من جد راح يوفي بوعده..ولو مثل غيره من الاولاد راح يسوي تصرف مثل الاول..
ريم: ان شاء الله يا الجوهرة..
(تبتسم ريم للجوهرة..ويكملون سواليفهم عادي..)
(وتبدا اجازة بين الترمين..وتمر بسرعة..ريم ويوسف كانت سواليفهم مع بعض تقريبا شبه يومية..كلامهم مع بعض كان عادي..سواليف ووناسة وبحدود..هالسواليف ما تمنع حركات يوسف..بس ريم كانت متقبلة هالحركات..لان الاحترام كان اهم شي بينهم..)
(ويوم من الايام ولاول مرة اعترفت ريم بحبها ليوسف..كان يوسف قاعد على الكمبيوتر..ولا لقى ريم..قعد يدور على اغنية يرسلها لها..فكر وتذكر انه ريم تحب اغنية لراشد الماجد..مرررة تحبها..>>>> يســــألوني..)
|
27-12-08, 03:38 PM
جديد مواضيع قسم القصص المكتمله
العرض العادي
