|
اقتباس:
وهـ فديــــــــــــــــــــــــــــت اللي تهدي صدووود روحي عساك من اهل الجنة ان شاء الله ... وهذا ردي عليك .. بعض العرب .. قربه على القلب ضيقـ .. وبعض العرب .. شفنا { السعـــادة } بلقياهــ .. كوني بالقرب من هنا ألماستي .. كوني بخير’’’ اقتباس:
هلا فيك جايكوب منووورتنا الغالية ... الحمدلله على السلامة مبرووك الوصووول ... الاخوه هم .. غازي الكبير .. سعود ..وشوق طالب ورشا يكونو اخوان غازي الكبير فقط.. يعني مو اخوان لا شوق ولا سعود.. غازي الصغير ولد رشا وابوه هو سعود ... وراجح يكون عم غازي وسعود وشوق فقط .... ان شاء الله تكوني فهمتي معي.. كوني بخير’’’ اقتباس:
هلا فيك معنا الهد الشقي..منورة .. يمكن توقع معقووول ... كوني بخير’’’ |
اقتباس:
وعليكم السلام ورحمة الله اولا حياك بينا اخت وصديقه يارب عفوك ثانيا ياليت تتقبلين تدخلي وردي على تعليقاتك بان الروايه ادب نثري يحوي الواقع والخيال ولو كانت واقعا كاملا لما احتوت على جمالها الذي يجذب قراءها لها فنحن دوما نبحث عن واقع لانعيشه وعن اسرار واخبار وحبكات لاتحدث الا بالخيال حتى نهرب به من واقعنا ونعيش خيال غيرنا بالمه وعذابه وحبه وجماله نرجع لهديل واهلها اذا ابوها وعمها وهم كبار العايله قالو انها ماتت مين يقدر يشكك بكلامهم لو كان احد من الابناء او الاخوات ممكن بس الاباء صعبه انه يموت بنته وهي حيه وماحد قدر يشك الا الي اكبر من الابو الي هي الجده لانها شايفه حال ابنها ومايحس بالابن الا امه وبالنسبه لابوعلي شلون جالس ومايدور عليها طيب هو سبق ودور ودور لما داخ مالاقاها اصلا لقى غازي باع املاكه بالمملكه وهج وسافر بالله فين يدور عليها بخريطة العالم الكبيرة هذي وبالنسبه لهديل شلون ماتهرب ... طيب هي حاولت تهرب بس ماقدرت المزرعه كبيرة وهو حاط له عيون تراقبها وماتغفل عنها اصلا لو تبحثي عن المزارع والقصور القديمه باوروبا تلاقي انك يبي لك يوم اذا مو اكثر على ماتوصلي للبوابه الرئيسيه يعني تردد ياليل ماطولك بيكون عرف انها هربت وبيجيها وبيذوقها الويل على غير سنع وبالنسبه للموت اهون يعني تبغيها تنتحر مثلا مالانتحار طريق لجنهم والعياذ بالله اتمنى اني اكون مااثقلت عليك بردي ووضحت لك الصورة بالروايه ويعطيك العافيه ويارب تتواصلي معنا ونعيش الاحداث سوى : ) |
اقتباس:
وعليكم السلام ورحمة الله وبركاته .. حي الله خالتي الغالية وحشتني طلتك هنا يا بعد صدووود انتي ... عيدك مبارك مع من تحبين وتغلين ياقلبي,,, الاروع وجودك وعبق رياحينك يا الغالية .. ههههههههههههه حلوووو التعليق والتحليل ... أجل شياطينه مربوطين برمضان والحين خلاص شردوووو ... الله يعين هدووولة على الجاي... رشا وسرها ..يمكن يتعلق بسعووود وموته ويمكن هو سر يخصها لوحدها... ويمكن سر يخص أحد ثاني ومايعرفه غيرها .. معذووورة يا خالتي الغالية .. وهـ فديت القرووود يا حبني لهم بوسيهم لي خالتوووهـ ,,, كوني بخير ياغاليتي ,,, اقتباس:
مر أكثر من موقف علينا يبين أن ام غازي مو معترضة على تصرفاته .. ربما هي تثق بولدها... ويمكن مصدقة بفكرة الجارية وراضيه عنها.. أو مثل ماقلتوا مملك عليها ... جمع المعلومات مثل ماقلت لكم مو شيء صعب ... لا عاد يركب كاميرات في غرفتها ...هذي شيلوها من بالكم <<على قوول هموسة خالتي قماشة صاير سلامة راسك .. لاتشيلي هم كل شيء راح يتوضح لكم ويبين .. والله لو اقدر أنزل اكثر ما اقووول لا .. لكن كل شيء مربوووط بالوقت والظروووف ..لأن وقتي مو ملكي... حياك الله ملووكة كوووني بخير’’’ اقتباس:
هلا والله مترفة وحشتني الطلة ... حياك الله دائما تهوري وطلي علينا ... تسلمي حبيبتي رايك يشرفني ويسعدني ... معك حق هديل كرهت قناع غازي القاسي .. وتخاف منه فأكيد راح تتضايق لما تشوووفه رجع على حاله القديم من القسوة ... سر رشا بينكشف في وقته ... مثل ماقلتي ام غازي راضية وما اعترضت بتصرفات غازي مع هديل.. يعني ممكن يكووون متملك عليها ... حياااك الله ميتووو <<دلعك ^_^ كوني بخير’’’ |
صدود بيني وبينك (خلود او شهد ) صديقات هديل وحده منهم وصلت معلومات هديل لشوق اللي وصلتها لغازي
|
اقتباس:
وعليكم السلام ورحمة الله وبركاته ... هلا فيك يارب عفوك منورتنا بتواجدك ... الله يعافيك ويسلمك مشكووورة ... مافيه مشكلة انتي ما اقتنعتي باللي سواهـ الأب والعم مع هديل... وأنا لاني متوقعة من البنات يرفضوا هذا الشيء ويقولا كيف قدروا يقنعون العائلة بوفاة هديل.. أنا حليت هالشيء في الحوار اللي صار بين أبو علي واخوه وعيالهم .. راح أقتبس هذا الحوار عشانك ... علي\ليش ماجبتوها ندفنها قريب منا ياعمي؟؟ ابوراكان\خلاص ياابووك الى متى بنعيد الكلام..ماتت بساعتها والديرة اللي كنا فيها مقطوعة لا ابراج اتصالات ولا اسعاف مثل ماعندنا..حتى المستشفى عندهم لا ثلاجات موتى ولاشيء.. دفناها وصلى عليها مطوع ومعنا رجاجيل من هل الديرة.. محمد بقهر\وانتوا وش وداكم ل الديرة؟؟ليش ماقلتوا لنا كان واحد منا وداكم أبوعلي اول مرة يتكلم\وش كنت بتسوي كنت بترد الموت وقضى ربك..كنت بتحرص عليها اكثر مني.. ولاماني بمالين عينك يا الورع.. كان يتكلم بقهر وحرقت قلب ماحد منهم حااس با اللي في جوفه.. احزنوا الحين ابكوا عليها وعزوا..خلوني انا لحالي شايل حسرتها في قلبي.. اعتبروها ماتت وانكم تعرفون انها عند رب كريم..ولا تدرون انها بعرين أسد قاسي.. الله قادر ينسيكم اياها..وعسى ربي يصبرني عليها..عسى ربي يسامحني.. محمد يحب راس ابوه\استغفر الله العظيم..يوبه من حزني عليها من فجيعتي والله. أبوعلي بصوت جريح\هديل الله يرحمها واللي يبي يعذبني ويقهرني يرجع يسالني عن موتها .. ماعاد ابي احد يسالني عن موت هديل ارحموا حالي ارحموووها.. الكل سكت ولارفعوا عينهم فيه..احتراما لرغبت أبوعلي الكل بلع اسئلته بجوفه وكتم الضيقة بقلبه.. ابوها تعذر ان القرية كانت مقطوووعة لا اتصالات ولا اسعاف حتى ثلاجات موتى مافيه.. ومثل ماتعرفين وكلنا نعرف ان اكرام الميت دفنه... وبكذا غطوا على سالفة وفاة هديل... وبنهاية الاقتباس ولان أبو علي يدري ان العيال بيسالون ويستفسرون عن الحادث.. قال اللي قاله عشان يمنعهم من السؤال في الموضوع.. وهم كتموا اسئلتهم احتراما لكلامه ... أما ان ابو علي ما دور على بنته فهذا شيء غلط والغلط ماهو مني ... لأني ذكرت انه دور على غازي وهله لكن غازي باع ممتلكاته في الرياض وفي جده .. وبكذا ابو علي ضيع الطريق عشان يوصل لغازي.. وهذا حواره مع اخووه ابو راكان ..أقتبسته .. أبوراكان\ياحسين؟؟وش فيك ياأخوي ماترد علي؟؟ أبوعلي\هاه هلا ما أنتبهت عليك أعذرني.. أبوراكان يجلس جنب أخوه\عسى ماشر ياأبوعلي؟؟ أبوعلي\مابه الا ماأنت خابر.. أبوراكان\وش سويت يوم رحت جده؟؟ أبوعلي\ماله أثر باع بيته ومزرعته ولا أحد يعرف مكانه.. ابوراكان\وبيته اللي هنا باعه.. أبوعلي\ماهو في الديرة..وبنتي معه.. أشوووف أن أغلب الشخصيات بنظرك مغفليـــــن <<لا باس هذا رأيك الخاص.. بالنسبة لهروووب هديل ... هي ما ترعف باي بلد هي موجودة .. وحتى لو عرفت ..كيف راح تتصرف .. هديل راح ترد عليك مو انا ... هذا أو اقتباس لهديل.. صوفي\سأساعدك على الهرب..ولكن كفي عن البكاء.. هديل\ارحلي عني.. صوفي تمسح على ظهر هديل\أنا لا أطيق حبسك هنا والتحكم بك..سأساعدك.. هديل بسخرية\وماذا عن وعدك لماكس..؟؟ صوفي\وعدته أن لا اخرجك من المزرعة..ولكني لم اعده بعدم مساعدتك على الهرب.. هديل جلست على القش\وان خرجت من هذا المكان..فأين أذهب.. ضحكت بسخرية\حتى أني لا أعرف ما اسم هذه البلاد..ولا كم تبعد عن موطني.. ان خرجت من هنا فلن اعود الى أمي أبداً..فأنا لا أملك الا اسمي وأخشى بأني بدأت أنساه.. وهذا اقتباس آخر بلسان هديل..... صوفي قررت تساعدني على الهرب.. بس اذا أنا هربت وين أروح من يساعدني.. أنا ما اعرف البلد ولا اعرف كيف أتصرف.. ماجابني لهنا الا لأنه متاكد اني ما اقدر اهرب او ابعد عن هالمكان.. أخاف أهرب وأضيع.. أهون ذيب واحد ينهشني..ولا الف كلب يقطعني.. أظل هنا واكون بأمان.. ابتسمت بسخرية على حالها.. الله يا الأمان الموجود..مسلمة بين مئة كافر.. ناظرت ل السماء.. يارب أحرسني بعينك اللي ما تنام. مصيري أهرب منه وأرجع لهلي ولابيقدر ياخذني مرة ثانية.. يمكن الرواية بنظرك هي فقط بداية ونهاية .. ولكن بمنظوري انا الرواية هي باحداثها ... وأنا لا أكتب أحداث لا يكون لها صلة أو علاقة بما قد يأتي لاحقاً من أحداث أخرى.. فالتسلسل في الأحداث شيء مهم بكتابة الرواية أو القصة ... وبالنسبة للكلام اللي أنتي كتبتيه وأنا حددته بالأحمر .. لم يعد يأثر بي أن يقوم أحداً ما بالتشكيك بديني وعقيدتي... فأنا أثق بنفسي وأضع ربي دوماً نصب عيني .. نقدتي بما لم يعجبك ولم تستهويه نفسك ..لا بأس في ذلك ... لكن أن تنتقدي ديني فليس لك الحق بذلك أبداً ... كوني بخير’’’’ اقتباس:
شكراً بحجم السماء غاليتي همسات وردة ... كلامك لا غبار عليه .. رد متكامل ووافي ... كوني بخير غاليتي ’’’ |
| الساعة الآن 03:32 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية