|
السلام عليكم
يعطيك العافيه نسومه ما قصرتي والله والحين وصلنا للنقطه المنتظرره اعتراف نوف وملكه شوق وزاد التشويق اتمنى تركي يكون موجود وقت الاعتراف ينكوي حتى زيادة ويقرر انه يروح يتزوج المجنونه بسرعه اعذريني نسومه لقله ردودي واصلي وانا متابعه للنهايه |
السلام عليكم و رحمة الله و بركاته
قــراء " يا دنيتي يكفيني عذاب " الرجاء عدم وضع ردود مخالفه لحين دخول الكاتبه و إذا تأخرت فــ عذرها معها أي رد مخالف بعد ردي تغلق الروايه بياض الصبح .. .. .. |
السلام عليكم جميعا متشوقه كثير لصدمه العجوز الشمطاء وولدها اللي شايف روحه على خلق الله لما يعرفون ان نوف مرت ولدهم الصايع نويصر واللبس الله يهديج يانسومه خلاص تكلفنا ولبسنا بعد ومكياج احلى الصوالين
|
اسفه كثير على تاخري لكن للي اكتب بالبارت ( من طوله وكثر الاحداث فيه ) لكن وعد يكون الليله بارت يستاهل انتظاركم وبيكون روووووعه قليلة فيه وطوووووووووووووووووووووويل قد انتظاركم له فيه جزئتين مؤثررررررررررررره كثير بالورد بخط arial بخط 20 وصلت 200 صفحه وباقي جزئه كبيره يمكن توصل ل50 ومشكلي بطيئة بالكتابه اتمنى تعذروني على تاخري اختكم نسايم نجد |
الغوالي الي يطلبون مني الاستعجال بمعرفة تركي لنوف وانها زوجة ناصر اقول لهم ناويه اعذب تركي شوي وهو يعذب زوجة ناصر وبكشف لكم نقطه / انكشافها له بيكون بتخطيط من مها وتنفيذ منها بمشهد خرافي بيزيد من عذاب العاشق المتيم بارت اليوم بارت دسمممممممممم وفيه انكشاف السر على لسان نوف لمن كشفت سرها ( تابعو الروايه وبتعرفون ) ادري اني تاخرت عليكم كثير ووعدتكم الاربعاء وصار الخميس والسبب لدسومة البارت وطوله ومشكلتي بطيئة بالكتابه بارت اليوم هو البارت الوحيد الي تعبت بكتابه البارت طول ثلاث بارتات واكثرررررر الرجاء عدم طمر السطوررررررررررررر البارت السادس والخمسون عند نوف دخلت البيت مع المربيه وهي تتامل البيت باعجاب دخلت الصاله وجلست على الكنبه وركان عيونه عليها رافض كشفها لوجها الي بيدمر كل من شافه تامل لبسها كان ساتر هي تحلي البس مو البس يحليها طالع بوجها وسرح فيه سبحان الله كان خالي من المكياج لكن فيه مكياج رباني يغنيها عن كل انواع المكياج العيون مكحله من خالقها والخدود مشربه بحمره والفم بلون الكرز ركان في نفسه / والله انك ما تنلام ياتركي الي قدامي هلاك نوف انحرجت من نظرات ركان الي نسى نفسه وصار يتمقلها نوف باحراج / ما شاء الله حلوووو ركان استحى من نفسه ومن نظراته الي خانته وبابتسامه / زين اعجبك نوف بابتسامه / فيه شبه من بيت ابو ثامر ركان ابتسامه / صاحبهم واحد نوف بستغراب / من صاحبهم ركان وعيونه على وجها بيشوف ردت فعلها / تركي كشرت بوجها وبحقد / ما توقعت بيطلع منه شي زين ركان في نفسه / وينك يا تركي وتشوف كرها لك يمكن تصحى من جنونك لكن من بيقدر على جنون العشق الله يبرد قلبه قطع عليه نوف بجديه / متى بيجي ابوك ركان بابتسامه / افهم من سؤالك شوق للوالد نوف بابتسامه / الله يخليه الي زوجي واكيد بشتاق له وبفرح بجيته ركان بجديه / ما ندمتي على قرار بقائك مع ابوي نوف بصوت حزين / تتوقع الي فاقده ابوها وما شبعت من حنانه تندم اذا جاها البديل من شفت ابوك شفت فيه ابوي بكل شي حتى بالملامح الي عالقه بعقلي ونزلت دمعتها / حتى بالمرض ابوي جته جلطه وصار سنه طايح مثل ابوك وبعدها مات ركان بيغير الموضوع / عندك لبس لملكة بنتك نوف بابتسامه / عندي ركان بابتسامه / ليكون فساتينك من الي على خبري نوف بابتسامه / اكيد هذا لبسي ركان بجديه / انتي بدوله محافظه مو كل لبس يناسب انك تلبسينه نوف بجديه / انا البس لنفسي ما البس لناس وقف وبجديه / روحي نامي ابوي باقي وقت على ما يجي رمت حجابها على عين ركان الي يحاول يتجنب النظر لها لانه فتنه شلون ماتكون فتنه وهي قدرت على قلب تركي مشى من قدامها وهي تمددت على الكنب وتفكيرها بزيارتها لسالم وشلون وجهه ينطق طيبه نوف بنفسها / لازم اكمل الي بديته واخلص نفسي من الحبل الي خانقني واقول له كل شي وارتاح اااااااااااااه الراحه صارت امنيه اتمناه ولازم تصير لازم سالم يدري بمصايب اخوه الي شايفينه ملاك ومخليني عند اهله شيطان ورجعت بتفكيرها / يا خوفي انك تخيب ضنوني يا سالم كل املي بع ربي فيك ياخوفي يطلع وجهك عكس الي بشوفه منك بكره بروح وبقول له كل شي والي فيها فيها وهي بتفكيرها نامت بمكانها عند تركي بسريره يتقلب وانفجع وهو يشوف ساعته وحده فز واقف شلون نسى شوق ومنقهر من شوق الي ماكلمته طلع من غرفته وصل عند باب غرفة ساره شاف النور شغال طق الباب وبعدها فتحه ودخل راسه شاف اخته جالسه على مكتبها وبين ايدينها اوراق وتكتب تركي بجديه / بنت اخوك جت رفعت عيونها في اخوها وبجديه / ايه دخل تركي و جلس على سريرها بيسحب منها كلام عن الي مسهرته ومطيره لنوم من عينه تركي بابتسامه مرتبكه / وش اخبار روحتها ساره بزعل / تقول انها انبسطت تركي بجديه / روحي لغرفة امي شوفيها اذا صاحيه ناديها ساره بصدمه / تبيني اناديها الحين اكيد انها بسابع نومه تركي بجديه / خلي عنك هالكلام وروحي شوفيها طلعت ساره وتركي بالغرفه يقلب عيونه بكل شي فيها دخلت ساره غرفة امها بهدوء شافت شوق نايمه رجعت عند اخوها ساره بجديه / نايمه تركي وقف / اذا شفتيها قبل لا شوفها قولي لها ملكتها بكره ساره بققت عيونهاااااااا / هاااااااااااااه تركي مشى وفتح الباب / الي سمعتيه بعد المغرب تكون جاهزه طلع تركي وساره تاكل بنفسها ساره بضيقه / على كيفهم بكره الملكه مايمديها تتجهز ولا يمديني اشتري لبس اكيد شوق لادرت بتفجر البيت علينا اووووف منك يا تركي عليك تصرفات تقهر عند نوف رجع لها الكابوس الي ما يفارقها صرخت صرخه هزت البيت عند ركان منسدح على سريره بينام فز مرعوب من صوت صرخة نوف وقف وركض برعب وصل لها شافها تصارخ وهي نايمه واضح انها شايفه كابوس ركض لها صار يضرب خدها خفيف ركان بحنان / ام سالم قومي فتحت عيونها وانهارت بكي افزع ركان وبهذيان / قول لها ما قتلتها هو الي قتلها وصارت تبكي بحرقه انفجع من الي يسمعه وبصراخة قهر / بتذبحني بتنتقم مني والله كنت مغصووووووووووبه اذبحها ركان يهزها بقوه وبصراخ / اصحي انتي بكابوس شافت ركان بوجها رمت نفسها بحضنه وهي محتاجه للي يواسيها وصارت تبكي بنحيب موجع ركان تركها وبيفهم بعدين تفسير للكلام الي سمعه بعدها عن حضنه الغرقان من دموعها وبصوت جاده / تعوذي من ابليس وصلي ركعتين من شكل ركان متاكده انها فضحت نفسها حاولت تهدي نفسها بالغصب كله ولا ركان يكشفها نوف بارتباك / كل الي صار قطع كلامها ركان وهو يوقف / الي صار بفهمه بعدين نوف مسكت يده وبضيقه / مافي شي بتفهمه كنت عند مها واجبرتني اشوف فلم مرعب وهذي النتيجه ركان يطالع بعيونها الحمراء من كثر البكي وبشك / اكييييييييد نوف بارتباك / اكيد ليكون صدقت اني بذبح احد الذبانه ماقدر اذبحها ركان بجديه / لا عاد تطالعين افلام مادامك بتشوفينه بمنامك هزت راسها بالموافقه ورفعت يدها تمسح دموعها الي تنزل وقف / ادخلي غرفتك ونامي فيها لاعاد اشوفك نايمه على الكنب وقفت / راحت علي نومه سمع صوت الجرس مشى من قدامها شاف عبدالله ومعه واحد اول مره يشوفه نزلو وسلمو على ركان ونايف حاس باحساس غريب حاس وكان في هالبيت شي يخصه حس بنفضه بجسمه ودقات قلبه زادت وبدا يحس بالاختناق التفت على صديقه وبتعب / بسبقك لسياره ركان بجديه / تفضلو وش معجلكم عبدالله مستغرب حال صديقه / وصلنا الامانه وبنرجع لشقتنا نرتاح فيها ركان بحب / شلونها الامانه عبدالله بابتسامه / الحمدلله مشى عبد الله لسيارته وركان معه شاف صديقه منزل راسه واضح عليه التعب وبسرعه فتح الباب شال ركان ابوه وحط شنطته على كتفه ومشى من قدامهم عند عبدالله ركب مكانه نايف باختناق / امش بسرعه عبد الله جرك سيارته والتفت لصديقه وبجديه / وش فيك نايف باختناق وبصوت حزين / والله مدري من فتح لنا الباب ودقات قلبي تزود ومعاد اقدر اتنفس واطرافي بردت شي بداخلي يطلب مني ادخل معه وبصوت حزين / بتقول عني مجنون لو قلت احس ان ابوي داخل هالبيت عبد الله بحنان / الله يرحم ابوك هذا من قلة الاكل والنوم نزلت دموع نايف / والله اول مافتح الباب شميت ريحة ابوي الله يرحمه طالعه من بيته عبد الله بجديه / وانت عشت مع ابوك علشان تميز ريحته عبدالله بحرقه / ابوي ريحته عالقه بذهني صدق مات وما تذكر شي منه الا ريحته مستحيل انساها وهو كان الام لي عبد الله بضيقه / تعوذ من ابليس يارجال نايف بضيقه / اعوذ بالله منك يابليس وبرجاء / لازم اجي هالبيت واشوف وش داخله علشان ارتاح عبد الله بصدمه / وش يجيبك واذا جيت وش بتقول لرجال انت ماخذ شي يخصني قويه هالكلمه عليه ويمكن يذبحك لسمعها تنهد تهيده طويله عبد الله بجديه / فيك شده تروح معي للمستشفى نايف بضيقه / لا نزلني عند الشقه وانت روح لاختك عبدالله وعيونه على صديقه الي واضح عليه التعب / اجل كلنا بننزل بالشقه واذا على منى بكلم صقر يطمني نايف بضيقه / روح لاختك وانا معلي شر بدخل وبنام عبدالله باصرار / حتى انا تعبان وبنام والوقت متاخر مافي زياره لصبحنا رحت لها نايف يعرف صديقه واصراره وماله خلق يجادله سند راسه وبدت ريحة ابوه تختفي بعد ماختفى بيت ركان نايف مغمض عيونه / راحت عبد الله التفت له وبستغراب / وش الي راحت نايف بضيقه / ريحة ابوي عبدالله بعصبيه / يهالريحه الي بتخليك توسوس يمكن الرجال حاط نفس العطر الي كان عند ابوك نايف بابتسامه حزينه / مستحيل تفهم الي فيني يمكن الحاسه السادسه تذكر تعبي المفاجئ وبحزن / حسيت بمبارك وهو يصارع الموت والي صار الحين قدام باب رجال ماعرفه وفوقه ريحة ابوي الي من قوتها خنقتني وتقولي عطر لو اني بزر بصدق هالشي عبدالله ماعنده رد ركز بطريق ونايف سند راسه عند ركان دخل البيت وهو شايل ابوه دخل الصاله ماشافه قرب من غرفتها ركان بجديه / ام سالم ابوي معي فتحت له نوف الباب وتمنى ما فتحت ولا شافها كانت لابسه بجامه شورت كحلي بدباديب وبلوزتها كحليها وبالوسط دب مجسم وكانت بشرتها مثل الكرستاله صد عنها ركان بضيقه / وخري بدخل ابوي بعدت عن الباب وركان دخل وسدح ابوه وطلع بدون ما يوصيها عليه هذي قنبله وخايف تنفجر فيه نوف منصدمه من حركته بستغراب / وش فيه ليكون للحين شاك فيني اوووووووووف وبعدين مع هالكبوس الي بيفضحني زادها اصرار لمقابل سالم سكرت الباب وراها ودخلت قربت من ضاحي وباسته على خده وبحب وبحزن / يبوني اتطلق منك ما يدرون اني ما اقدر اعيش بدونك انت ابوي ورجعت لي وجودك بحياتي بيحميني من الكل عند ركان دخل غرفته معصب من نوف وجرائتها بالبس هو رجال ويخاف عليها منه ركان بعصبيه وقهر / وبعدين متى تغير هالفساخه الي تلبسها والله كرهت اجلس معها بسبب لبسها هذي ما تخاف يغويني ابليس واضرها ولا شايفتني مو رجال استغفر الله وبجديه / اذا الام هذا لبسها اجل البنت اكيد تمشي بدون هدوم ابتسم بحب لطاري شوق / عز الطلب تمشي قدامي بدون هدوم لكن احش رجولها لطلعت لابسه مثل لبس امها فديتها متى يجي بكره واكحل عيوني بشوفتها هههههههههههههههه بدال ذاك الوجه المرعب الي شفته ( نسومه تقولك ياقلبي عليك تبي شوق تتفسخ لك كثر منهااااااا ) عند نوف رجعت وانسدحت مكانها والنوم طارمن عيونها خايفه تنام يرجع لها الكابوس بتبقى صاحيه لين تقابل سالم وبعده بتنام كلمت سواق مها وطلبت يجيها الساعه 6 ورجعت تنسدح لين يجي الوقت عند نايف منسدح على سريره والنوم طار من عيونه كل ما قفل عيونه بينام تذكر الي صار التفت على صديقه الي واضح انه مهموم نايف بجديه / روح لهم لا تحرق بنفسك عبد الله بضيقه / اذا تبيني اروح تروح معي نايف بعصبيه / صاير وياك كانا توئم سونامي ما ننفصل وبعدين مالي مكان بينكم قولي بصفتي شنو يوم بروح معك عبدالله بجديه / روح معي واجلس بكفتريا المستشفى واذا خلصت جلسنا نفطر سوا نايف وقف ما يبي يكون السبب ان صديقه مايشوف اخته نايف بعصبيه / امري لله امش وقف عبد الله وبابتسامه / الحين صرت صديقي الصدوق نايف طالعه بعصبيه / ماصير صديقك الصدوق الا اذا مشيتني على كيفك عبد الله يلبس غترته بحب / يالخبل تعرفني خايف عليك واذا رحت بدونك بشيل همك نايف / امش طلعو ركبو السياره وساق عبدالله بطريقه للمستشفى عند ام صقر انتبهت لوجود سميه وقفت / يا بنتي سامحيني انشغلت ببنتي وماسلمت عليك قربت منها سميه وهي منحرجه من طيبة الانسانه الي قدامها سلمت عليها سميه باحراج / الحق علي خاله المفروض اني مسلمه عليك ومعرفتك بنفسي ام صقر بصوت حزين / من انتي يا بنتي سميه بجديه / اسمي سميه صديقة منى بالمدرسه ونزلت راسها / واخوي هو الي جابها هنا ام صقر بامتنان / الله يجزاك خير انتي وخوك سمعت طق الباب ام صقر باحراج / يا بنتي صقر بيشوف اخته سميه بابتسام احراج / كنت عندها مدام جيتو بطلع لبيتي لبست سميه شيلتها وتنقبت وطلعت من الغرفه شافت شاب ومعه 4 حريم وشغالتين مشت من قدامهم عند صقر اول ما شاف البنت طلعت دخل وداخله لهفه وشوق على شوفة اخته للحين مو مصدق انه لقاها شافها متمدده على السرير ووجها الملائكي مختفيه ملامحه والكدمات محوله بياضه لسواد قرب منها وباسها على خدها ونزلت دموعه الي غرقتها منى حست بدموع اخوها الغالي وبنفسها / اااااااااااه يا صقر دموعك حرقتني تكفى لا تبكي مابي اصحى ارحمووني مابي ارجع للحياة انا مت متتتتتتتتتتت مع عيالي عند سميه وصلت لصالة الانتظار ادور على اخوها واستغربت انه مو فيه فتحت شنطتها وطلعت جوالها واتصلت عليه عند ماجد كان نايم بالمجلس وسيف طلع لبيته سمع صوت جواله رفعه شاف رقم اخته ماجد بصوت كله نوم / هلا سميه سميه بجديه / تعال برجع لبيتي ماجد بستغراب / شلون غيرتي رايك سميه بضيقه / خلاص مالي وجود واهلها عندها فز ماجد جالس وبصدمه / اهلها عندها من قال لهم سميه بضيقه / صديقتي اخذت رقم اخوها من الاتصالات وطلبت من زوجها يكلمه وكلمه وهذاهم عند بنتهم ماجد حس براحه / الحمد لله وهي شلونها سميه بحزن / الحمد لله الدكتور طمنا وصحت من الغيبوبه لكنها رافضه تصحى ماجد بصدمه / ليييييييش سميه بحرقه / تسال ليش وانت تشوف الي صار لها سهل وقف ماجد وبجديه / الله يصبرها جايك بطريق سميه بجديه / انتظرك بالكفتريا عند عبدالله دخل المستشفى مشى مع صديقه باسياب المستشفى شاف الكفتريا دخلها بعد ماتاكد ان صديقه جلس على وحده من الكراسي كمل طريقه بيشوف اخته عند سميه دخلت الكفتريا وطلبت لها عصير وجلست شافت رجالين داخلين الكفتريا واحد مشبهه عليه وتحلف انها قد شافته وبالصدفه جلس نايف مقابلها سميه بنفسها / ياربي وين شايفته متاكده اني قد شفته وتكلمت معه وعيونها مركزه عليه ونايف احرقته نظراتها عند نايف نايف بنفسه / صدق ما تستحي اكلتني بعيونها وقف ومشى بيغير مكانه بعيد عن نظراتهاااااااااا الي حرقته عند سميه لحقته بعيونه لين اختف سميه في نفسها / شكلي خوفت الرجال بنظراتي والله يشبه احد لكن من يسميه من يشبه شافت اخوها وقفت وطلعت معه وتفكيرها بالي شافته ركبت السياره كانت تعبانه سندت راسها وماجد احترم تعبها وسكت وصلت للبيت وادخلت غرفتها اخذت شور ورمت نفسها على السرير ومن التعب نامت عند عبد الله وصل لغرفة اخته شاف مرام وستغرب وجودها قرب منها عبد الله بصدمه / مرام مرام باحراج / هلا عبد الله بجديه / انتم جاين مع صقر مرام بجديه / ايه والحين خالتي وامي وصقر وديما داخل و واذا طلعو دخلت مع نجود عبد الله بجديه / اجل بدخل دخل شاف اخته متمدده على السرير قرب اكثر واوجعه قلبه وهو يشوف الكدمات بوجها شاف امه جالسه وخالته جلسه بالجهه الثانيه وديما ماسكه يد امها وتبكي بحرقه وصقر واقف يطالعها ودموعه تنزل بحراره على حال اخته قرب من منى وباس جبينها وبصوت باكي / الحمد لله على سلامتك طيحتك كسرت ظهورنا ارجعي لناا الموت اهون علي من اني اشوفك طايحه هطيحه منى بنفسهاا تصرخ / لاااااااااااااااااااا روحي راحت مع عيالي اذا رجعت رجعت لكم جثه منزوعة الروح وصارت دموعها تنزل بحراره شافها عبدالله وانصدم / منى تبكي ام صقر بحزن / اختك فايقه من غيبوبتها وتسمعنا لكنها رافضه تصحى عبدالله بفرح / الحمد لله عند نوف طلعت من الغرفه دخلت المطبخ جهزت لضاحي اكله بتفطره قبل لا تروح رجعت لغرفتها واخذت منشفه مبلله ومسحت فيها وجه تبيه يقوم علشان ياكل فتح عيونه وبدت تاكله بعد ماخلص شالت الاكل ودخلته المطبخ ورجعت الغرفه صارت تبدل له ملابسه وتنظفه بالزيت وبعد ماخلصت رشت عليه بودره ولبسته وبعدها دخلت الحمام اخذت شور و دهنت نفسها بلوشن وطلعت لغرفتها فتحت شنطتها اخذت لها بنطلون كحلي فضفاض وبلوزه كحليه ناعمه اختارت لبسها على مزاجه المتعكر وختارت لها حجاب كحلي صاير شكلها كانها رايحه لعزاء بعد ما خلصت جلست على كرسي التسريحه وتنهدت بضيقه / يارب عطني قوه تخليني اقول كل الي عندي بدون مانهار سمعت صوت ركان وبعده اختفى طلعت ماشافته دق جوال مها الي غصبت عليها تاخذه كان السواق طلعت برجول تنتفض وركبت السياره وطول الطريق تقرا ادعيه واذكار شافت الشركه ودقات قلبها زادت لكن مصره على الي جايه له مستحيل تتردد نزلت ودخلت الشركه وصلت لمكتب السكرتير نوف بضيقه / لو سمحت ابو سعود موجود السكرتير يتامل نوف وبابتسامه / ايه مانتظرته يكمل طقت الباب عند سالم جاي قبل الدوام بساعه قبل لا يداوم اخوه وفي نفسه يتمنى البنت الي جته ترجع له اليوم متلهف يعرف سالفتها ويفهم منها سمع طق الباب وهو يدعي تكون هي سالم بجديه / تفضل دخلت نوف بشكلها العذاب المدمر على طول صد عنها سالم بجديه / تفضلي كنت انتظرك قربت برجول تنتفض وجلست قدامه وبارتباك / اتمنى تكون اليوم فاضي سالم بابتسامه / كنت متاكد انك بتجين علشان كذا جاي بدري نوف زادت توتر لاقصى حد وبصوت يرتجف / مستعد تسمعني لنهايه سالم مستغرب توترها الزايد وابتسم لها بيطمنها / مستعد صارت تفرك بيدها بتوتر وتحس ببروده وبحراره وكان فصول السنه تجمعت بهالحظه استغرب سالم سكوتها وبابتسامه تشجيعيه / قولي الي عندك نوف بقلق وتوتر / قبل لاقول لك الي جابني توعدني الكلام الي بقوله مايطلع بينا لان فيه ناس مالهم ذنب بيتضررون سالم استغرب طلبها وزرعت الخوف عنده سالم بخوف / خوفتيني يابنت الناس قولي الي عندك نوف باصرار / اول توعدني سالم بجديه / اوعدك الي بتقولينه بيكون بينا نوف بضيقه / اتمنى تكون عند وعدك سالم بعصبيه / ما عررفتي سالم اذا وعد ماخلف نوف حست ريقها نشف والكلمات وقفت بحلقها وانرسم الرعب والحزن على وجها بعمرها ما تكلمت في الماضي والي اكتشفوه اكتشفوه صدفه وانغصبت تقوله نوف بصوت حزين موجع وبدات دموعها تنزل قبل لا تبداء كلامها وعيون سالم تتفحص تعابير وجها الي انقلبت فجئة نوف بحرقه وبصوت باكي / صدقني مكرهه اقول الي عندي وكل كلمه باقولها جمره تكويني وكملت بشهقات موجعه / ماتت امي وعمري 9 والسنه الي بعدها مات ابوي صرت يتيمه انحرمت من حضن امي وانحرمت من حنان ابوي ربي اخذهم وبلاني باخو بخيل وما يخاف ربه وبتسمت بين شهقاتها / وكان عندي اخو صغير صرت امه الي فقدها قال لي كلمة ماما الي انحرمت انا منها سالم في نفسه بستغراب / هذي وش عندها تقول لي قصة حياتها ليش تقولها لي وش بتستفيد لكن وش وراي خليني اسمعها لنهايه كانت نظرات سالم لها كلها استغراب ما هتمت لنظراته المستغربه نزلت عيونها على يدها الي حمرت من التوتر وزاد نحيبها وبحرقه / كانت تمر علي شهور بدون ماسبح كانت النظافه بطريق وانا بطريق اخوي بخيل ويحاسبني على كل شي حتى نقط المويه يعدها علي كنت اروح المدرسه بثوب وسخ وشعر كله قمل الكل ينفر مني ارسلت المديره رسايل تطلب من ولي امري يهتم بنظافتي كنت اعطيها لمبارك الي يعصب ويقول يا ويلك لو تنفيذين المكتوب اعترف اني كنت وسسسسسسخه لكن عذري امي ميته وماعندي احد ينظفني ويهتم فيني وطول الوقت وسالم يسمعها وبداخله يدعي على اخوها وبصوت باااااااااكي وبنحيب / اااااااااااااااااااااه من وجع اليتم يا بو سعود خلى اخوي يبيعني بدون رحمه سالم بصدمه / يبيعك ورفعت عيونها الغرقانه دموع وبحرقه وقهر / كنت منسدحه على الارض بطفوليه وكتاب الرياضيات مفتوح قدامي وبيدي قلم رصاص شاريه لي ابوي له سنه عندي من صغره يضيع بين اصابعي واخوي نايف جنبي ومعطيته ورقه اشغله عني فجئه دخل علي مبارك بدت دموعها تنزل وشهقاته تعلا / سحبني من اشعري المنفوش بقسوه ومالقيت نفسي الا برى البيت وقدامي رجال غريب واسمع اخوي يقول هي حلال عليك اخذها بدال تصليح سيارتك الغريب يطالعني من فوق لتحت بنظرات استحقار وسمعته يقول / والله الي دافعه مايسوى ربع ثمن تصليح سيارتي لكني بوافق لانك فقران ومنتف انعصر قلب سالم وبنفسه / معقوله الي قدامي مرت بكل هالمعانه والله انها مسكينه وتعور القلب نوف بشهقات / صرت ابكي واترجاء مبارك يحميني من الغريب ويتركني عنده وحلفت له اني ما روح للمدرسه واسمع كلامه ولا اطلب منه شي كان رده على توسلي انه شالني بدون رحمه ورماني بسيارة الغريب الي كان يطالعني بقرف حرك سيارته وانا اضرب الباب ابي انزل مابي اترك بيتنا مابي اترك اخوي لكن مافي فايده شفت السياره توقف بمكان غريب صرت اتهجاء الحروف عرفت اني بالمطار سحبني الغريب بقسوه ودخلني المطار ودخلني معه مكان عبايات شرى لي عبايه وشيله وطلب من الموظف يلبسني لانه منقرف مني سالم منصدم وفي نفسه / معقوله هذولا بشر انتهكو برئة طفله والله لو اعرف منهم ما يطلعون من يدي سالمين حسبي الله عليهم الله ينتقم منهم سالم رحمها وقلبه منفطر على حالها وبحنان / اهدي واذا ما تقدرين تكملين تعالي بيوم ثاني نوف بشهقات وباصرار / لازم اكمل وارتاح من عذاب داخلي يهد جبال سالم بتاثر / اهم شي ترتاحين كملت / لقيت نفسي بالطياره وجلسني جنب واحد هندي حبيت قرب الهندي اكثر من الغريب الي شفته وحش وصلنا لدوله اجنبيه ماعرف فيها احد اشر لي من بعيد الحقه مشيت وراها بلبسي والكل يطالعني يتوقع اني مهبوله من طلعنا من بيتنا ماتكلم معي حرف وكان كلامه معي بالاشارت كان لغتنا مختلفه ركب جنب السواق وركبت وراء زادت الرجفه بصوتها وحست باختتناق وكان الي صار بالماضي صاير هالحظه / ودخلني بشقه اسمع فيها صرخات لبنت سحبني بيدي بكل وحشيه و دخلني الغرفه شفت وحده منسدحه على السرير واضح انها حامل وجنبها وحده ثانيه والبنت المنسدحه تترجا الواقفه قربت مني الواقفه وسحبتني بقسوه عند سرير البنت المنسدحه ومن خوفي صرت التفت لشخص الغريب الي كان يطالعني بحقد مدت علي ابره وطلبت مني اضربها للبنت المنسدحه بحياتي ما ضربت احد ابره كنت اخاف منها شلون بضربها لاحد طالعت الواقفه بعيون دامعه ماقدر انفذ الي تبيه ما قدرت اخذ منها الابره جتني ضربه على ظهري من قوتها توقعت ضلوعي تكسرت كانت الضربه من الغريب الي كان واقف وراي وصرخ علي صرخه خوفتني اجبرتني اخذ منها الابره بعمري مانسى نظرات البنت المنسدحه وهي اطالعني ودموعها مغرقه وجها سمعت صرخاتها الموجعه / لا تطيعينهم يبون يقتلوني وبصراخ هزني هز / مااااااااااااابي امووووووووووت ماااااااااابي امووووووووت صرت ابكي من بكاها البنت الواقفه طالعتني بنظرات ارعبتني وسحبت يد البنت وقالت الحين اضربيها اااااااااااااااااااااااااااه وش حيلتي بين هالمجرمين الا اني انفذ الي يبونه ضربتها الابره صرت اطالعها وارتجف رعب من شكلها كانت تنازع الموت لكن قبل لا تموت سمعت صرخت طفل رجع لي وبيده طفل رماه علي باوساخه وصرخ علي صرخه اهتز لها جسمي خفت اموت مثلها وبصراخ / امسكيهاااااا هذي بنتك واذا قلتي لاحد الي صار بتموتين مثلها القيت نظره على البنت المنسدها كانت تنتفض وعيونها جاحظه والدم مغرق السرير نوف بصراخ هستري / ماتتتتتتتتتتتتتتت كانو وحوش ماهتزت لهم شعره صارو يتغامزون ويضحكون جلست على ركبتي وانا متمسكه بالبنت ادور الحمايه منها سالم صار يبكي من بكاها قصتها تبكي الحجر عند تركي دخل الشركه دخل عن السكرتير تركي بجديه / سالم فيه السكرتير بجديه / الاستاذ سالم مانع احد يدخل عليه تركي بستغراب / ليش السكرتيره / عنده قريبتكم فز قلبه وماهتم بكلامه دخل وتفاجئ وهو يشوفها بشكلها العذاب يبكي وانفجع من شكل سالم الي يبكي دخل سالم طالعه بعصبيه / اطلع ياتركي طلع من مكتب اخوه وداخله بينفجر من اخوه جالس معها وهو مطرود جلس بالكرسي الي مقابل السكرتير وصار يهز رجوله بقهر لولا السكرتير كان تسمع عليهم من ورى الباب تركي في نفسه / وش الشي العظيم الي يبكيها ويبكي سالم تنهد / يويل حالك ياتركي جالسه مع اخوك لحالهم وانت تراقب الباب المقفل عليهم تذكر شكلها وهي تبكي حط يده على قلبه الي ينتفض لشافها وبعشق / حتى وهي تبكي عذاب عند سالم التفت عليها وبحنان / كملي كلامك نوف بنحيب / سحبني ودخلني الحمام وطلب مني اسبح البنت وانظفها من الوسخ غسلتها وكنت متقرفه منها كان واقف وراي يراقبني بعد ماغسلتها طلب مني انزل واركب السياره الي قدام العماره شلت البنت بيدين تنتفض ومسكتها بقوة خايفه انها اطيح من يدي سبحان الله روحي ارتبطت بهالبنت وكاني صدق امها وصلت تحت شفت سياره ركبت فيها وبعد نص ساعه وصلت لبيت تصميمه راقي طقيت الباب استقبلتني وحده شقر واضح انها فرنسيه اخذت البنت مني وبحنان اخذتني وفسخت عباتي ونفجعت من شكلي اشرت لي اجلس نفذت كلامه وهي مشت وتركتني وبحضني بنتي بعد ربع ساعه دخلت ومعها اكياس شكلها كانت بالسوق مسكت يدي بحنان ودخلتني الحمام وصارت تنظفني وبعدها لبستني لبس بعمري ما حلمت البس مثله مشطت شعري وقصته وتغير شكلي وصرت مثل بنات العز وبنحيب وصراخ / لقييييييييييت الحب والحنان من الكافره والمسلم ماشفت منه الا القسوه العذاب فجئة سمعت الغريب يصرخ وينادي / يالبقره ما كنت ادري انه يناديني دخل علي وضربني وهربت منه واحتميت ورى الفرنسيه كانت تترجاه يتركني التفت علي وعيونها كلها شرر وقالي من اليوم وارايح اسمك بقره اناديك ماتردين علي ذبحتك عشرين سنه وهذا اسمي وبعمره مااغلط وقال وابتسمت من بين دموعها / صدقت ان اسمي بقره حتى عيالي صدقو ان هذا اسمي صرت شغاله بالبيت اطبخ وانظف واهتم بالبنت الي ونستني بغربتي تمنيت اشتري عروسه العب فيها وربي رزقني بعروسه من لحم والدم الي فهمته ان الي ذبحها كانت زوجتها والثانيه زوجته ياليته اكتفى بهالمسكينه كل سنه يعيد جريمته ويجيب لي ولد او بنت لمده 20 سنه سالم منفجع وكانه بروايه من عالم الخيال وبصدمه / شلون محد كشف كذبتكم نوف ابتسمت بحرقه / الغريب مجهز كل شي حتى البطن المستعار شراه ولبسنيه وهددني بالذبح اذا نزلته او احد كشف انه كذبه وقبل لا الضحيه تولد يسافر بعياله علشان ما نكشف قدامهم عشت معه بدون هويه كل شي ممنوع اطلع ممنوع اكل معهم ممنوع اتعلم ممنوع حياتي كلها ممنوعات ربي رحمني بجاره قابلتها با لصدفه بالمستشفى كنت رايحه مع الفرنسيه بدون علمه لقيت وحده من كلامنا عرفت اني زوجة ناصر وانه رافض اكمل تعليمي طلبت مني اجيب اوراق ثبوتيه لي ودخلت غرفة الغريب الي محذرني ادخلها فتشتها ولحسن حظي لقيت صوره لجوازي واوراقي الثبوته عطيته لها وسجلتني وكملت الابتدائي بامتياز وقفت جنبي تشجعني لين صرت ثالث جامعه والي ساعدني غيابه عن البيت بالاشهر واحيان بالسنه تركني طفله حولها اطفال والفرنسيه الي استقبلتني كانت مربيه جايبها الغريب علشان تراقبني وتهتم فيهم من بعيد كان حنووووووون على عياله وقاسسسسسي علي دخلت علم نفس ابي افهم نفسيت الغريب الي بالاصل زوجي وصار عندي 11 ولد ومسجلين باسمي ونزلت عيونها بخجل / وانا مثل ماخذني اقسم لك بربي انهم قطعه من قلبي وروحي وبعمري ما تخيلتهم انه مو عيالي صدق الي قال الام الي تربي بقق سالم عيونه بصدمه / وفي نفسه كل هالفتنه وعايش معها 20 سنه وماهزته ويدور على غيرها عزاله انه اعمى مايشوف كملت نوف / كان ياخذهم معه لاهله وكنت اترجاه اروح معهم وكان يجرحني بكلامه وانه ما يتشرف فيني قدام اهله يسافر ويتركني وحيده بالغربه لولا الجاره كان الله اعلم بحالي سالم بداخلها يدعي على زوجها بكل الدعاوي الي يعرفها طالعها ينتظرها تكمل يمكن يفهم الي تبيه كملت نوف / من القهر والظلم الي ذقته منه صرت كل يوم ادعي عليه بالموت وربي حققها لي بعد 20 سنه مات عند اهله بدا الشك يدخل قلب سالم لكن ماحب يستعجل بيوم وفاته جاتني زوجته الحقيره ببنت وكانه بيودع الحياه ببنت مالها ذنب وبنفس يوم وفاته / كلمني الحقير اخوي يبيني ارجع تهربت منه وقلت اني بالعده سالم بجديه / مافهمت ليش قلتي قصتك وش علاقته بنصيبك بالشركه كملت ماهتمت لسؤاله / وبعدها بايام جتني الحقيره بملف في جوازي الي نسيته وفيه ورقه طلاقي كان مطلقني من عشر سنين ومن بين الاوراق ورقه مبايعه بكل الي يملكه ومسجلهم باسم بيكفر ذنبه فيني كتب كل املاكه باسمي مايدري ان ذنبه ماستحيل ينغفر ومن بين الاوراق ورقه يوصيني فيها على العيال وان الي صار يبقى سر علشان العيال الي اغلى علي من روحي وبنهاية الوصيه طلب مني اسامحه وصارت تبكي بحرقه / بعد كل الي سواه يبيني اسامحه جعله بنار جعنهم يتعذب فيها انتفض سالم من دعوتها بعد شهر اتصل علي مبارك بعد مادرى بطلاقي وغصبني ارجع وصارت ترتجف الي قالته فوق طاقتها / وصلت السعوديه واستقبلني بحقارته طالعة بسالم الي عيونه تدمع لحالتها / باعني للمره الثانيه لشايب طايح يبي له خدامه بالبدايه كنت رافضه هالزواج لكني حبيت هالشايب وشفته ابوي الي انحرمت منه وبعدين ربي رحمني بزواجي من الشايب لانه مستحيل اتزوج زواج حقيقي لاني بفتح النار على وبينكشف المستور سالم يمسح دموعه الي نزلت من التاثر / ممكن تفهمني ليش اخترتيني وقلتي لي قصتك نوف بشهقات / احلفك بربك صدقتني سالم وعيونه عليها ومن شكلها وتاثرها واضح ان كل كلمه تقولها صايره لها لان تعبير وجها ودموعها شاهد على معاناتها سالم بجديه / اصدقك ما ضنتي بتالفين كل هالقصه نوف وهي ترجف ورمت قنبلتها / الغريب المجرم هو اخوك ناصر وانا زوجته سالم صاعقه ونزلت على راسه وقف من كرسيه وهو ينتفض وباختناق وبصوت عالي / كذااااااااااااااااابه جايه تتبلين على ناصر نوف وقفت منهاره / كنت حاطه املي فيك وانك بتوقف معي وتريحني لكن يا خساره مهما كان هذا اخوك وبتكون بصفه لو كان مجرم وبتكون ضدي لاني غرييه عند تركي انصدم وهو يسمع صراخ اخوه بدون شعور دخل وشافهم واقفين وبصراخ من سالم / اطلعيييييييييييييي برا تركي وعيونه عليها وبقهر / سالم ليش تطرها سالم صرخ صرخه اقوى من الاول / تسمعين اطلعي برا مشت من قدامه وقربت من تركي الي حس نفسه بيغمى عليه فتحت الباب وهي منهاره وقبل لا تطلع التفت عليه حاسه بيغمى عليها من الجهد الي بذلته وخيبة الامل الي لقتها من سالم نوف وعيونها على سالم الي وجهه قلب لسواد من قو الصدمه والفجعه نوف بتعب وبصوت مخنوق / حكم ضميرك يابو سعود لتصيبك حوبتي وتخسر غاليك طاحت قدامهم وتركي لا شعور كان عندها بيرفعها من الارض لكنها مدت يدها و بعدته عنها وعيونها الدامعه تعلقت بعيونه وهو ضاع في عيونها نوف بعصبيه / بعد عني لا تنجسني يكفيني ما جاني منك فز تركي مرعوب من كلمتها وابتعد عنها تركي وعيونه عليها بصدمه موجعه وبحرقه / انا انجسك وبضعف / غلطانه مستحيل يكون انا الي تقصدينه طالعته بنظرات كلها حقد وكره كانت مثل الجمره الي كوت قلبه نفسه يصرخ ويقول والله مو انا الي تقصدينه ارحميني من نظرات الكره الي بعيونك والله ماستاهلها منك ضغطت على نفسها وتسندت بيدها على الارض ووقفت بصعوبه وطالعت تركي وبصوت باكي وبحقد / حاربتي باغلى ماملك الله لا يسامحك ومشت بانكسار وضعف من قدامه عند نوف بصعوبه قدرت توصل لسياره وصارت تنتحب بحرقه الماضي وراها وراها واكيد عمهم بعد الي سمعه منها بيمنع العيال عنها وروحها معلقه فيهم عند تركي صار مثل الصنم وكلماتها مثل السكاكين تطعنه بدون رحمه عند سالم طالعها لين اختفت جلس عى كرسيه وكل خليه فيه تنزف من الي سمعه معقوله اخوه بالحقاره والاجرام تذكر لما غسل اخوه وانصدم من وجه اخوه الاسود وهذا دليل على صدق كلامها وحط راسه على الطاوله وصار يبكي بنحيب عند تركي صحاه من اوجاعه وافكاره القاتله صوت نحيب اخوه التفت شاف اخوه منهار يبكي ركض له متناسي اوجاعه قرب منه تركي وبرعب / وش صار بينكم ليش هي منهاره وانت منهار سالم رفع وجهه وبصوت باكي / مافي شي اطلع وشوف شغلك جلس تركي وبعصبيه / تبيني اصدقك واكذب عيوني وبصراخ / وشششششششششش صار بينكم الي خلاكم بهالحاله وش معنى كلامها الي قالته اني محاربها باغلى ماتملك وبحرقه / قولي الله يخليك لا تخليني بناري اكيد انت تعرف سالم بعصبيه وبصراخ وبصوت باكي / اطلع لمكتبببك لو اشوفك ميت قدامي ماقلت لك حرف من الي دار بينا تركي وقف بعصبيه / الي دار بينكم لازم اعرف طيب غصب لازم اعرفه سالم بعصبيه وبصوت مبحوح / طس عن وجهي والسما اقرب لك تركي بعصبيه طلع من مكتب اخوه صار يمشي بخطوات سريعه بيلحق عليها ويعرف تفسير لكلامها وقف عند باب الشركه يلتفت يمين يسار لعل وعسى يشوفها لكن مافي امل تركي بنفسه / مستحيل يكون السبب الي صار بينا بفرنسا فيه شي اقوى ولازم اعرفه طلع من الشركه ركب سيارته بيلحقها لبيتها مستحيل يسمع كلامها الموجع بحقه لازم يعرف سبب كرها له تركي بصوت عالي / انا اكتووي بنار حبك وانتي تكرهيني وتظلميني وتقولين محاربك باغلى ماتملكين شلون احاربك واذيك وانتي صرتي قطعه من الروح عند نوف سانده راسه ورى ونحيبها المزعج منتشر بالسياره السواق يكلمها لكنها فاقد كل حواسها خاف واتصل على مها عند مها كانت نايمه صحاها صوت جوالها رفعته شافت رقم السواق استغربت ردت مها بصوت نعسان / نعم شريف السواق بخوف / مدام نوف بالسياره واجد تعبانه فزت مرعوبه وتاكدت انها مقابله سالم والي كانت خايفه منه صار / هاتها بسرعه لبيتي انهت اتصالها ونزلت تحت بدون ماتغسل وجها صارت تمشي عند باب الشارع بتوتر وقلق وحست الدقائق تمشي بطيئه رجعت اتصلت على السواق وبعصبيه / وينك شريف السواق / دقيقه وكون واقف جنب الباب طلعت لغرفتها واخذت عباتها وشيلتها لبستهم وتنقبت وطلعت برى البيت تنتظرهم شافت من بعيد سياره السواق عيونها على السياره لين وقفت قدامها اركضت وفتحت الباب الخلفي شافت صديقتها منهاره مسكتها من يدها ونزلتها ودخلتها بيتها عند تركي وقف سيارته عند باب بيتهم بينتظرها لازم يفهم منها شاف السياره توقف وكان بينزل لها لكن تفاجئ وهو يشوف وحده لابسه عبايه تركض لسياره وتفتح الباب الخلفي اوجعه قلبه وهو يشوف حبيبته بهالحاله واضح عليها الانهيار التام صار يتبعها بنظراته لين اختفت صار يضرب على الدركسون بقوه / وش سوى لها سالم علشان تنهار بهالشكل وسالم ليش منهار ورافض يقولي يعالم بنجن عند مها دخلتها بيتها وشالت عنها حجابها ومددتها على الكنب ونوف بدون وعي مستسلمه لصديقتها دخلت مها المطبخ صلحت عصير ليمون بالنعناع يمكن يهدي اعصابها وتفهم منها الي صار اخذت الكاس وطلعت من المطبخ وقربت من نوف وجلستها وصارت تشربها وهي موجوعه من شهقات صديقتها بعدها سدحتها وقفلت النور عليها تبيها ترتاح وهي جلست عند رسها تتامل وجه نوف التعبان وبداخلها تبي تعرف الي صار بينها وبين سالم من شكلها واضح ان الي خافت منه صار وسالم مثل اخوانه وكيد جرحها بكلامه وبقسوته وبيحرمها من العيال بتنهيده / حسبي الله عليهم ناس منزوعه الرحمه من قلوبهم الله ينتقم لهالمسكينه منهم صارت تستمع شهقاتها مها تمسح شعر صديقتها بحنان / نامي حبيبتي كل مشكله ولها حل كل قوي وفوقه الي اقوى منه زاد نحيب نوف وزادت شهقاتها مها بحرقه / خليك قويه وبكون معك واذا خايفه ان عيالك يدرون فتاكدي مستحيل يقولون لهم حرف لانهم بيخافون بالاول والاخير على العيال وعلى سمعة ناصر وتاكدي العيال عيالك غصب عن الكل وخليهم يدورون اثبات انك منتي بامهم نوف التفتت لها بكل جسمها / صدق كلامك والا بتخففين عني مها بقهر / والله ما خليهم ياخذون العيال والعيال عيالك وانتي امهم الي ربيتيهم وضحيتي بحايتك علشانه رمت نفسها بحضن صديقتها الحنون وكملت نحيبها / اذا خذوهم انا الخسرانه قولي وش الي ربحته من زواجي من ناصر الا هالعيال متنازله عن كل شي لهم لكن عيالي لاااااا ابيهم والله ما قدر اتخيلهم يكتشفون حقيقتي والله لعرفو بختفي عن حياتهم وبيصير مالي وجود اكون ميته ولا ام كذبيه ( نسومه تقول لك كفو قول وفعل ) مها دمعت عيونها / باذن الله ماصاير الا كل خير قومي غسلي وجهك وابيك قويه نوف بانكسار / راحت قوتي بمكتب سالم ونزلت دموعها / خاب ضني فيه طردني واتهمني اتبلى على اخوه مها بحقد / كنت متوقعه هالشي وماخاب ضني بسالم يوم قلت انه مثل اخوانه اذا الام قاسيه تبين واحد من عيالها يطلع طيب نوف بنحيب / انخدعت بوجه الطيب ياليتني ماقابلته ولا قلت له كشفت سري عند الي بيطعني فيه وبنحيب موجع / يويلي يامها لانفضحت يويلي من نظرة عيالي ومن شوق لدرت اني ذبحت امها وصرت مكانها من بيصدق ان كل الي صار غصب عني مها بحرقه / صدقيني ماصاير شي وثقي بكلامي نوف بامل / ياليت الي تقولينه يصير مابي من هالدنيا الا هالهيال افديهم بروحي وحياتي ابي اخسر الدنيا ولي فيها واكسبهم مها بابتسامه / قومي هذا حال وحده ملكة بنتها الليله نوف بحرقه / بعد الي صار مالي نفس احضر الملكه ولا حتى افرح مها بعصبيه / بتحضرين وبتفرحين وبتكشخين ابيك تكسرين عيونهم والي صار بيقويك مو يزيدك ضعف نوف بصوت باكي / تبيني اروح لهم بهالشكل مها بجديه / الحين تنامين والعصر نطلع لمشغل والمغرب وانتي مع بنتك وارمي الكل ورلى ظهرك بنتك محتاجتك معها بتتركينها علشان سالم وغيره كلهم مايستاهلون تتنازلين بفرحتك علشانهم افرحي ورقصي وكيديهم نوف بحرقه / هم عرفو من انا علشان اكيدهم ماتجراء اقول لهم اني زوجة ناصر لاني متاكده بيسكرون بابهم بوجهي مها / خلي عنك هالكلام ونامي نوف وقفت / بطلع لضاحي مها بققت عيونها / مستحيل اتركك تطلعين وهذي حالتك وضاحي لو تاخرتي عليه مراح يموت نوف بعصبيه / تبيني اخون الامانه تطمني بدخل بيتي وبنام معاد فيني حيل ابكي او افكر مها بستسلام / توعيديني تنامين نوف تلبس حجابها وعد انام مها بجديه / خلي جوالك جنبك باتصل عليك العصر وقفت مها ومشت مع صديقتها / ادل البيت مايحتاج توصليني مها بحنان / مدام عباتي وشيلتي علي بوصلك وبشوف بيتك نوف بحرقه / حياك تنقبت مها وطلعت مع صديقتها اشرت مها بيدها على بيت ام سالم مها بابتسامه / هذا بيت العجوز الشمطاء رفعت نوف عيونها للبيت كان كبير واضح عليه الفخامه وبحقد / يحبهم لتميز كل الفلل بتصميم واحد عالم يحبون الفشخره الكذابه مها بابتسامه / الفشخره الكذابه خلت العجوز ما تنزل عينها عليك واكيد بتتقرب منك الصنف هذا اعرفه مايطالعون الا فوق والي تحتهم يطالعونهم بتعالي وصلت لبيتها نوف بقهر/ نسيت اخذ مفتاح البيت من ركان مها بجديه / طقي الجرس وبتفتح لك جاكلين طقت الجرس سمعت صوت جاكلين تسال من عند الباب بالفرنسي نوف بصوت مبحوح / افتحي جاكلين انا نوف فتحت جاكلين الباب ودخلت نوف / ركان موجود جاكلين / لا التفتت لصديقتها / نزلي نقابك مافي احد نزلت مها نقابها ودخلت وكانها داخله بيتها / نفس بيتي نوف بسخريه وبحقد / الشيخ تركي مايبي يتعذب ويختار لكل فله تصميم ريح نفسه وسواهم نسخه من بعض مها بجديه / مدامني وصلتك برجع لبيتي وانتي ارمي كل شي ورا ظهرك ونامي نوف بجديه / ان شاء الله طلعت مها ونوف دخلت غرفتها شافت ضاحي نايم وبنتها بسريرها نايمه دخلت سريرها وكل ماجت بتفكر انفضت عنها التفكير وبعد ربع ساعه نامت عند عبدالله طلع من غرفة اخته مع امه ودخلت نجود ومرام عبدالله برجاء / يمه انا طالع لصديقي اذا صار جديد اتصلو علي ام صقر بحنان / وشلونه الحين صديقك عبدالله بجديه / الحمدلله احسن بكثير ام صقر بحنان / لوصيك عليه تراه وحيد ماله بعد الله الا انت باس راس امه / لا توصين حريص ترك امه وصار يمشي لين وصل الكفتريا شاف نايف بمكان منعزل استغرب قرب من صديقه وجلس مقابله / خير وش عندك مغير مكانك نايف بجديه / مناحش من وحده اكلتني بعيونها عبدالله بجديه / ماتنلام جمالك مطلب لكل بنت نايف بجديه / تراني بموت من الجوع اطلب لي غدا وقف عبدالله بحب / من عيوني كم نايف عندي طلب لهم غداء وانتظر دقائق شاله وجابه لصديقه صارو يتغدون بهدوء وعيونهم على اكلهم بعد الغداء رجعو للبيت صلو بالمسجد وبعده دخلو البيت ونامووووو عند سالم حكم ضميرك يابو سعود لتصيبك حوبتي وتخسر غاليك حكم ضميرك يابو سعود لتصيبك حوبتي وتخسر غاليك حكم ضميرك يابو سعود لتصيبك حوبتي وتخسر غاليك صارت كلماتها تنعاد بذهنه وقلبه محروق من الي سمعه ويحلف انها صادقه بكل حرف قالته سالم بعصبيه وصراخ وصوت باكي / حكمت ضميري يابنت الناس وقالي انك صادقه لكن مسحيل احرمك غاليك لاني خايف من حوبتك وانحرم من غالي العيال عيالك ومستحيل اسمح لاحد يحرمك منهم مدامني حي يكفيك عذاب اجي باخرها ازيد عذابك وجروحك لو زوجك غير ناصر كانت دعيت عليه لكن هذا اخوي واستمر ببكائه ونحيبه العالي دخل عليه السكرتير وانفجع من شكل سالم الي نحيبه عالي قرب منه السكرتير بخوف / استاذ سالم طالعه سالم بعيون دامعه / خير بغيت شي السكرتير / الدوام له نص ساعه مخلص وانت ماطلعت سالم بصوت باكي / اطلع لبيتك انا بطول بالمكتب السكرتير / الموظفين كلهم طلعو سالم بصراخ / اسمع الكلام وطلع لبيتك مشى السكرتير من قدام سالم ومستغرب عصبيته عند سالم ضرب يده بقوة على الطاوله / يا صدمتي فيك يا ناصر ليش ظلمت هالمسكينه ليه استعبدتها وياليته كفاك وصار ينتحب / قتلت ارواح بريئة ذنبها انها ارتبطت فيك وبصراخ / ابي افهم ليشششششش صرت مجرم وسفاح سمع صوت الباب رفع نظره شاف تركي سالم بصوت باكي وبعصبيه / وش جابك قرب تركي وجلس بهدوء / جيت افهم منك السالفه الي للحين دموعك ماجفت بسبتها سالم مسح دموعه / تركي لا تحن علي السالفه مامنتني عليها وانت تعرفني بعمري ما خنت الامانه وياليت تريح نفسك وتشيل هالسالفه من راسك تركي بضيقه / خلينا من سالفتك ابيك تفهمني الي تقصده بكلامها سالم بضيقه / هذا بينكم ماقالت لي شي عنه تركي بجديه / شفتها بفرنسا وماصار شي من الي قالته سالم بجديه / تذكر من الي ظلمتها وحرقت قلبها باغلى ماتملك وبتعرف اجابه لسؤالك تركي صار يفكر ويفكر حتى طار تفكير انه ضار ابوها او اخوها او زوجها لكن ماطلع معه شي بعد وقت من التفكير / بعمري ماظلمت احد او حرقت قلب احد على غاليه متاكد انها غلطانه سالم بحرقه / قلتها غلطانه تركي برجاء / قلبي يقول انك تعرف تكفى يابو سعود قول لي وش ظلمتها فيه سالم بجديه / اترك سالفتها على جنب وباصرار / ام شوق لازم تحضر ملكة بنتها تركي وقف بعصبيه / هذا الناقص تجي تلوث بيتنا والله لو دخلته لحش رجولها سالم بسخريه / وتقول ماظلمت احد تركي بعصبيه / ايه ما ظلمت احد هذيك تظلم بلد ما يكفيها سواياها باخوك ناصر وبعده بعيالها صايعه ضايعه ماهتمت بسمعة بناتها سالم بعصبيه وبصراخ / لو سمعتك تقول عنها هالكلام لسانك قصيته وام سالم بتحضر ملكة بنتها غصب عنك تركي بعصبيه وبصراخ / والله ما تدخل البيت واذا دخلته لتشوف شي بعمرها ماشفته سالم بعصبيه وبصراخ / بتحضر ياتركي واذا انت رجال نافذ تهديدك وقف تركي / رجال ورجال وبتششششوف طلع وصفق الباب بقوته سالم رجع وجلس وبصوت باكي / ياليت اقدر اكفر عن ذنبك ياناصر بهالمسكينه الي ضيعتها معك انعصر قلب سالم ودمعت عيونه ناصر شوه سمعتها مستحيل يسمع لاحد يغلط بحقها ويسكت بيحارب الكل علشانها خايف من دعوة المظلوم تصيبه وهي مظلومه يكفيها ماجاها من ناصر يجي هو يكملها عليها وقف بيطلع من المكتب ومن حالته الي متاكد لو جلس دقيقه بيطب ساكت من الحرقه الي فيه طلع من مكتبه ركب سيارته راجع للبيت عند شوق صحت على اذان الظهر رفعت جوالها شافت الساعه 1 الظهر منصدمه ان جدتها مخليتها نايمه كل هالوقت قامت ودخلت الحمام اخذت شور سريع لبست لها فستان ناعم ورجعت توضت وصلت الظهر وقفت قدام التسريحه وصارت تجفف شعرها بعده طلعت دخلت غرفة ساره وانفجعت من الي تشوفه شافت ملابس ساره كلها على السرير وواضح على وجها العصبيه شوق بصدمه / وش هذا ليكون بتهاجرين ساره وهي تقلب ملابسها وبعصبيه / كل هذا نوم مدام شوق شوق بجديه / مستغربه محد صاحني ساره بعصبيه / كنت بصحيك لكن امي هاوشتني وقالت خليها تقوم من نفسها شوق وعيونها على الملابس الطايحه / ليش كل هذا ساره بعصبيه / يابردك ياشيخه اليله ملكتك وصاحيه 1 الظهر شوق جلست ببرود / وخير واذا ملكتي ساره / ليكون بتقابلينه بالفستان الي لابسته شوق بحقد / يخسى اقابله بيملك ويطس لبيته ساره تركت الي بيدها وقربت من شوق وبصدمه / وش يخسى وش يطس لبيته لازم يشوفك شوق بحقد / اذا هو يبي يشوفني انا مابي اشوفه ساره جلست مقابل شوق / وتظنين امي واخوني بيتركونك تنفيذين كلامك شوق بثقه / تاكدي محدن جابرني اشوف الغثيث ساره بسخريه / اقص يدي اذا ماشالوك ورموك عنده وغصب عنك بتشوفينه وانتي مبهذله شوق بحقد / ويشوفني مبهذله خير يطيررررررر ساره بصراخ / ياناس البنت هذي بتجنني معدومه الاحساس شوق بابتسامه / ترى صديقتي بتجي الليله ساره بجديه / طيب امك بتجي شوق بارتباك / ماتبي تجي وتتمشكل مع جدتي وانت تعرفين كرها لامي ساره بقهر / زين سوت رحمت نفسها من البهذله عند تركي دخل البيت مايشوف قدامه من العصبيه دخل غرفة امه ماشافها تاكد انها عند ساره فتح الباب بقوه كلهم فزو من فتحت الباب قرب من شوق وبعصبيه سحب يدها وطلع معها ودخلها غرفته وقفل عليهم الباب شوق منصدمه من تصرف عمها وبخوف / وش فيه ليش سحبتني بهطريقه وليش قفلت الباب تركي بصراخ / قولي كل شي عن خويتك خافت انه كشف انها امها / أي خويه تركي بصراخ وعصبيه / لا تستغبين علي شوق برعب / مستغربه سؤالك ولا نسيت انك قلت معاد بتسال عنها تركي جالس بعصبيه / من متى هي تعرفني شوق بضيقه / مدري تركي بعصبيه / ياليتك تفهميني ليشششش كرهتني شوق بضيقه / مدري تركي بعصبيه / متاكد انك تدرين قولي كل شي تعرفينه حتى لو ماتشوفينه مهم شوق بعصبيه / ابي افهم ليش تعصب علي اذا بينكم مشاكل حلوها بعيد عني تركي بعصبيه / خويتك قالت اني ظلمتها وحاربتها بغاليها فهميني قصدها من كلامها شوق في نفسها / شكل امي بتجننه فوق جنونه شوق بجديه / متى قالت لك هالكلام تركي بضيقه / كانت بالشركه وقالت هالكلام بوجهي الحين غصب تقولين ليش كرهتني وماضنتي بتخبي عنك السبب شوق بضيقه / ياعمي هي قالت اكره عمك وقالت انك مغرور اذا صار بينكم شي انت ادرى فيه مني تركي بعصبيه / ووبعدين ليش ماقلتي انها تملك اكبر حصه بشركتنا صارت تنتفض شوق وبنفسها / ليه يمه تروحين لهم الشركه الحين شلون بخلص نفسي من عمي خطرت ببالها كذبه ابتسمت بنفسها / اليومين هذي صايره اكبر كذابه شوق بجديه / امي باعت نصيبها لنوف لانها تعرف بكرهكم لها وماتبي تزيد المشاكل بينكم تركي براحه / زين سوت وقف وبتهديد / اياني واياك اشوف امك طابه بيتنا ترا ماتلوم الا نفسها شوق بقهر / ما يحتاج تهدد امي من نفسها مو جايه تركي بحقد / فرقا جحا غنيمه شوق بعصبيه / عميييييييييييي تركي بعشق / ضروري تعزمين صديقتك شوق وقفت وبقهر وبعصبيه / الحين ماتبي امي تحضر ملكة بنتها وتبيني صديقتي تحضر وش هالتناقض ياعمي وبسخريه / والا القريب من القلب لازم يكون قريب من العين تركي بعصبيه / زين فهمتيها مشت شوق وفتحت الباب وطلعت وتركي تمدد على السرير وبداخله بينفجر عند شوق دخلت غرفة ساره وهي مقهوره من عمها جلست جنب ساره ساره بصدمه / ليكون تركي كان يتسمع علينا شوق بسخريه / وش عندك تقولين هالكلام ساره بجديه / قلت اكيد سمعك لما قلتي منتي بطالعه واخذك غسل شراعك ورجعك لعقلك شوق تنهدت بضيقه / عمي انجن وبيجنني معه ساره بستغراب / لييييييييش شوق بقهر / يقولي لا تعزمين امك واذا حضرت ماتلوم الا نفسها وقالي اعزميها ضروري تحضر ساره بسخريه / وش اعزميها وماتعزمينها وبعدين مع احترامي لامك تركي مايدانيها واكيد ما يبيها تجي شوق بضيقه / خليك مندفنه بين خلاقينك الكلام اكبر منك ساره بجديه / على ذكر الخلاقين مادامها عزيمه البس فستان سهره ولا فستان عشاء عادي شوق بسخريه / البسي بجامه ساره بسخريه / ليش قالو لك شوق وقفت شوق / بنزل ادور شي اكله ساره بجديه / امي تركت لك اكل خصوصي لك شوق بحب / فديتها جدتي نزلت شافت جدتها جالسه قربت منها وباست راسه ام سالم بجديه / تغدي واطلعي المشغل يعلشان تخلصين المغرب شوق بجديه / مايحتاج ماشغل انا بمكيج نفسي ام سالم بعصبيه وتهديد / والله ياشوق لو سويتي مثل ذاك اليوم لخليه يشيلك وياخذك معه لبيته بدون زواج شوق بجديه / واذا قلت مراح يشوفني ام سالم بعصبيه / وليه ان شاء الله شوق باصرار / لا تغصبيني على شوفته والله لفضحكم قدام الرجال ام سالم وقفت بعصبيه / بنشوف من كلمته بتمشي يابنت ناصر واذا عاندتيني دخلتك عليه الليله مشت شوق قدام جدتها ودخلت غرفة جدتها وانسدحت وهي مقهور من الغثيث شوق بصرااااااخ / مابيه يشووووووووفني لازم كل شي عندهم غصب عند نوف صحت على صوت جوالها شافت رقم مها نوف بصوت نايم / هلا مها مها / اخلصي علي انتظرك نوف / دقائق واكون عندك التفتت لضاحي سمعت صوت وناته دخلت المطبخ جهزت له غداء سريع اكلته وغيرت له وبعدها رجعت الاكل للمطبخ اخذت شور ولبست بنطلون جنز وبلوزه سوداء وحجاب اسود وبعدها طلعت من البيت شافت السياره واقف قدام الباب ركبت وقفلت الباب وراها مها بجديه / وش فيك تاخرتي نوف بجديه / تعرفيني لازم اغدي ضاحي قبل لا اطلع مها بضيقه / ياهالضاحي الي مثل الشوقه بحلقي نوف / مهااااااااااااااااا مها بجديه / سكتنا امش شريف عند سالم وصل البيت وهو منهار جلس ربع ساعه يفرفر بالشارع وبعد مامل رجع للبيت دخل البيت وهو يحاول يرجع طبيعي دخل الصاله شاف امه جالسه قرب منها وام سالم وقفت منفجعه من شكل سالم ام سالم بخوف / سالم وش فيك نزلت دموعه ام سالم بخوف / يويلك يا موضي تبكي احد من العيال صار له شي مسح دموعه الي خانته بغترته / صديقي ماتت حست براحه / الله يرحمه ويصبر اهله سالم بصوت مخنوق / يمه بنسدح بالمجلس لين وقت المغرب سالم بجديه / يمه نادي لي شوق ابيها بالمجلس ام سالم بعصبيه / توني مهاوشتها بنت اخوك بتموتني ناقصه عمر سالم تذكر كلام نوف نزلت دموعه وبحرقه / يمه لا تقسين عليها ترها يتيمه ام سالم بقهر / وش قالت ماتبي تطلع لركان سالم بصوت مبحوح / اذا ما شافها اليوم بيشوفها بكره يمكنها مستحيه ومرتبكه ام سالم بجديه / بناديها لك وانت حاول فيها واكيد بتقدر فيها وبتنفذ كلامك سالم بجديه / خليها تجيني بالمجلس دخل سالم المجلس وام سالم ارسلت الشغاله تنادي لها شوق دخلت الشغاله غرفة ام سالم شافت شوق متسنده على السرير الشغاله / بابا سالم يبيك تحت شوق بضيقه / شكل اليوم هواش من اوله عمي تركي وامي واكيد الحين عمي سالم طلعت من غرفة جدتها ونزلت تحت سمعت صوت جدتها / عمك يبيك بالمجلس مشت ودخلت قسم الرجال ودخلت المجلس شافت عمها جالس على الكنب انصعقت من شكله ركضت له ورمت نفسها عند رجوله شوق بصوت باكي / عمي ليش تبكي سالم يتاملها وزادت دموعه / مافيني شي شوق زاد بكاها / ماني بعميا وجهك كله دموع سالم مسح دموعها وبحنان / مدامني حي دموعك مابي اشوفها سحبت يد عمها وباستها بحب / جعل عمرك طويل سالم بحرقه / اعزمي امك تحضر ملكتك شوق بضيقه / تبيه تنجرح وتنهان سالم تنهد بحرقه / خليها تجي ومايهمها احد شوق بضيقه / امي رافضه تجي وعمي تركي يتوعد فيها لجت خلنا نرتاح من المشاكل وتبقى معززه مكرمه ببيتها بدال ماتنهان هنا سالم بعصبيه / تركي شغله عندي وامك بيتي مفتوح لها والي مو عاجبه يطلع من البيت وياليت تووصلين لها كلامي سالم يمسح شعرها بحنان / يابوك ليه تعاندين جدتك وماتبين تطلعين لركان شوق بضيقه / مسرع ماشكتني عندك امي سالم برجاء / اذا لعمك سالم خاطر اطلعي له علشان محد يزعل عليك قربت منه وباست راسه وبحب / علشانك احفر قبري بايدي شلون بشي مقدور عليه سالم بحب / روحي قولي هالكلام لجدتك شوق بجديه / ان شا ءالله وقفت شوق ودخلت شافت جدتها جالسه قربت منها وباست راسها وبضيقه / الي تبينه بيصير ام سالم بزعل / لازم ادخل عمك سالم بالسالفه علشان تنفيذين كلامي شوق بصدق / لولا عمي سالم مارضيت وانتي عرفتي تختارين الي ما اقدر اقول له لا ام سالم بحنان / روحي تجهزي الله يهداك معاد بقى وقت طلعت شوق لغرفة جدتها فتحت الدولاب اخذت استر ثوب عندها شيفون كحلي طويل واكمامه طويله حردة الصدر دائريه والوسط فيه حزام ذهبي لبسته وفتحت الدولاب اخذت شنطة مكياجها وبدت تحط مكياج ناعم وبعد ماخلصت استشورت شعرها الاشقر وخلته مسدول وطالعها بمكياجها النعم خيال طلعت من غرفة جدتها شافت ساره لابسه فستان اوف وايت من الحرير الناعم التفتت ساره وهي تشوف الباب ينفتح طالعة شوق باعجاب / وين الي مو طالعه له شوق بجديه / مكرها اخاك لا بطل كله لعيون عمي سالم ساره ادور قدام شوق / وش رايك بشكلي شوق بجديه / حلوووووووه واللون ماخذ منك حته ساره بجديه / احط روج احمر ولا وردي شوق بجديه / حطي وردي يناسبك عند ركان طلع من شغله بعد العصر دخل البيت واستغرب ماكانت فيه ركان بجديه / هذي وينها فيه صار يدور عليها بالبيت / اكيد طالعه تتزين برا اليوم ملكة بنتها مر على ابوه النايم وبعده طلع لغرفته حلق وتزبط وبعدها اخذ شور ولبس ثوبه وغترته وتعطر وطلع معرس عند نوف وصلت للمشغل ونزلت كان المشغل فخم وبمنطقه راقيه مها بابتسامه / تدرين لمن هالمشغل نوف بجديه / لمن مها بابتسامه / لام ناصر نوف بضيقه / وليه جبتينا له مها بجديه / لان سمعته زينه نوف بجديه / خلينا نروح لغيره مابي اشوفها مها جديه / تطمني مو فيه نوف بستغراب / وش دراك مها بجديه / كلمتهم وسئلت عن ام سالم قالو انها مراح اداوم اليوم نوف براحه / اجل يله ندخل معاد فيه وقت دخلت نوف ومعها مها الي كانت شايله كيس فستان نوف اطالع بمها / بتحضرين الملكه مها بجديه / وش يوديني نوف بجديه / والفستان الي معك مها بجديه / هذا فستانك الي بتلبسينه الليله نوف بحب / عندي ليش كلفتي على نفسك مها بجديه / ادري انه عندك لكن هذا اشتهيك تلبسينه دخلت المشغل وكل الموجودين حرقوها بنظراتهم قربت من الكوفيره البنانيه الي كانت منبهره بجمالها مها تكلم الكوفيوه وبجديه / ابيك تسوين مكياج ناعم لصديقتي وابي تحطين لها روح احمررر نوف باعتراض / لا حطي لي روج وردي مها باصرار / قلت احمر يعني احمر استسلمت لها نوف / حطي احمر امري لله سوت الكوفيره لنوف مكياج ناعم واكتفت بالكحل والمسكر والروج كان احمر ناري طالعه خياااااااااااااااااااال طلبت من الكوفيره تعدل لها قصة شعرها قصة لها من قدام غره وباقي الشعر مدرج على طوله وستشورته وخلته طبيعي بعد ماخلصت احذتها مها عند مكان اللبس ومدت لها كيس الفستان / يله البسيه بشوفه عليك فتحت نوف الكيسه وانصدمت من لون الفستان نوف بعصبيه / تبيني البس احمر مها بجديه / بتلبسينه برضاك لخليك تلبسينه غصب نوف بطفش / بلبسه برضاي دخلت غرفة التبديل لبست الفستان كان من الحرير الناعم من فوق عاري ومن ورى علامة اكس كلها سوارفسكي كان طويل وفتحه على جنب توصل لركبه محفوه بسوارفسكي طلعت لمها الي طالعتها باعجاب وصارت تقرا عليها خايفه عليها نوف وهي تتامل نفسها بالمريه قولي شلون بطلع بشارع بهالشكل ولا يهمك جبت عبايه معي نوف بعصبيه / افسخ الفستان ولا البس العبايه مها بعصبيه / بتلبسينها على حجابك نوف بضيقه / اول واخر مره البسها مها بجديه / طيب اهم شي البسها لان الوقت تاخر لبستها وتحجبت بحجابها نوف بضيقه / الفستان وغطيته شلون بغطي وجهي الي كله مكياج مها بابتسامه / اخاف اقول تغطي تشوتيني من الدرج غطي فمك بطرف حجابك لان الباقي خفيف نوف / طيب سوت الي طلبته منها مها وطلعت من المشغل وركبت السياره وصلت لبيت تركي / اتصلي على بنتك خليها تفتح لك الباب قبل لا يطلع لك تركي نوف بحقد / لا تجبين طاريه يطلع لنا نوف ارفعت جوالها واتصلت على بنتها عند شوق كانت جالسه مع ساره وهيا بالصاله وام سالم بغرفتها تلبس سمعت صوت جوالها شافت رقم خالتها مها / هلا خاله نوف بجديه / انا امك واقفه عند الباب شوق وقفت / الحين بفتح لك الباب مشت شوق ساره بجديه / شوق وين بتروحين شوق بفرح / صديقتي عند الباب طلعت برى وفتحت الباب لامها الي دخلت شوق بابتسامه / امي لابسه عبايه نوف بضيقه / من الفستان الخايس الي لبستنيه خالتك قربت من امها وفسخت حجابها وعباتها وانصعقت من جمال امها ونوف رمت العبايه على بنتهاا شوق بانبهار / ووووووووووووووواو بتجلطينهم ومسكت يد امها وبابتسامه / تعالي بشوف الصدمه بوجيهم ركضت وهي ماسكه يد امها وقفتها نوف نوف بعصبيه / اعقلي يابنت وش تبينهم يقولون عني شوق بحب / بيقولون اجمل وحده شافتها عيونهم نوف بجديه / خليني اشوف شكلك ليش لابسه كحلي وليش مكياجك ناعم الي يشوفك من بعيد مايقول حاطه شي شوق برجاء / يمه والي يعافيك لا تقولين غيري وحطي لاني مراح اغير شي وبيشوفني بهالشكل نوف بابتسامه / متاكده بتعجبينه زين مايوقف قلبه لشافك شوق بحقد/ كاني باهتم اذا عجبته ولا ماعجبته نوف بجديه / تاخرنا عليهم وانتي اسبقيني دخلت شوق الصاله وبابتسامه / قوو قلوبكم صديقتي بتدخل سمعو طق خفيف شوق بابتسامه / ادخلي دخلت عليهم والكل فتح فمه بانبهار هياء صارت تقرا عليها هذي جملها اسطوري ماقد شافت مثله وساره قرصت شوق / متاكده انها بشر شوق بسخريه / وش تشوفين ساره بابتسامه / قلبي مايتحمل كل هالجمال شوق بعصبيه / اذكري ربك لا تصيبها عينك ساره بسخريه / يالخايسه ليش خاشه كل هالجمال عني ولا شطارتك ما تعرفين الا على الشيون نوف واقفه باحراج تحس نفسها مفسخه قدامهم تكلمت باحراج / السلام هيا قربت منها وسلمت عليها / ياهلا فيك حياك اجلسي قربت من الكنبه وجلست شوق مسكت امها بيدها / يله بنطلع فوق وقفت نوف وبابتسامتها الي دوختهم وبصوت واطي / شوق اركدي فشلتيني شوق ماهتمت وطلعت مع امها فوق بعد ماختفوووووو ساره التفتت على هيا / تشوفين الي شفته هيا باعجاب / ايه بعمري ماشفت مثل جمالها ساره باعجاب / وايييييييييييييي على ابتسامتها ادوخ هياء باعجاب / كل شي فيها على قولتك يدوخ ساره بابتسامه / انتبهي لسالم يشوفها ترى يعافك ضربتها هيا على راسها / وانا خبله اخليه يشوفهاا عند نوف جلستها نوف بالصاله الفوقيه نوف بجديه / وينهم اخوانك شوق بابتسامه / ليش تسالين عنهم ليكون تبنهم يفضحونك سمعو خطوات سكتو كانت ساره جايبه معها عصير قربت منهم مدت عصير لنوف والثاني لشوق وجلست مقابلهم عند ركان كان الشيخ معه وصل لبيت تركي نزل ودخل المجلس شاف تركي وسالم جالسين الشيخ / السلام تركي وسالم وقفو / وعليكم الشيخ دخل الشيخ ومعه الدفتر دخل ركان وجلس جنب الشيخ مقابل لسالم وتركي وعيونه عليهم شكلهم واضح ان فيهم شي ي وقف وقرب من صديقه ركان بجديه / وش فيكم تركي بضيقه / مافينا شي بدا يدخل الشهود الشيخ صار يكتب بالدفتر وبجديه / اين ولي امر العروس سالم بجديه / انا عمها وولي امرها الشيخ بجديه / لو سمحت نادي العروس بسمع موافقتها وقف سالم وطلع لصاله واتصل على جوال امه وطلب منها تقول لشوق تنزل الشيخ بيسمع موافقتها فوق طلعت ام سالم من غرفتها قربت منهم وطالعت نوف باعجاب ام سالم بابتسامه وترحيب حار / حيالله من جانا وقفت نوف وقربت من ام سالم وباستها / الله يحيك خالتي التفتت لشوق / الشيخ بيسمع موافقتك نزلت شوق بهدوء شافت عمها بالصاله طلب منها توقف عند الباب وتجاوب الشيخ سمعت الشيخ يقول هل تقبلين بركان ضاحي زوجا لك شوق بضيقه / ايه مد الدفتر على سالم اخذه منه وعطاه لشوق الي تكلمت بصوت جهوري ياشيخ مراح اوقع الا اذا شفت مهري الي طلبته منه سمعها ركان وقف ورى الشيخ وعطاه ظرف وبجديه / هذا مهرها ياشيخ مد الشيخ الظرف لشوق / هذا مهرك يابني شوق فتحت الظرف شافت الي تبيه وقعت بالدفتر ورجعته لسالم لشيخ جلست شوق بالصاله طلع لها عمها تركي / ادخلي وعمك سالم بيدخل ركان وبيناديك دخلت بهدوء عند تركي شافها تدخل وهو كمل طريقه فوق وقف مووووووووجوع من الي يشوفه قدامه مو قادر يتحمل شوفتها بهالشكل حس بدوخه جلس على الدرج الي يشوفه فوق احتمال وهي بحجابها دمرته شلون وهي بجمالها المبهر بيوقف لكن رجوله تجمدت تركي في نفسه / وانا تحملت شكلك وانتي متحجبه شلون وانت بهالجمال القتال عند ركان كان جالس وداخله فرحان خلاص صارت زوجته سمع سالم يناديه وقف معه ودخل بغرفه جانبيه جلس على الكنب ومتلهف يشوف شوق وهي حلاله دخلت شوق وهو وقف منبهر من جمالها جلست على ابعد كنبه تركهم سالم ورجع للمجلس ركان بسخريه/ ليكون جالسه بعيد تحسبيني اجرب شوق بحقد / زين انك عارف هالشي ركان بحب / تعالي جنبي بلبسك الدبله شوق بكره / ما يحتاج دبله لانك بكبرك دبلة كبد وقفت وكانت بتمشي ركان بسخريه / على وين ان شا ءالله شوق طالعته بحقد / مايخصك وقبل لاتوصل للباب ماحست بنفسها الا وهي بين ايدين ركان وحاضنها بقوه شوق بعصبيه / وخر عني ياحقير ياسافل ركان بعصبيه / الحين بعلمك اصول الحقاره قرب فمه من رقبتها وباسها بوسه عميقه وهو دايخ عليها وهي تحاول تتفكك منه لكن مافي امل حست من قو بوسته لها انجرحت رقبتها حاولت تتفكك منه لكنه الاقوى وبعصبيييييه / والله لصرخ وجمع عليك عماني ركان بسخريه / ياليت تصارخين على الاقل يشوفنا حاضنين بعض يمكن يرحمونا ويخلون الزواج الليله قربت اسنانه من كتفه وبكل قهر عضته حست بطعم دمه بفمها ركان من الوجع تركها وبعصبيه / تستاااااااااااااااااهل حط يده مكان عضتها شاف دم وبعصبيه / دواك عندي ياشوق شوق بنتصار / داوي جرحك وبعد ه قول هالكلام مشت من قدامه بغرور وفتحت الباب وطلعت ركان طلع من الغرفه لبيته مايبي احد يشوف الدم بكتفه الاسبوع الجاي الظروف تمنعني ادخل النت وباذن الله لقائنا بعد اسبوع ببارتات حماسيه اختكم نسايم نجد |
| الساعة الآن 05:41 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية